نيقة عن الخليقة ؟

[متمردة]

كنت في أغلب الأحيان لا أعير اهتماماً لما تقوله أمي عني ، لأنني كنت أعتقد أنها لا تعرفني جيداً ..
مؤخراً ..اقتنعت بقولها عني أنني " نيقة عن الخليقة" ..
لكن هذه ليس مشكلتي تحديداً ..
ربما أنا فقط أحاول أن أفسر ما يحصل معي كل يوم بهذا المثل .
وهنا تكمن مشكلتي ، بما يحصل معي كل يوم ..
عندي الكثير من الزملاء الذكور ، بعضهم زملاء دراسة وعمل ، وبعضهم أصدقاء . لكنني مازلت أبحث عن صديقة ، أو عن الصديقة ، منذ سنين .
هل إيجاد صديقة أمر صعب لهذه الدرجة ؟؟
لكنني لست أبحث عن الصديقة المخلصة ..لا يهمني الإخلاص ، أنا أبحث عن الصديقة المشابهة ، المتفقة ، المناقشة ، المرحة . هذا فقط ما أبحث عنه .
اليوم قررت أن أنظر حولي بشكل أوسع ، أن أغلق كل البرامج في رأسي وكل النوافذ ، وأبقي برنامج"البحث عن صديقة" ..
استيقظت في الصباح الباكر ، وركبت الباص ، باتجاه المتحف .
دخلت البوابة ، وألقيت التحية على الموظفين ، بطريقي إلى غرفة أستاذي .
شاهدت زميلاتي هناك ، قلت : " صباح الخير " ..
ردوا : "صباح الخير " ، بعضهم نظر إلي وبعضهم لم ينظر ، حصل هذا وهم يتابعون نقاشهم وعملهم حول مخطوطة قديمة .
لقد كنت بحالة من الفضول شديدة لكي أعرف عن هذه المخطوطة شيئاً ، لكنني لم أتجرأ على سؤالهم :"شو هي ؟ " ، خشية أن أقابل بنوع آخر من اللامبالاة .
قلت بنفسي : " ولا واحدة منهن هي تلك التي أبحث عنها ، لأن صديقتي كانت لتدعوني إلى تلك المخطوطة لنتناقش حولها سوياً "

تجولت في المتحف لوحدي ، ثم جاء صديقي ، و شرح لي قليلاً عن المحاضرة التي تغيبت عنها في الصباح . إنه حقاً صديق ، لكني توصلت إلى نتيجة أنه لا بد للشاب من صديق وللفتاة من صديقة ، فكثيراً ما يحتاج كل منهما إلى صديق من جنسه ليتحدث إليه .

ذهبت إلى الجامعة ، وأنا لا زلت أكمل بحثي ..ذهبت إلى الكافتيريا لأحضر قهوة ، لم أتعب نفسي وأبحث داخلها ، لأني أعرف النتيجة سلفاً .
أخذت القهوة وخرجت ، فأنا لا أطيق الجو داخل الكافتريا ، المليء بالدخان والضجيج و البشر .
جلست في مكان ما خارجاً ، كانت بقربي زميلات أيضاً ..
رحت أستمع إلى حديثهن علني أجد ما يجذبني إلى الجلوس معهن ، فسمعت الآتي :
"ريتا عطيني ال "eyeliner" بدي انزل عالحمام "
ريتا: "هي آخرمرة رح اعطيكي اياه "
فتاة أخرى : " يا بنات في حدا معو بويا ؟ "
"ايه ايه أنا معي .."
أخذت البويا وفتحتها بقوة فإذا بها لونت كل ما حولها بالأسود حتى ثياب صديقاتها ..
صوت أنثوي غاضب " يا اللللللللللللللللله "
صوت آخر " هاد شغل بني آدمين ؟؟ "
بدأت الفتيات تنظفن ثيابهن
قالت إحداهن " سمر ليكي عمر عم يطلع عليكي "
سمر : "بشرفك ؟ "
"لك ايه ايه "
ويبدو أن سمر اصطهجت .

تقززت نفسي ، وقررت أن أغادر لأكمل ما تبقى من قهوتي في مكان هادئ .

انتهيت من القهوة ، نزلت إلى الحمام لأغسل يدي ..
بعد باب الحمام مباشرة ، ظهرت أمامي فتيات يدخنَ ، فتساءلت : إلى متى ستبقى المدخنات يدخنَ في الحمامات ؟؟؟ لو كنت مدخنة ، لدخنت سجائري أمام الجميع ، كذلك صديقتي .

