شرفنا العربي

[بشارة معقد]

اعذروني اصدقاء هذا المنتدى ومشرفيه اذا كتبت بحدية تجاه هذا المجتمع العربي وهية اول المواضيع التي اكتبهامتواضعا تناولت اليوم موضوع حساس في مجتمعنا العربي وهو الشرف وابدا بجرائم الشرف التي ترتكب كل يوم دون توقف اوحتى رادع قانوني 1 لماذا التمييز بين شرف النساء وشرف الرجال فمثلا للرجال الحق في معاشرة النساء ما استطاع دون ان يتهم بقلة الشرف وما ان تبدأ فتاة ببناء علاقة حب مع شاب حتى وبدون تقصي الحقائق تتهم بقلة الشرف 2 لماذا يعتبر الشرف عند المراة العربية باوسخ منطقة في جسمها لماذا نصنف الرجل العربي بالشهم وكبار شيوخ العرب يمارسون اللواطة في خيامهم وهم ذات الاشخاص الذين يقتلون نسائهم بتهمة الخيانة
ولن اضيف الكثير عن القصص التي سمعناها وعن التي حدثت امام اعيوننا عن جرائم الشرف والشرف
ساكفي بلقول \\\\\\\ ان كل كلمة صادقة هية الشرف
وكل واعد يفي بوعوده يكون من الشرف


اشكر لكم حسن القرائة والأهتمام المحب يشارة

لسانك حصانك ان صنته صانك وان خنته خانك

[ملك الهكرز]

حكيك صح بس مو الكل

[أبو النسيم]

أخي بشارة أنت وضعت يدك على الجرح تمام موضوعك رائع وأنا هل الشي بفكر في من زمان

يا عالم الشرف مو هو منطقة ممارست الجنس عن البنات
هادى المفهوم العربي الحقير لشرف
الشرف هو شغلة أكبر من هيك بكتير بس لأنو مجتمعنا متخلف بدى تكون عاداتنا وتقليدنا متخلفة
والأسباب كثيرة لاكن أهم سبب هوالفكرالديني

الشرف يا شباب هو العقل
الشرف هو الفكر الواعي
الشرف هو المعرفة
الشرف هو الصدق
هذا هو المفهوم المتحضر لشرف
وشكرا من كل قلبي يا أخ بشارة على هل الموضوع الجميل

[بشارة معقد]

[quot
ملك الهكرز"]حكيك صح بس مو الكل [/quote] ياملك شكرا على الرد السريع بس شو مو الكل نورني

[ابومزيد]

انا اللي بعرفو انو جريمة الشرف ما الها اساس ديني يعني مو مذكورة بأي دين من الاديان
وانا بعتقد انو هيي اثر من آثار التخلف الاجتماعي
واعتقاد الرجل انو المرأة هي ملك له وهي شيء مو اكتر
بعدين عدم المؤاخذة البنت اللي مرباية ببيت محترم وابوها واخوها ملتزمين ما رح ترتكب شي مشين ابدا
ودمتم

[أبو النسيم]

بعدين عدم المؤاخذة البنت اللي مرباية ببيت محترم وابوها واخوها ملتزمين ما رح ترتكب شي مشين ابدا
ودمتم

رجعنا يا أبو مزيد لنفس النقطة ما هوالشيئ المشين بنظرك ممارست الجنس مع صديق

طيب لماذا الشب يستطيع ممارست الجنس مع صديقتة أو عشيقته ويتفاخر بهذا بينما البنت لا

سئروي لك قصة سمعتها من صديق مغترب
صديقي لديه عشيقة في السويد وهوا مقيم هناك في أحدة السفرات أخذ معه هديا لها (تحف وأنتيكا وشغلات من هشي )

