اقتراح للكينغ رورو

Espaniol · 07/12/2004

بما انو يا كينغ اكتشفت اليوم انو متل كل يوم والحزن هو خيالي يلي مرافقني وعم يكبر ليصير يأس

فقررت انو انتمي لمملكتك مملكة الحزن؟فشو رايك

ملاحظة:مسموح لجميع الحزانى والمكتئبين وكل من لف لفهم الدخول الى هذه المملكة بعد موافقة كينغ على الموضوع

**Hus** · 07/12/2004

اوف
ليش حتى للحزن عملولو مملكة

يا ساتر يا رب ..
لك ليش يا جماعة .. ليش الحزن .. وعلى شو ..

اوف والله الحياة رهيبة .. يعني لو ما كنت عايش بالحياة كنت رح بتمنى كون عايش بالحياة ..
بقا شو الي مزعلكووووووووووووون

dimozi · 07/12/2004

يمكن بعد فترة من الحزن الطويل , منتعود على وضعنا حزنانين على طول و بيصير الحزن إدمان

ها الشي كتير مضر أخواتي .

كينغ ................. مهما صار من زمان لازم نتخطاه و نمشي ..................... ما بينفع نضل واقفين محلنا عم نبكي على شي على الاغلب ما إلنا أيد فيه , يمكن ما بس عم نأذي حالنا ................. تطلع حوليك ............ شوف الناس اللي بتعرفا .......... شو غير حزنك بحياتها و بطريقة تعاملها معك و مع بقية الناس ........... ما بعرف إذا عم خبص أو عم أحكي بشي ما إلي علاقة فيه ................... بس هيك مو نايس يا زلمي .......... الحزن بيعدي يا أخي .............. و بيضل جرح إذا طول ................. لا تخليه يطول شو ما كانت الاسباب ........... منشانك لا تخليه يطول ........... و منشان اللي حوليك .............. و اللي بيحبوك و ما بيقدروا يكونوا فرحانين إذا كنت انت زعلان ......................... بس هيك

تحملونا

هاي وردة .......................... و بيكون إلك عندي خسة

HashtNasht · 08/12/2004

اقتباس:

ملاحظة:مسموح لجميع الحزانى والمكتئبين وكل من لف لفهم الدخول الى هذه المملكة بعد موافقة كينغ على الموضوع

طبعاً نحنا كجهاز أمن المنتدى منرحب بكل المبادرات اللي بتدعو للحزن , أو الفرح , أو أي شي ما الو علاقة بالسلطة

يعني أنا موافق و إ1ا بدكن بعتولي الطلب مع المساعد X مشان نعمل اللازم .

و ياريت يشرفنا الكينغ ع فنجان قهوة مشان نحكي بالتفاصيل

ولا تنسو أنو أمن المنتدى من أمن الوطن

hacker · 08/12/2004

اقتباس:

ولا تنسو أنو أمن المنتدى من أمن الوطن

**Hus** · 08/12/2004

اقتباس:

كاتب النص الأصلي : hacker

اقتباس:

ولا تنسو أنو أمن المنتدى من أمن الوطن

King RORO · 08/12/2004

اقتباس:

كاتب النص الأصلي : hanan

بما انو يا كينغ اكتشفت اليوم انو متل كل يوم والحزن هو خيالي يلي مرافقني وعم يكبر ليصير يأس

فقررت انو انتمي لمملكتك مملكة الحزن؟فشو رايك

ملاحظة:مسموح لجميع الحزانى والمكتئبين وكل من لف لفهم الدخول الى هذه المملكة بعد موافقة كينغ على الموضوع

هلق بالاول وبعد التحية للجميع:
حنان انتي اخر شخص ممكن يطلب مني اذن لانو.........انتي مفضلة عليي
يعني مافيني قول غير اهلا وسهلا بس مامن قلبي طالعة
لانو ما بتمنى لاي شخص يدخل بهالبوتقة ابدا .....كيف لوكان شخص الو رتبة بقلبي

وبحب وجه تحية شكر لاخي ديموزي يللي الو احترام خاص وبحب قول انك من اهل البيت لا عم تخبص ولا شي
وشكرا ع كلامك اللطيف وانا اعدت قرائتو عدة مرات بس للاسف ......
بعتقد انو السفينة الي عم تحكي عنها مارح تلاقي ميناء بحياتها..
يعني لما بتلاقي شخص احد مفاهيمه للحياة والايام :
((اليوم الذي لا يزيد حزني الشخصي به هو احد اسعد ايام السنة))
اكيد بتعذر اي تصرف ممكن يصدر عنو......تجاه اي شخص ولو كان(( كل دخان الحزن الصادر غير ظاهر
اي من الروح للقلب دون ان الطخ به ثياب او قلب احد))

ع كل حال مشكور مرة تانية ابن العم

saji · 09/12/2004

وانا كمان معكوون بمملكة الحزن

architecturer · 09/12/2004

العوض بسلامتكون

شبكون كأنكون صافين بشي عزا ( بعيد من هون )

Espaniol · 09/12/2004

اقتباس:

حنان انتي اخر شخص ممكن يطلب مني اذن لانو.........انتي مفضلة عليي
يعني مافيني قول غير اهلا وسهلا بس مامن قلبي طالعة
لانو ما بتمنى لاي شخص يدخل بهالبوتقة ابدا .....كيف لوكان شخص الو رتبة بقلبي

ميرسي اخي كينغ الفضل ل لله طبعا يلي جمعني بهيك اخوة,دايما مخجلني

شكرا ديموزي كلامك حلو بس

مافي فايدة

وشكرا للامن يلي مالو علاقة بالامن

بس الو علاقة بالحزن اهلا وسهلا

واهلا بسالي وبكل الحزانى