|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
03/01/2006
|
#1 | ||||||
|
عضو
-- أخ لهلوب --
|
القاموس الشامي
بكسليت: دراجة هوائية.
غال:مفتاح. ميكب: بيك اب. شديش: كم. ولا: آداة تستخدم في النهر والشتم دشرو: يعني حل عنو ماني غضران: يعني لست بقادر دشّرني: أي حل عني ... وحل عني يعني اتركني بحالي أيدي بزنار ك: تعبير يستخدم للتعبير عن الرجاء دخيل الله: أيضاَ تعبير والمقصود به هو الاستغاثة بالله وضرّاب السخن: وهي مسبة.. وتعني .... مابعرف مسبة وبس يبعتلو حمى: أي تصيبه حمى ويمرض يتحورق: متل يبعتلو حمى يتقوص: بنفس المعنى يتأمع: كمان هيك شي وين غاطط: وين مو مبين والسبع تنعام: يعني إلنا الشرف حيط بياخذو وحيط بيجيو: تقال للي بيسكر من كتر الترنح مابيعرف الخمسة من الطمسه: عن الرجل اللي ماعندو ثقافة سرّي مرّي: عاللي بيخفق برات البيت شندي بندي: للي بيحكي بلا طعمه شروي غروي فايت بالحيط – طاقق الفيوز: للدلالة على انو ماعم يلاقي كلمة مناسبة مجنط: مفلس ولا قرش كحته: إيدو ماسكه .. بخيل شاطط ماطط: يعني مدلع زيادة نعيان: يعني قلبو بارد نايط = نعيان = بارد شاضومه: بنت مجلوئة .. يعني كيف بدي إلكن .... قليلة أدب ومصبينه شحاطة: مايلبسه المرء في قدمه عندما يكون في المنزل تعسيله: نومة بعض الظهر مسرسبة: يعني بتحب النظافة كتير أسسييع أوعى الزيت: بمعنى وسع وفسح طريق أغّيييييى: هي للأبضايات وبسعقلو جوزتين بخرج: يعني عقله صغير متل الأطرش بالزفة: يعني مالو علاقة بالموضوع حاج تحوص وتلوص: يعني حاجة تفتل وتدور شوية لرخار: بعد شوي بنت عمي: يعني مرتو وطبعاً بالعكس قطرميز= اناء زجاجي) مقعود = مربى مشمش او…. بيتنجان(باذنجان) على حيس رئّة: يعني شوي شوي سلحبة عم ياكل بعقلو حلاوة: يعني عم يجدبا على سماه عم يحفر كوسا: يعني عم ينكش بمناخيرو . عملك موشة: يعني جولة . غاسل ايدي منو: يعني قاطع الأمل منو غرفة ماشية ، آيمة آعدة: يعني منكوت كرارا . فئّر حناكك: يعني طق حنكك بايدي فاينة: يعني الزاحلة او الشغلة المو تمام فش نيعك: يعني حط ايدي جوات تمك لحتا ينملخ نيعك لءوي تشد إيدك: يعني لا تعتمد عليه كتير لاب: يعني دار
منبر الإنسانية قلبها الصامت....
لا عقلها الثرثار rawad آخر تعديل rawad يوم 03/01/2006 في 03:10. |
||||||
|
|
03/01/2006
|
#2 | ||||||
|
عضو
-- أخ لهلوب --
|
لابس وشو عالمألوب: يعني مو رايئ وما عم يتحاكا .