.
.
.
هذه هي رحلة بحثي ليوم واحد ، لم أصادف الكثير من النماذج ، لكن سأختصر ما صادفته في حياتي ب :
1-فتاة تنتظر عمر لكي ينظر إليها نظرة واحدة على الأقل ، لتنسى العالم بأجمعه .
2-فتاة تبحث دائماً عن eyeliners و أحمر الشفاه والمرايا ، وتصرخ إن شاهدت القليل من الغبار على حذائها أو ثيابها .
3-فتاة دودة كتب ، ليس عندها وقت للمرح ، ولا للصياعة ، وحياتها كلها بين المحاضرات الدراسية .
4-فتاة متعصبة ، فايتة طالعة من المسجد . أو ممثلة ممكن .
5-فتاة أنانية بالمعلومة ، وتحتفظ بما تعرفه من معلومات وكتب لنفسها .
6-فتاة لا تتقبل أفكاري -ابتعدت عني الكثير من الزميلات بسبب هذه النقطة -.
7-فتاة لا تعرف المناقشة .
8-فتاة متقبلة للعادات وتعيش على طريقة أمها .
9-فتاة جبانة ، تدخن في الحمامات .
.
.
.
.
.الكثير بعد ، لكن هذا أكثر ما أصادفه ، وطبعاً لم ولن أعثر على صديقة من بينهن .

هذا الموضوع ليس دعاية للبحث عن صديقة ، ولا أرمي منه إلا إلى مناقشة القضايا المشابهة لهذه المشكلة .
ومعرفة رأيكم فيما إذا كنتم تواجهون نفس الصعوبة بالعثور على صديق/صديقة .

[سوا ربينا]

هلأ اول شي هالنماذج اللي بتحكي عنها موجودة وكتير وتقريبا انتي حكيتي معظم النماذج ...
تاني شي ... البحث بهالطريقة اكيد مش رح تلاقي حدا لانو انتي راسمة ببالك شي معين بالصديقة اللي بتدوري عليها .. وبعدين ما بعرف انو الصداقة بتيجي بتدوير ؟؟
بتيجي هيك لحالها ...يعني خليكي عادي طبيعبة وبتمشي عادي ما رح تحسي ولا الصديقة اللي بتستنيها رح تيجيكي ... بس انو انتي تصيري تبحبشي عن صديقة بعمرك ما رح تلاقي او رح تلاقي بس بعد مدة طويلة ....

[حنين.]

مرحبا
اولا سؤال شو يعني نيقة عن الخليقة
يعني مختلفة عن الخليقة؟؟
معك حق النماذج اللي دكرتيها منتشرة كتير متلا نادر ما تلاقي بنت ما عندها هوس مكياج الا ادا عندها تعصب ديني او تلاقيها مسترجلة
برايي الصديق او الصديقة لازم نقبلهم متل ما هم لانو بالنهاية ما رح تلاقي انسان واحد كامل ونحن دات انفسنا مليانين عيوب
بس اللي بعتبرها صديقة لازم عيوبها تكون مقبولة ومحتملة بالنسبة لي وبنفس الوقت تحسي بالراحة بصحبتها والتقة بفكرها واخلاقها
كل صديقاتي يا اما عرفتهم بالجامعة يا اما عالنت والحمد لله لقيت كتير
وكل وحدة بتظل مميزة بصفات خاصة
الكل بيقولولي لانو عندك كتير صديقات معناها ماعندك ولا صديقة
يمكن مشكلتي تشبه مشكلتك لو مزجت كل صفات صديقاتي بوحدة لطلعت داتها هي الصديقة اللي تدوري عليها
نسيت خبرك انو ادا كنت حلوة وعندك اصدقاء شباب كتير فبنات كتار رح يعتبروكي منافسة قوية تعرفي الغيرة مشكلة تلاقي صديقة ما تغار منك ولا تحسدك
تخيلي لو عمر يكون صديقك كيف تتصرف معاكي سمر وصحباتها
وهي مسكينة مستنية نظرة منو

[متمردة]

كاتب النص الأصلي : سوا ربينا

هلأ اول شي هالنماذج اللي بتحكي عنها موجودة وكتير وتقريبا انتي حكيتي معظم النماذج ...
تاني شي ... البحث بهالطريقة اكيد مش رح تلاقي حدا لانو انتي راسمة ببالك شي معين بالصديقة اللي بتدوري عليها .. وبعدين ما بعرف انو الصداقة بتيجي بتدوير ؟؟
بتيجي هيك لحالها ...يعني خليكي عادي طبيعبة وبتمشي عادي ما رح تحسي ولا الصديقة اللي بتستنيها رح تيجيكي ... بس انو انتي تصيري تبحبشي عن صديقة بعمرك ما رح تلاقي او رح تلاقي بس بعد مدة طويلة ....