وأدخلهون من المطار تهريب بدون أن يدفع الرسم الجمركي

ولما أخبر عشيقته بهذا الأمر غضبت وطردته من المنزل

السبب كما قالت له أنه لم يحترم قانو البلد الذي يقيم بها


طيب هي العشيقة بمفهومنا العربي عاهرة وفلتانة وبلا شرف صح
شوف هل العاهرة شو طلع منها

طردت الرجل أحترامن منها للقانون

بقى شغلة ممارست الجنس ليست هي المقياس العملي لشرف

ولكم جزيل الشكر

[تيريزا]

معالجة مثل هذة القضية.
تتمثل باعادة النظر في اساليب التنشئة الاجتماعية ممثلة بجميع المؤسسات رسمية وغير رسمية وتبدء من الأسرة والمدرسة .
بحيث تكون الاساليب متماشية مع التغير السريع الذي تمر بة المجتمعات الحديثة واهمها الثقافة الجنسية السليمة التي تعمل على ايجاد توازن تعايشي سليم بين حاجات الفرد والقيم والعادات والتقاليد في المجتمع وفقا لذلك التغير بمعنى ان معالجة مثل هذة المشكلة يتمثل بسرعة تكيفنا مع التغير الاجتماعي في كافة مجالات الحياة.

ومن المفترض ان لافرق بين الرجل والمراة في الاثم لان المراة من غير الرجل لا تستطيع ان تفعل شيئاً اذا هم متساون في الذنب فلماذا نحاسب الفتاة ولا نحاسب الرجل وهو اساس الخطأ والمعروف ان المراة ضعيفة يمكن ان يكون قد لعب بعقلها وهي دائماً تكون ضحية للرجل .

مشكور على الموضوع الذي يستحق استرجاع النظر فيه ,خصوصا وانه متفشي في مجتمعاتنا العربية (المتخلفة ) .

[أبو النسيم]

ان المراة ضعيفة يمكن ان يكون قد لعب بعقلها وهي دائماً تكون ضحية للرجل

يمكن هون تجنيتي على الرجال شوي أخت تيريزا

[تيريزا]

كاتب النص الأصلي : أبو النسيم

يمكن هون تجنيتي على الرجال شوي أخت تيريزا

انا ما قلت كل الرجال ولا كل النساء
محايده

والمجتمعات منها الصالح والطالح

لكن خذ اساس الموضوع وهو لماذا الرجل يعد نفسه افضل من المراة ويتعدى حدوده احيانا ويعطي نفسه الصلاحية الكاملة في التحكم بالمراة ( مشان يفرجي عضلات وبس ), وياريته يكون انسان صالح للمجتمع ولنفسه اولا .
وبكرر انا مش مع المراة كمان المراة تستحق الانتقاد في كثير من اساليبها وسلوكياتها.

[أبو النسيم]

كاتب النص الأصلي : تيريزا

انا ما قلت كل الرجال ولا كل النساء
محايده

والمجتمعات منها الصالح والطالح

لكن خذ اساس الموضوع وهو لماذا الرجل يعد نفسه افضل من المراة ويتعدى حدوده احيانا ويعطي نفسه الصلاحية الكاملة في التحكم بالمراة ( مشان يفرجي عضلات وبس ), وياريته يكون انسان صالح للمجتمع ولنفسه اولا .
وبكرر انا مش مع المراة كمان المراة تستحق الانتقاد في كثير من اساليبها وسلوكياتها.

أنا باصم على كلامك بلعشرة بس الحل والحل يلي مقدمتي حلو والثقافة الجنسة من أهم المواد التي يدرسونها في مدارس الغرب

بس كمان الدين هو اللاعب الأكبر في هي الأمور مزبوط

[تيريزا]

كاتب النص الأصلي : أبو النسيم

أنا باصم على كلامك بلعشرة بس الحل والحل يلي مقدمتي حلو والثقافة الجنسة من أهم المواد التي يدرسونها في مدارس الغرب

بس كمان الدين هو اللاعب الأكبر في هي الأمور مزبوط

الدين اكيد له يد في الموضوع بس الدين ماقلك لما تخطئ المراة اقتلها او عاقبها , ولما يخطئ الرجل سامحه لانه زلمه وما بيعيبه شي .