لألوء: يعني تبع . مأرّح: يعني مو قليل . مأطع موصل: يعني بيلعب على كل الحبال . مدجون: يعني عالموضة بس مو بسنو مدهرن: يعني عالموضة اكبر من سنو مربع ، أوضة: غرفة الضيوف بالبيت العربي . مفدوغ: مشقوق النء: طلب الشغلة بشكل متكرر باوقات متقاربة يعني تعيف سماه للواحد ( أكيدالنسوان بيعرفوا ) النبيرة. الدنكورة: وهي دعبولة بتطلع براس الواحد بعد ما ياكلو شي طرءة علىراسو. نتع: حمل . ندف ، لطش ، سفئ: يعني اخد سلبطة . يرح رح: يعني شي في بسفلو مي . يردح: يعيط ويندب . يرغي: يحكي حكي بلا طعمة . يكش ، يبيض ، يسحب ، يقشط: يعني يكزب ويحكي قصص ومفكر العالم مسدءة يوك: جورة بالحيط بحطو فيا الفرش . شويط: هي الريحة يلي غالبا منشما لماتكون الام عم تطبخ وعم تحكي بالتلفون مع بنتا او اختا .. طجونة ، ششنية ، تبنية: يعني واعة معدن زغيرة طلع بالعالي: يعني عيط بصوت اعلا من صوت يلي عم يحكي معو عاطس القرد بوشو: يعني مو رايء وعم يخانء دبان وشو عاطسو من مناخيرو: يعني بيشبهو كتييييير اتكل ، زمر عالكوع ، عطي ضو ، هوينا: يعني حل عنا وفرقنا ، تركنا يعني . أرصة مفلفلة: يعني هي الأرصة يلي بتجي ماكنة وبكون تدرج ألوانا عالجلد حمرا بعدين زرقا بعدين خضرا وبتضل شاهدة على العصر خخخخخ . أشكرة ، أشكر خبر: يعني واضحة . اصحك تنبرء ، حاج تطول وتقصر ، اصحا يطئلك شي عرء: يعني لأوي آظااان: يعني الهيتر يا بعدي او السخاااان . آكل كم: يعني آكل بحالو مقلب آلب عطّابة: يعني متوسخ آلب شحارة . أنبز ، نبّأ: يعني تناوء خخخخ ال يعني شرحناها يعني مممممم تطلع بس مد راسو بئّ: يعني كان عم يشرب مي وبء بقلب الكاسة يع عليه باب لخم: يعني ما فهمو شي سطلو سطل بالمشرمحي ، بالألم نشرح: يعني بالعربي الفصيح البونات: مخصصات من الدولة للسكر والشاي والرز للمواطنين الآكلين هوا التدع : يعني احترء من طرفو وهي للأكل والواعات . تدندل: يعني طخى راسو من قرنة عالية تمر تينة: ما بعرف بس بقولو لزق في متل التمر تينة معناتا شغلة بتلزق . تنح عبدك يا ربي: هي لما يسكر مخو للواحد وغير ربك ما عاد يفهمو حطة: هي الوجبة من الغسيل حندء بندء: يعني عازك وعوازك . خطاف الزعزع ، زعة: يعني بيجي عالسريع وبروح خطرة: يعني مرة او بزماناتو . هي لما الواحد يكون بدو يحكي سيرة خطوف رجلك: يعني روح عالسريع ورجاع . |
||||||
|
|
|
03/01/2006
|
#3 | ||||||
|
مشرف متقاعد
|
 حلووووين .. ولو انو في بعض الكلمات ما صار وسمعت فيها بحياتي !! واللي بتضحك اكتر شي ( تدندل: يعني طخى راسو من قرنة عالية ) .. ليش اللي عم يقرأ رح يعرف شو هي ( قرنة ) خخخخخخخخخ قال قرنة عالية خخخخخخخاي بس في ملاحظة صغيرة .. ( ماني غضران: يعني لست بقادر ) ... هي مافي غير هاني بيقولها بكل هالعالم 
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ... نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ... |
||||||
|
|
|
03/01/2006
|
#4 | ||||||
|
عضو
-- قبضاي --
|
والله إنو هاالموضوع تحفة
مع إني حمصي .......... (ليش عم تضحك شو مو عاجبك........) بس بحب أهل الشام كتير وبحب حكين هلأ في بالموضوع كلمات مشتركة كتير وفي كلمات منفردة فيها أهل الشام طيب شومعنى تيب توب هردبشت كلمنضو ضاضرمة طربيزة عروسة طريزينة حرق أصبعه بما إنو إنت صاحب الفكرة جاوب
(M L) أبوراشد (M L )
ولدتك أمك يا ابن آدم باكياً .............والناس حولك يضحكون سرورا فاأحفظ لنفسك أن تكون إذا بكو ......في يوم موتك ضاحكاً مسرورا |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 08:01 (بحسب عمك غرينتش الكبير +3)