بدك تاكلي والا لأ ...

[lolo510]

حورا زوج مع زوجته
------------------------------------------

هو:
بدي اطلب بيتزا .. بدك اشي؟"

هي:
"لا."

هو:
اوكي."
هي:
"و لا اقولك ..؟"

هو:
"ها . بدك اطلب لك كمان؟"

هي:
"مش عارفة."
هو:
"مش عارفة اذا بدك اشي؟"

هي:
"لا."

هو:
"انتي جوعانة؟"

هي:
"يعني ."

هو:
شو يعني يعني...؟"

هي:
"يعني معناها مش متأكدة اذا كنت جوعانة او لا."
هو:
"الواحد لما يكون جوعان بيعرف"
هي:
"مهو يمكن اجوع بعدين"
هو:
"معناها اطلب لك بيتزا."

هي:
"طيب و اذا ما كنت جوعانه وقتها..؟"

هو :
"ما تاكلي."

هي:
بس هيك بيكون تبذير"

هو:
"طيب . بتاكليها بكرة."

هي:
"و اذا ما كان الي نفس آكل بيتزا بكرة؟"

هو:
"هاي ما بدها نفس .. الواحد بيقدر ياكل البيتزا كل يوم "

هي:
"انا لا .. ما باكل بيتزا الا لما يكون عندي نفس للبيتزا."

هو:
"معناها بطلب لك اشي تاني"

هي:
"بس انا ما بدي اشي تاني"

هو:
"يعني بدك بيتزا؟."

هي:
"لا."

هو:
"يعني ما بدك اشي؟."

هي:
"امبلى."

هو:
"جننتي سماي شو بدك؟"

هي:
"اطلب انت لحالك.."

هو:
"اخيرا .. ماشي.."

هي:
"بس اطلب بيتزا بالتونا"

هو:
"بس انا ما بحب التونا."

هي:
"بس انا بحبها."

هو:
"هو انا بدي اطلب الي و لا الك...؟!"

هي:
"الك طبعا."

هو:
"طيب و ليش بالتونا...؟"

هي:
"يمكن اجوع لما يوصل الاكل"

هو:
"و شو يعني؟"

هي:
"بالله؟ شو يعني فكرك آكل اشي ما بيعجبني؟"

هو:
"ليش هو انتي بدك تاكلي؟"

هي:
"ليش لا ؟"

هو:
يا مثبت العقل و الدين .. هسه انا لازم اطلب بيتزا الي , عشان انتي تاكليها
اذا كنتي جوعانه؟؟"

هي:
"بالضبط."

هو:
"و انا شو بدي آكل؟"

هي:
مهو يمكن ما أكون جوعانة..."


ملاحظة: محكمة الجنايات قررت الافراج عن الزوج المتهم بتهمة "قتل الزوجة مع
سبق الاصرار و الترصد" و تحويل القضية الى "قتل الزوجة دفاعا عن النفس

[sweet angle]

حلوة لولو كتير حلوة والله اذا من هون لاخر يوم ما بكون جن بكون غبي

[marochka]

ما بدا قضايا ولا محاكم بيكونو ودوه عالعصفورية بدون أي نقاش

[lolo510]

كاتب النص الأصلي : marochka

ما بدا قضايا ولا محاكم بيكونو ودوه عالعصفورية بدون أي نقاش

معناتا نص يللي بالعصفورية اذا ما اكتر من ورا هالنسوان وقصصن مع البيتزا

[عمار فيكا]

حلوة كتير بس الله يكون بعون هالزلمة

[zeenaa]

كتير مهضومة

[mhsen77]

ملاحظة: محكمة الجنايات قررت الافراج عن الزوج المتهم بتهمة "قتل الزوجة مع
سبق الاصرار و الترصد" و تحويل القضية الى "قتل الزوجة دفاعا عن النفس

انا لو محل القاضي كنت اعتبرتها فورة دم

[الحيرانة]

[3ajeeb]

مهضومة النكتة شكرا

وصحي . انا مرق عليي كتير عالم قتلن بيكون دفاع عن النفس بس لسا ما طاش حجري

[marochka]

كاتب النص الأصلي : lolo510

معناتا نص يللي بالعصفورية اذا ما اكتر من ورا هالنسوان وقصصن مع البيتزا

من ورا النسوان أكيد (بس هاد مو معناه أنو الحق هالنسوان!!) بس البيتزا يمكن ما كتير دخلا ممكن تتنوع المواضيع.
بس هي المشكلة عندو هو اللي ما كان يتعلم ياكل على ذوقا وبلا كترة نقاش أو من الأول يعمل رجال ويفرض عليها رأيه