البركة بالشباب ... من لا يرحم لا يٌرحم

[ِAbu Alzooz]

من فترة صارو

يطلعو دعاية تبع البركة باالشباب
و من لا يرحم لا يُرحم

ما بعرف انا من ناحيتي

بكفر بالسنسكريتي بس لشوفنو

و بيعملو معي انبطاح بالاوعية

و ارتفاع بالسكر

و الملح و النشادر

انت بيصير معكون هيك شي

[whiterose]

رح احكي بموضوعية لنخلي الدين بعيد عن ها القصص

المهم هيك دعايات انا كتير بتوقع انها ايجابية ولأبعد الحدود

لأنو الأنسان دائما عندو خصلة طيبة بقلبه ولازم ها الخصلة ندعمها مو نقتلها

وبهيك اشياء ممكن تدعم
في ناس كتير نفوسها ضعيفة بتحتاج لهيك نمط
وفي ناس ارادتها قوية مابحاجة لأي شيء من هاد
يعني هية مسالة نسبية

وبالحالتين بتخيلها ايجابية متل ماقال فرويد الأنسان بطبعه شرير

[ابو ريتا]

هي الي بتطلع على mbc ?

[homam85]

انو دعاية؟؟

[مايسترو]

هلق بالنسبة لدعايات اقم صلاتك وما بعرف شو فانا لا مو معها نهائيا

بس انو تبع البركة بالشباب)اللي انا كتير حابب مين وراها)فانو اي انا معها

عم تطرح مواضيع مهمة بالمجتمع عم نفتقدها كتير وما بتقدر تفتحها مع الشباب ف عم يلعبوا على موضوع العقل الباطن

شي ظريف

[عطر سوريا]

خيو البركة اكييد في الشباب واكيد انو من لا يرحم لا يرحم

[whiterose]

كاتب النص الأصلي : مايسترو

هلق بالنسبة لدعايات اقم صلاتك وما بعرف شو فانا لا مو معها نهائيا

ممكن نعرف ليش انت ضد الحملة التشجيعية للصلاة؟؟؟

مع الملاحظة انها موجها للمسلمين فقط والمسلمين يلي بيصلو ا
لكن ممكن شيء ياخدهم عنها احيانا

[sos1]

حلوين ليش لا
ما بالاخير فيها شي من الدعاية للاخلاق الجيدة

[Marooshe]

بحسها سئيله وفي بعض الاحيان جدا سخيفه،
بس يعني هيي ازا ما بتنفع ما بتضر..!!

[whiterose]

كاتب النص الأصلي : Marooshe

بحسها سئيله وفي بعض الاحيان جدا سخيفه،
بس يعني هيي ازا ما بتنفع ما بتضر..!!

هي وجهة نظرك باعتبار لنفرض جدلا انك غير محتاجة لأي دعم او مساعدة
بالأصح أرادتك قوية

ليش سئيلة ليش سخيفة؟؟
انا من وجهة نظري مابشوفها هيك ابدا ابدا مو لاني متلك ما بحاجة دعم وارادتي قوية
لاء انا كانسانة بمر بلحظات ضعف وتشتت وضياع
وكتير بحتاج ايام لاشياء تقويلي ايماني

هو القصة انودعايات التقوية للصلاة والرحمة وها القصص
موجه لفئة معينة من الناس مو لكل الشرائح
يعني للناس المتدينين ومن جميع الديانات

يعني صح دعايات التقوية للصلاة هية للمسلمين بس
بس احتمال مؤمن مسيحي يشوفها ويتذكر انو هو صرله زمان كمان ما صلى لله ويصلي

[Marooshe]

كاتب النص الأصلي : whiterose

ليش سئيلة ليش سخيفة؟؟
انا من وجهة نظري مابشوفها هيك ابدا ابدا مو لاني متلك ما بحاجة دعم وارادتي قوية
لاء انا كانسانة بمر بلحظات ضعف وتشتت وضياع
وكتير بحتاج ايام لاشياء تقويلي ايماني

سئيله لاني ما بستهضمها،
وسخيفه لانو مافي اتفه من تسويق الدين،
وبظن انو الانسان المؤمن لو شو ماكان دينو بس يحس بلحظات ضعف بيكون بحاجه للصلاه مو لدعايات تجاريه...