شكراً لمداخلتك ، ولنصيحتك ، بس الفكرة ماكانت بحبشة بمعناها الحرفي
بل كانت عبارة عن محاولة لتبرير عدم إيجادي الصديقة المناسبة ، والسبب انو ما في !! ببساطة مافي !
فكنت عم حاول طلع عليهن من برا ، بلكي بصادف وحدة تلفتلي نظري ، لكن للأسف لم يحصل ، وتم بذلك إثبات كلامي لليوم على الأقل .

ما بيمنع إذا ناقشنا هون كمان وضع الفتاة اليوم ، واللي هو هدفي من الأصل ..
شو رأيك بفتاة اليوم من حيث الصفات اللي ذكرتها ؟
هل كنت عم بالغ ولا فعلاً هي هيه الحقيقة ؟؟

[سوا ربينا]

شو رأيك بفتاة اليوم من حيث الصفات اللي ذكرتها ؟

هلأ فتاة اليوم يعني قليل او حتى نادر انو تلاقي فتاة فيها مواصفات مناسبة يعني تكون افكارها غير افكار بنات هالايام ... يعني بتلاقي البنات قاعدين مع بعض ما في ع لسانهن غير الشب الفلاني او الاغنية الفلانية او اللبس الفلاني او المكايج الفلاني ... وهكذا ... يعني نادرا ما تقعدي مع بنت وتلاقيها بتحكي بموضوع مهم او سواءا اجتماعي او سياسي او شو ما كان انو يكون موضوع عليه القيمة وبعيد عن الحكي الفاضي... ع فكرة مش بس البنات وكمان الشباب .. لانو نفس الشي الشباب بيكونو مع بعض بتلاقي ما في ع لسانهم غير البنت الفلانية والسيارة الفلانية ... الخ ...

فأنو اجمالا الجيل كلو متل هيك ...وصعب يتغير بسهولة ...

هل كنت عم بالغ ولا فعلاً هي هيه الحقيقة ؟؟

لا ما عم تبالغي هالشي واقعي وكتير في منو ...

[متمردة]

مرحبا
اولا سؤال شو يعني نيقة عن الخليقة
يعني مختلفة عن الخليقة؟؟
معك حق النماذج اللي دكرتيها منتشرة كتير متلا نادر ما تلاقي بنت ما عندها هوس مكياج الا ادا عندها تعصب ديني او تلاقيها مسترجلة
برايي الصديق او الصديقة لازم نقبلهم متل ما هم لانو بالنهاية ما رح تلاقي انسان واحد كامل ونحن دات انفسنا مليانين عيوب
بس اللي بعتبرها صديقة لازم عيوبها تكون مقبولة ومحتملة بالنسبة لي وبنفس الوقت تحسي بالراحة بصحبتها والتقة بفكرها واخلاقها
كل صديقاتي يا اما عرفتهم بالجامعة يا اما عالنت والحمد لله لقيت كتير
وكل وحدة بتظل مميزة بصفات خاصة
الكل بيقولولي لانو عندك كتير صديقات معناها ماعندك ولا صديقة
يمكن مشكلتي تشبه مشكلتك لو مزجت كل صفات صديقاتي بوحدة لطلعت داتها هي الصديقة اللي تدوري عليها
نسيت خبرك انو ادا كنت حلوة وعندك اصدقاء شباب كتير فبنات كتار رح يعتبروكي منافسة قوية تعرفي الغيرة مشكلة تلاقي صديقة ما تغار منك ولا تحسدك
تخيلي لو عمر يكون صديقك كيف تتصرف معاكي سمر وصحباتها
وهي مسكينة مستنية نظرة منو

نيقة عن الخليقة هو متل بمعنى مختلف عن بقية العالم متل ما ذكرتي ، بس غالباً بياخد منحى سلبي ، مو بصير مو بس مختلف عن العالم ، و مو عاجبو شي كمان ..

وبالنسبة للكمال اللي حكيتي عنو ، فأنا ما عم دور عالصديقة الكاملة ، وإذا العيوب الي ذكرتها ما نوجدت بشخص ، ما بيعني انو صار كامل ..بالإضافة لأنو هي ما كانت عيوب ..هي علل !!!
وطبعاً ما في حدا كامل .