الدين جاء وساوى بين المراه والرجل من ناحية العقاب لان كل منهما انسان ويفكر وله كيان مثل الاخر .

انا بقول انه هدا اللي عم بيصير ( يعني جرائم الشرف ) مجرد عادات وتقاليد توارثتها الاجيال والعقليات المتخلفه لطمس
شخصيه المراه خصوصا في المجتمعات الناميه ,والعربيه خصوصا والتي تدعي هذا باسم الدين , والدين برئ من كل ذلك.

[Kakabouda]

هلأ الموضوع حلو بس كمان هالشي ما بينطبق عالكل ... ولا أنا غلطان
على العموم شكراً عالموضوع

[تيريزا]

كاتب النص الأصلي : Kakabouda

هلأ الموضوع حلو بس كمان هالشي ما بينطبق عالكل ... ولا أنا غلطان
على العموم شكراً عالموضوع

سلامتك من الغلط
بس نحنا عم نناقش موضوع انه كيف الرجل بيوكل نفسه , وبيعمل حاله قبضاي زمانه بالشرف وبس يسمع كلمة عن اخته او امه او بنته , بيجن جنونه .
ليش ما يفكر بهالشي لما بيتعرف على بنات الناس , يحط اخته او امه او بنته مكان هالبنت اللي عم يلعب بعواطفها و مشاعرها .
ولنفرض انه ما كان اله علاقات وبيتصرف هيك تصرف بعتبره في قمه الجهل والغباء .

واكيد مش الكل متل ما سبق وقلت

مشكورين

[Kakabouda]

كاتب النص الأصلي : تيريزا

سلامتك من الغلط
بس نحنا عم نناقش موضوع انه كيف الرجل بيوكل نفسه , وبيعمل حاله قبضاي زمانه بالشرف وبس يسمع كلمة عن اخته او امه او بنته , بيجن جنونه .
ليش ما يفكر بهالشي لما بيتعرف على بنات الناس , يحط اخته او امه او بنته مكان هالبنت اللي عم يلعب بعواطفها و مشاعرها .
ولنفرض انه ما كان اله علاقات وبيتصرف هيك تصرف بعتبره في قمه الجهل والغباء .

واكيد مش الكل متل ما سبق وقلت

مشكورين

هاد اللي كنت عم بقصدو ...
شكراً لتعليقك

[Syria Man]

هلأ الموضوع حلو بس كمان هالشي ما بينطبق عالكل ... ولا أنا غلطان

لا مو غلطان

على العموم شكراً عالموضوع

[Kakabouda]

كاتب النص الأصلي : syria man

لا مو غلطان

على ر اسي

[ابومزيد]

والله يا شباب حاسس اني قاعد باوروبا وان ماني دريان
ابو النسيم وقت اللي بكون الامر بيعنيك رح تنسى كل هالحكي
واستحلالك للعلاقة الجنسية بين الرجل والمرأة بدون عقد زواج امر ما فيني وافقك عليه
وامر انو الشب بيخطيء وما حدا بيحكي معو هاد امر غلط بس حبيبي لقلك شغلة نفس الشب اللي عم يخطيء
روح شوف عيلتو ما شاء الله عليها شو محترمة
في كتير شباب محترمين وحبابين
شغلة تانية البنات اللي بيعملو هيك شغلات بالنادر لتلاقي وحدة فيهم مخلصة واكيد انت فهمت قصدي بدون الحاجة لاني كمل

[agha]

الشرف يا شباب هو العقل
الشرف هو الفكر الواعي
الشرف هو المعرفة
الشرف هو الصدق
هذا هو المفهوم المتحضر لشرف

هي أول مرة بتفق معك بشغلة