خبر شكلو كذب ..."معركة نسائية في بيت الأسد".

me2 · 20/04/2006

هذه الأزمة تتلخص في قيام بشرى الأسد ، أخت الرئيس السوري وزوجة آصف شوكت، وهو مسؤول كبير في الإستخبارات السورية، بمطالبة أسماء الأسد زوجة بشار عن التوقف في المشاركة في النشاطات الجماهيرية والبقاء في القصر الرئاسي لتربية أطفالها.
هذا ألأمر لم يرق لأسماء، التي نشأت وترعرعت في بريطانيا، وما كان منها إلا أن تركت القصر الرئاسي وذهبت للإقامة في بيت أهلها في العاصمة السورية.

جدير أن التوتر بين بشرى واسماء ليس بجديد.فبشرى تعتقد ان أسماء – 33 عاماً- ومن خلال نشاطاتها الجماهيرية تسعى ومن وراء الكواليس إلى إضعاف نفوذها في العائلة المالكة. بشرى – 56 عاماً- والتي تدير في بيتها " مطبخ سياسي" والتي تدعو إليه كبار رجال السياسة في سوريا نجحت في منع منح لقب " سيدة سوريا الأولى" لأسماء. كما ومنعت الكثير من الصحف الرئيسة في سوريا من تغطية النشاطات التي تقوم بها أسماء بخصوص النساء والمعوقين والأيتام.

وبررت بشرى هذه الخطوات بأن اسماء ،والتي ترعرعت في إنكلترا،لا تتقن اللغة العربية وأنه من الصعب أن تعبر عن نفسها بلغة يفهمها الشعب السوري.لكن أسماء التي تزوجت بشار الأسد قبل نحو 6 سنوات ثارت حفيظتها من تصريحات بشرى التي أعتقدت أنها محاولة لسجنها في القصر الرئاسي ومنعها من التقرب للشعب السوري.

جدير أن نذكر أنه في الفترة الأخيرة كان هناك صراع بين بشرى وأسماء بخصوص تعيين شخص لمنصب رئيس الغرفة التجارية في دمشق. أسماء عملت على تعيين عمها رجل الأعمال الدكتور طريف الأخرس، بينما عملت بشرى على تعيين قريب عائلة من طرف أمها وهو رجل الأعمال رامي مخلوف.
في النهاية نجحت بشرى في تعيين الرجل الذي أرادته، خاصة وانها قامت بتقديم الرشوى للكثير من المسؤولين. وقامت بتمويل شراء 5000 جهاز هاتف خلوي لأصحاب حق الإقتراع في الغرفة التجارية.

منقول :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

fady juventus · 20/04/2006

اقتباس:

جدير أن نذكر أنه في الفترة الأخيرة كان هناك صراع بين بشرى وأسماء بخصوص تعيين شخص لمنصب رئيس الغرفة التجارية في دمشق. أسماء عملت على تعيين عمها رجل الأعمال الدكتور طريف الأخرس، بينما عملت بشرى على تعيين قريب عائلة من طرف أمها وهو رجل الأعمال رامي مخلوف.
في النهاية نجحت بشرى في تعيين الرجل الذي أرادته، خاصة وانها قامت بتقديم الرشوى للكثير من المسؤولين. وقامت بتمويل شراء 5000 جهاز هاتف خلوي لأصحاب حق الإقتراع في الغرفة التجارية.

كله كوم و هالقصة كوم

ونحنا منتفرج وفاتحين تمنا للهوى

sooocoool · 20/04/2006

صحيح ام كذب... بيوت الملوك.. او قصورهم... قصص اخرى.. لا تشبه كفاحنا في شيء..ولا بساطتنا ولا حتى تعقيدنا في شيء... اعذروني ان قلت عنهم ملوك... فهم غيرنا وحسب

me2 · 20/04/2006

اقتباس:

كاتب النص الأصلي : sooocoool

صحيح ام كذب... بيوت الملوك.. او قصورهم... قصص اخرى.. لا تشبه كفاحنا في شيء..ولا بساطتنا ولا حتى تعقيدنا في شيء... اعذروني ان قلت عنهم ملوك... فهم غيرنا وحسب

كلام سليم .. الحمدلله أنو ما بتشبهنا بشي ...

da3eef · 20/04/2006

كذب أكيد كذب
لأنو رامي مخلوف المسيطر على شركات الخليوي والمناطق الحرة والمطارات والحدود
مانو عايز حدي يتواسطلوا
وكمان خاصة إذا دخلوا قد خمس ميزانية سورية

me2 · 20/04/2006

اقتباس:

كاتب النص الأصلي : da3eef

كذب أكيد كذب
لأنو رامي مخلوف المسيطر على شركات الخليوي والمناطق الحرة والمطارات والحدود
مانو عايز حدي يتواسطلوا
وكمان خاصة إذا دخلوا قد خمس ميزانية سورية

كمان وجهة نظر معقولة ...

fady juventus · 20/04/2006

لا مو معقولة ولا شي
قد ما كبر و عبا مصاري
بتضل السلطة السياسية أقوى وقادرة تشلحو كلشي بأي لحظة أو تعطيه إمتيازات و حصانة من خلال غرفة التجارة

me2 · 20/04/2006

اقتباس:

كاتب النص الأصلي : fady juventus

لا مو معقولة ولا شي
قد ما كبر و عبا مصاري
بتضل السلطة السياسية أقوى وقادرة تشلحو كلشي بأي لحظة أو تعطيه إمتيازات و حصانة من خلال غرفة التجارة

كمان وجهة نظر ...

صياد الطيور · 21/04/2006

يعني ... سواء كذب ولا صحيح

ببيبتكن يا غالي ما ممكن يصير هيك
بيوت الرؤوساء متل بيوت باقي الناس .. وكمان مشاكلهم متل مشاكل باقي الناس ..

بس أنا الي بستغربو ... أنو me2 يذكر هيك خبر .. معو أنو خبر تافه ومو صحيح وما ألو أي فائدة أو معنى أو شي لا يفيد البلد ولا هم يحزنون ...

ولا صارت كمان شغلتنا تشعيل الفتن ؟؟

me2 · 21/04/2006

اقتباس:

كاتب النص الأصلي : صياد الطيور

يعني ... سواء كذب ولا صحيح

ببيبتكن يا غالي ما ممكن يصير هيك
بيوت الرؤوساء متل بيوت باقي الناس .. وكمان مشاكلهم متل مشاكل باقي الناس ..

بس أنا الي بستغربو ... أنو me2 يذكر هيك خبر .. معو أنو خبر تافه ومو صحيح وما ألو أي فائدة أو معنى أو شي لا يفيد البلد ولا هم يحزنون ...

ولا صارت كمان شغلتنا تشعيل الفتن ؟؟

الله يسامحك ... اذا كات الخبر صحيح جزئيا أو كليا .. بيكون فعلا ما بيفيد البلد و بيجوز يضرها ...

على كل حال .. مو القصد تشعيل الفتن ... على الأقل لعند مداخلتك المصونة ...

صياد الطيور · 21/04/2006

لكن ممكن تقلي شو القصد من نشر هالخبر ؟

me2 · 21/04/2006

اقتباس:

كاتب النص الأصلي : صياد الطيور

لكن ممكن تقلي شو القصد من نشر هالخبر ؟

ممكن كتير .... بس ما بدي لأنك عم تسأل بتهكم و اذا مو عاجبك الموضوع زبلو .. مو شرط تحكي عكل موضوع .. لا تفكر أنو جايي على بالي نعمل مشكلة أو فتنة متل ما أنت توقعت .. لذلك رجاء خصمها أو حكيني بالرسائل الخاصة .. ولا تفتح باب معارضة و موالاة .. لأنو داق خلقنا منو ... لا جايك شي ولا جاييني لا من الدفاع ولا من الهجوم على الحكومة ...

شكرا لتفهمك ..

صياد الطيور · 21/04/2006

حبيب القلب
لا بدي اعمل معارضة وموالاة ولا بدي اعمل مشكلة ولا عم اتهكم

الخبر زعجني ... مو لمضمون الخبر .. لأ .. آخر همي ...

بس الي زعجني أنو ليش مننشر أخبار وإشاعات بدون فائدة منها ...

وأنا بسأل بكل أدب وأحترام ...

ما هي الفائدة المرجوة من ذكرك لهذا الخبر ؟

me2 · 21/04/2006

اقتباس:

كاتب النص الأصلي : صياد الطيور

حبيب القلب
لا بدي اعمل معارضة وموالاة ولا بدي اعمل مشكلة ولا عم اتهكم

الخبر زعجني ... مو لمضمون الخبر .. لأ .. آخر همي ...

بس الي زعجني أنو ليش مننشر أخبار وإشاعات بدون فائدة منها ...

وأنا بسأل بكل أدب وأحترام ...

ما هي الفائدة المرجوة من ذكرك لهذا الخبر ؟

شكرا الك ... ليش ما سألت نفس السؤال عن "سترو في فراش كوندي" ؟؟

ما تزعل .. حطيتو لأنو مبلش ينتشر بين الناس .. و بيهمني أنو يتكذب على بكير .