هلأ فتاة اليوم يعني قليل او حتى نادر انو تلاقي فتاة فيها مواصفات مناسبة يعني تكون افكارها غير افكار بنات هالايام ... يعني بتلاقي البنات قاعدين مع بعض ما في ع لسانهن غير الشب الفلاني او الاغنية الفلانية او اللبس الفلاني او المكايج الفلاني ... وهكذا ... يعني نادرا ما تقعدي مع بنت وتلاقيها بتحكي بموضوع مهم او سواءا اجتماعي او سياسي او شو ما كان انو يكون موضوع عليه القيمة وبعيد عن الحكي الفاضي... ع فكرة مش بس البنات وكمان الشباب .. لانو نفس الشي الشباب بيكونو مع بعض بتلاقي ما في ع لسانهم غير البنت الفلانية والسيارة الفلانية ... الخ ...

فأنو اجمالا الجيل كلو متل هيك ...وصعب يتغير بسهولة ...

أكيد في شباب هيك ، طبعاً لا جدل .

بس ما فينا نقول الجيل كلو هيك !!

الجيل ما كلو هيك ، وفيو ناس كتير مناح ومتوازنين ..وطبيعين . بس قلال ، مشان هيك صدفة لقاءنا فيهن كتير ضعيفة .
بس فعلاً مو معقول كيف الغالبية العظمى !!! فاضية !!!
أديش في فرق بين جيلنا والجيل اللي قبلنا ..اللي أبدع كتاب وشعراء ونقاد ومفكرين ومتمردين وثوريين وأصحاب رأي مسموع ..ما خلفواهدول ؟؟

[MadMax]

بأيامنا هي
نيقة عن الخليقة ... تعتبر صفة كتير إيجابية

[mhsen77]

هاي

بخصوص الصداقات يمكن ما بيمشي الحال انو ندور عليهن او ننزل اعلان بالوسيلة
بدنا نتعامل مع الناس من جواتهم يمكن هالبنات يلي ما عجبوكي بالمتحف او بالجامعة لو تعاملتي معهن اكتر و تبادلتو الحديث يكونو اكتر من يلي بتحلمي فيه بصديقة

بتمنالك التوفيق بلا تمرداتك بكل شي صغير وكبير
لانو الثورة مالها شغل مع الاصدقاء

[متمردة]

كاتب النص الأصلي : mhsen77

هاي

بخصوص الصداقات يمكن ما بيمشي الحال انو ندور عليهن او ننزل اعلان بالوسيلة
بدنا نتعامل مع الناس من جواتهم يمكن هالبنات يلي ما عجبوكي بالمتحف او بالجامعة لو تعاملتي معهن اكتر و تبادلتو الحديث يكونو اكتر من يلي بتحلمي فيه بصديقة

بتمنالك التوفيق بلا تمرداتك بكل شي صغير وكبير
لانو الثورة مالها شغل مع الاصدقاء

هاي ..ميرسي كتير عالرد الكيوت

وبحب إلك انو الثورة دايماً إلها شغل

[متمردة]

ااه ومشان موضوع اتعامل معهن أكتر
هنن زملائي من شي سنة ، يعني متعاملة معهن كتير ..وكنت بشك انو وحدة منهن ممكن تكون صديقة ، بس مو لما شفت أنانيتهن بالمعلومات

[أم الجود]

كاتب النص الأصلي : متمردة

.
هذه هي رحلة بحثي ليوم واحد ، لم أصادف الكثير من النماذج ، لكن سأختصر ما صادفته في حياتي ب :
1-فتاة تنتظر عمر لكي ينظر إليها نظرة واحدة على الأقل ، لتنسى العالم بأجمعه .
2-فتاة تبحث دائماً عن eyeliners و أحمر الشفاه والمرايا ، وتصرخ إن شاهدت القليل من الغبار على حذائها أو ثيابها .
3-فتاة دودة كتب ، ليس عندها وقت للمرح ، ولا للصياعة ، وحياتها كلها بين المحاضرات الدراسية .
4-فتاة متعصبة ، فايتة طالعة من المسجد . أو ممثلة ممكن .
5-فتاة أنانية بالمعلومة ، وتحتفظ بما تعرفه من معلومات وكتب لنفسها .
6-فتاة لا تتقبل أفكاري -ابتعدت عني الكثير من الزميلات بسبب هذه النقطة -.
7-فتاة لا تعرف المناقشة .
8-فتاة متقبلة للعادات وتعيش على طريقة أمها .
9-فتاة جبانة ، تدخن في الحمامات .
.
.
.الكثير بعد ، لكن هذا أكثر ما أصادفه ، وطبعاً لم ولن أعثر على صديقة من بينهن .
هذا الموضوع ليس دعاية للبحث عن صديقة ، ولا أرمي منه إلا إلى مناقشة القضايا المشابهة لهذه المشكلة .
ومعرفة رأيكم فيما إذا كنتم تواجهون نفس الصعوبة بالعثور على صديق/صديقة .