[دلوعة سوريا]

انا بعتبر هيك نوع من الدعايات شي ايجابي بيذكر الناس

باشياء مهمة بالحياة ... يمكن احياناً بيغفلو عنها

[whiterose]

سئيله لاني ما بستهضمها،

بتبقى هي وجه نظر والوجهات متعددة حتى من زاوية واحدة

وسخيفه لانو مافي اتفه من تسويق الدين،

اسمحيلي قلك انه تعبيرك ما كتير زابط
الدين مستحيل يتسوق لأنه انا لما مابدي آمن بوجود رب شو ماكان ديني
لو بيجي الف نبي مارح اقتنع
والدليل وجود ملحدين من عائلات متدينة جدا
يعني هاد مو تسويق
لانه لو ملحد شافها احتمال يتمسخر او يقلب لمحطة من اهتمامه

وبظن انو الانسان المؤمن لماكان دينو بس يحس بلحظات ضعف بيكون بحاجه للصلاه مو لدعايات تجاريه

مو كل الناس مروش مو كل الناس
كل انسان عنده لحظات ضعف كبيرة
وبيغلط كتير نحنا مليانين اخطاء
وممكن بلحظة ضعف هيك اعلان بيعطينا قوة كبيرة بانه لسه في امل لسه في شي حلو

[stormsmaker]

لما بشوفها بحس الدنيا لسا بخير
و بصفن و بتذكر انو أنا انسان
مع اني مو مسلم بس في كمان هي الدعاي تبع هذا ديني و هذه حياتي ...
يعني شغلي كتير حلوي
بس لازم يقولوا هذا أنا مجرد انسان
و دمتم

[باشق مجروح]

خصوصاً تبع البركة بالشباب . هادا السئيل الي ما بيتفاهم مع ابوه . هالدعاية بالتحديد . اخ شو بتعمل معي .. بتجبلي حالة احباط شديدة و ارتفاع بالادرنالين والنفتالين.
بس يعني ازا كانو بيوصلو اي فكرة ايجابية حتى ولو لـ واحد بس بهالعالم فأنا مع .

[مايسترو]

كاتب النص الأصلي : whiterose

ممكن نعرف ليش انت ضد الحملة التشجيعية للصلاة؟؟؟

مع الملاحظة انها موجها للمسلمين فقط والمسلمين يلي بيصلو ا
لكن ممكن شيء ياخدهم عنها احيانا

اولا لانو اي شي بيجي بالترهيب انا ضدو شو ما كان
تانيا لانو الدين شي كتير خاص بين البني ادم وربو وما لو محتاج دعايات
تالتا لا مو موجهة ليللي بيصلوا بالعكس تماما

[homam85]

أحسن من دعاية علكة منطاد ومحارم القطة وجرابات نمّورة

[أبو شريك]

اول شي بصراحه انصدمت بالنسبة الكاسحة ، 100% بشوفوها جيده


الدعايات موجودين على اليوتيوب (

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

) واكتر واحد بيعجبني تبع اللي بيلعب كارتيه .. عنجد ابضاي


انا مع اي شي ايجابي ، هالدعايات بتقوي الجانب " الانساني " سواء شخص ملحد او عندو دين ، وبتقوي الجانب " الديني " للي عندهم دين معين ... كمسلمين وكمسيحيين لانو كلا الديانتين بتدعو للمحبه والعطاء ..

هلق بالنسبة لدعايه الشب اللي متخانق مع ابوه ، اي صح انا كمان ما كتير بتعجبني ، بس يا جماعه ما حدا ببلش من الصفر وبيوصل للميه من اول مره ، هي اول مره منشوف هيك نوع من الدعايات بالعربي ، ولازم نعطيهم وقت لحتى يتطورا شوي شوي ، بهالمرحله خلونا نشجع الفكره الحلوه تبعيت هالدعايات



شغله اخيره عالهامش :

وسخيفه لانو مافي اتفه من تسويق الدين،

الدين مانو سلعه لحتا نسوقوا ونكسب ماده من وراه ..

التسويق هو عمل دعايه ، الدعايه هي دعوة الآخرين للاقبال على الشي المدعى له ( هي بالفصحى ) والدعوه ( بالدين الاسلامي ) و التبشير ( بالدين المسيحي ) التنين مسموحين بل من اساسيات الدين ..

بالعكس ، انا بشوف هيك دعوه وهي تسويق للدين كتير ايجابي ، سواء اعلانات او فيديو كليبات ..

بس المشكله لما تطلع دعايه بتدعو لشي ايجابي بطريقه بايخه او ممله او منفّره ....بهالحالة انا مع الفكره ولكن ضد التطبيق