في حال فقدان password للموبايل انقر هنا (اعطيني IME بعطيك password )

[alola12]

السلام عليكم ورحمه الله وبركاته


اذا نسيت الــ password كلمة المرور للموبايل المؤلفة من خمس ارقام :
1- جرب ادخل الرمز 12345
2-اذا ما مشي الحال , اعطيني الـ IME للموبايل عن طريق الكود (*#06#) رح يطلع رمز اعطيني اياه وانا بعطيك passowrd كلمة مرور رح يمشي الحال 100% .
ملاحظة : بإمكانــك ايجاد الــ IME للموبايل تحت البطارية تبع الموبايل .

مثلاً الـ IME للموبايل خاصتي هو : 355034003028669

مؤلف من 15 رقما


شكرا

[Abu Guzef]

شو رايك تعطينا البرنامج مو احسن ما نلبك بالime
ولاي جيل من الاجهزة البرنامج مصمم !

[VivaSyria]

فالح فالح شو بيقربك؟؟ يعني بس بدك الأيمي تبع الجهاز؟ والله مو كتير...

باعتبار انت شب اكابر وأدمي خليني قلك شوية أفكار ممكن يستغلوها البشر السيئين اذا عطيناهون الأيمي تبع جهازنا:

بدبي والسعودية ولبنان والخليج بشكل عام رقم الأيمي إثبات كافي لإنو جهازك مسروق وبيقفوه وبيجيبولك الجهاز..

بسامسونغ وموتورولا كل ماتعمل تسجيل برقم أيمي جديد بيطلعلك رنات ومسجات وخدمات وبيسجلوك بالكلوب تبعون.. وبسامسونغ كل ماكان نفس الشخص عندو عدد أكبر من اجهزة سامسونغ كل ماطلعلو بونس لخصومات على الاجهزة...

أما أكتر شي ممكن يعملوه "السيئين كتير طبعاً مو إنت" انو بمجرد ما صار معون أيمي جهاز فصار امكانية تسجيل مكالمات هالجهاز الواردة والصادرة سهل بالاستعانة بجهاز معين...

لسا في كتير شغلات بس حاج هدول

[zen]

انو فادي الله بعتلنا ياك رحمة

[VivaSyria]

كاتب النص الأصلي : Abu Guzef

ولاي جيل من الاجهزة البرنامج مصمم !

لأي جيل من البشر ولا الأجهزة؟ بدك تحدد اذا قصدك أي جيل من البشر فمصمم للبشر يلي وضعون متل هاد السمايلي

كاتب النص الأصلي : zen

انو فادي الله بعتلنا ياك رحمة

لك شو الله بعتني؟ أصلاً مابيسترجي يبعتني واذا جرب وقلي روح ما برد عليه

بس انو شو بدك بالحكي يعني الشب إجا على حالو بطلب رقم الأيمي بس... كان لازم يطلب رقم الأيمي ورقم الكريدت كارد ومفتاخ السيارة بفرد مرة

[Abu Guzef]

كاتب النص الأصلي : VivaSyria

لأي جيل من البشر ولا الأجهزة؟ بدك تحدد اذا قصدك أي جيل من البشر فمصمم للبشر يلي وضعون متل هاد السمايلي



لك شو الله بعتني؟ أصلاً مابيسترجي يبعتني واذا جرب وقلي روح ما برد عليه

بس انو شو بدك بالحكي يعني الشب إجا على حالو بطلب رقم الأيمي بس... كان لازم يطلب رقم الأيمي ورقم الكريدت كارد ومفتاخ السيارة بفرد مرة

يا غشيم لايمتى بدي ضل فهم بسماك

قلنا ما حلوة نقلو الحقيقة المرة للزلمة بعدو جديد لنجيلو بغير صيغة بلكي مناخد البرنامج

قام انت دغري خرطتو الجريدة يلي كنا رح نكتبلو ياها بعد ما ناخد البرنامج

[LiOnHeArT.3LA2]

فادي .. اكرر الكلام اللي قالو علاء
قاعد عم تتفلسف على الله

خليه ينزل البرنامج
منعمل كم حركة ولدنة حرام .. شو فيها ..


هاموش :

وينك يا ..... " بتعرفني خجول ما فيني قلك "

[Abu ToNi]

ذكرتني بأيام وقت كان ايميل الهوتميل حجمه 2 ميغا ئشة لفة
فات شب مفتح بالمازوت علأخوية حط موضوع انك اذا ارسلت ايميلك مع الباسوورد تبه للإيميل التالي ( وحطلنا شي ايميل خاص فيه بس فيه شي كلمة سوبورت على اساس انه شي رسمي )
فالشركة بدا تكبر الايميل باسرع فترة

وفعلا في شباب كبر ايميلن لدرجة ما عاد يسع على النت كله

[Abu ToNi]

علسيرة في موضوع نزل من ثواني بهلخصوص شوفوا شو مكتوب فيه

كاتب النص الأصلي : أسامة نعيمي

في 19/حزيران، ستقوم شركة apple بطرح الI Phone الجديد في الأسواق.

له مميزات عديدة، ليست ثورية، ولكنها تضيف من المزايا التي يستمتع بها حاملي هذا الجهاز

أحد هذه المزايا يتعلّق بالأمان، فلو تم سرقة هذا الهاتف، بإمكانك أن تدخل إلى الشبكة العنكبوتية (الانترنت) وإدخال رقم الجهاز، وسيظهر موقع الجهاز على (google maps). حتى لو كان الذي سرق الجهاز قد أطفأه أو نزع البطارية!!!


ميزة أخرى تكمن في فقدان الهاتف داخل المنزل (وهو ما يحدث معي دائماً). أيضاً بإمكانك أن تدخل إلى موقع google وإدخال الرقم الخاص بالجهاز، وسيبدأ الجهاز بالرنين (حتى لو كانت البطارية بحاجة إلى شحن)

هذا وقد تم إدخال معظم اللغات الأخرى بالإضافة إلى الانجليزية إلى الجهاز، الأمر الذي سيشجع على استهلاكه في دول العالم النامي، كالدول العربية.

مع أجمل التحيات
أسامة

انه يعني شلونك حياتو

[ابو نجبو]

روح عمو روح.....
شفلك شي منتدى خليجي ...هنيك يمكن يكون الك خبزة...



على هامان يافرعون....