برأيي إذا كنتي بحاجة لصديقة تتقبل أفكارك فعليكي انتي كمان أنك تتقبلي أفكار هالصديقة .. مو بالضرورة دايماً نصادق الناس اللي بيشبهونا بالتفكير و عندن نفس نمط الحياة .. عن خبرة بقلك انو ممكن نكون كتير أصدقاء مع أشخاص بيختلفوا عنا كتير و مع ذلك كل واحد بيكون فهمان التاني و إن كان ما بيتبنى وجهة نظرو و ليطبقها على حالو ... في أمور أساسية ما ممكن الواحد يتغاضى عنها في اختيار الأصدقاء .. و بالنهاية متل ما قلتي ما حدا كامل لهيك عليكي متل ما بدك البنات يتقبلوكي انك تتقبلي أقلهن تناقضاً مع شخصيتك ...
الدنيا أخد و عطا ... و سلامي الك

[mhsen77]

كاتب النص الأصلي : متمردة

هاي ..ميرسي كتير عالرد الكيوت

وبحب إلك انو الثورة دايماً إلها شغل

الثورة بيمشي حالها معنا بالجمعية مو مع الصديقات

و مشان هي الانانية بتلاقي غيرها صدقيني يمكن بغير محل


هاموش صغير : شو صار معك مشان دورة محو الامية تبعي؟

[متمردة]

برأيي إذا كنتي بحاجة لصديقة تتقبل أفكارك فعليكي انتي كمان أنك تتقبلي أفكار هالصديقة ..

طيب مو لتتقبل أفكاري بالأول ؟ وما تتهمني اتهامات باطلة ؟
يعني الأصدقاء غالباً بكون عندن وجهات النظر تبع الأمور الأساسية في الحياة مشتركة ، ولو بالأمور المصيرية عالأقل.

المشكلة الكبيرة اللي بعاني منها مجتمعنا هون هيه عدم تقبل الآخر كما هو . لازم الكل يكونوا مصنوعين بنفس القالب الديني-السياسي حتى يطبقوا ع بعض ، غير هيك لأ .

مع ذلك كل واحد بيكون فهمان التاني

تماماً ..لازم يكون كل واحد فهمان التاني ،مو عالأقل، ..بس !!!

في أمور أساسية ما ممكن الواحد يتغاضى عنها في اختيار الأصدقاء ..

هي هيه اللي حكيت عنها أمور مصيرية

[متمردة]

الثورة بيمشي حالها معنا بالجمعية مو مع الصديقات

أول شي ساويها جمعية

و مشان هي الانانية بتلاقي غيرها صدقيني يمكن بغير محل

مين قلك عم دور عالأنانية أنا ليش ؟

شو صار معك مشان دورة محو الامية تبعي؟

اقرأ لنوال السعداوي يا ولد ..بتنمحى أميتك وما بدك منيتي

[اللامنتمي]

كاتب النص الأصلي : متمردة

اقرأ لنوال السعداوي يا ولد ..بتنمحى أميتك وما بدك منيتي

آآآها .. هل أعتبرها مَرجعيتك الفكرية , مَثلا ً ؟

[mhsen77]

كاتب النص الأصلي : متمردة

أول شي ساويها جمعية

الله كريم بهمتنا وهمة الشباب

مين قلك عم دور عالأنانية أنا ليش ؟

فهمتيني غلط ما قلت انك عم تدوري عليها فهمت انك كنتي فكرتيها ممكن تكون صديقتك بس ما مشي الحال وانا قلتلك بتلاقي غيرها

اقرأ لنوال السعداوي يا ولد ..بتنمحى أميتك وما بدك منيتي

ما بدي اعرف الحروف بالاول و كيف بتنكتب وكيف بتنقرا
بدي دروس

[متمردة]

آآآها .. هل أعتبرها مَرجعيتك الفكرية , مَثلا ً ؟

لأ ، مرجعيتي الفكرية هو عقلي
لكن نوال هي أمي الفكرية
بعدين شو خص مرجعيتي الفكرية بالموضوع ؟

ما بدي اعرف الحروف بالاول و كيف بتنكتب وكيف بتنقرا
بدي دروس

أول شي اتعلم اقتبس بعدين اتعلم فك الحروف ....رح تجلطني يا زلمة

[mhsen77]

كاتب النص الأصلي : متمردة

أول شي اتعلم اقتبس بعدين اتعلم فك الحروف ....رح تجلطني يا زلمة

ما قلتلك بدي دروس بس انتي ما كنتي تصدقيني