الرجال يخافون من الزواج واليك الأسباب

[RAMO]

عندما تبدأ العلاقة بين الرجل المرأة تأخذ طابعا جديا فأن الرجل يبدأ بالشعور بالخوف وذلك بسبب الارتباط النهائي بالنسبة للرجل. حيث يعتقد أن العلاقة الزوجية ستنهي كل المتعة التي كان يشعر بها مع المرأة التي يحب قبل الزواج.

فبينما تكون المرأة منظمة وواثقة من خطواتها يكون الرجل فريسة الظنون والاحتمالات الكثيرة التي تترافق مع أخذ هذه الخطوة. والآن إليك أهم الأسباب التي تقف وراء مشاعر الخوف من الزواج عند الرجل:

 الزواج قرار ابدي: إن اتخاذ قرار غير محدد المدة وغير قابل للرجعة فيه يخيف الرجل من المستقبل واحتمالات الفشل تبدأ بمطاردته.

 التوقف عن العلاقات النسائية: إن اتخاذ الرجل لخطوة الزواج يعني إنهاء ماضية ومستقبلة النسائي إلى الأبد وهنا يصارع الرجل هذه المتعة التي كان يشعر بها وهي أن كل الاحتمالات أمامه مفتوحة للاختيار.

 الظنون التي تلي الارتباط: وهي مثل أن يفكر الرجل ماذا لو قابلت امرأة أخرى اكثر جمالا أو ماذا لو وقعت بحب امرأة أخرى بعد الزواج.

 الطلاق: يفكر الرجل في حالة الفشل ومدى صعوبة اتخاذ خطوة الطلاق خاصة بعد أن تتعقد الأمور بالإنجاب.

 خسارة حرية القرار: فبمجرد الارتباط يصبح أي قرار يجب اتخاذه بطريقة مشتركة بين الزوجين وبهذا تزداد مخاوف الرجل من فقدانه لحرية قراره.

 الخوف من السيطرة: يخشى الرجل أن تقوم المرأة بشكل تدريجي بالسيطرة على حياته وان يعي ليجد نفسه قد فقد كل ما كان يحب أن يعمل بعد انقضاء فترة قصيرة على الزواج.

 الملل: يخشى الرجل من سيطرة الروتين والملل على حياته بحيث تصبح حياته مجموعة من التصرفات الروتينية المفرغة من معناها.

 خسارة مساحة الحرية: تتعاظم مخاوف الرجل من أن يفقد مساحة حريته التي كان يتمتع بها أيام كان عازبا مثل الخروج مع أصدقائه بشكل يومي أو عدم الاهتمام بنظافة المنزل على سبيل المثال.

[SABE]

بس اذا كان الرجل عنجد بحب المرأة ومقتنع بها بنفس الوقت ..سوف يرى ان كل هذه الأمور سطحية لا تشكل له أي عائق امام الزواج و متابعة حياته ... أو حتى يستطيع ان يعود نفسه على نمط الحياة الجديد ... لكن هذه المشاكل لا تكون حسب رأيي عند الرجل فقط .. بل عند المرأة أيضاً لأنها كانت تملك أيضاً حياتها الشخصية مثلها مثل الرجل ...

[mhmary]

كاتب النص الأصلي : saeed

بس اذا كان الرجل عنجد بحب المرأة ومقتنع بها بنفس الوقت ..سوف يرى ان كل هذه الأمور سطحية لا تشكل له أي عائق امام الزواج و متابعة حياته ... أو حتى يستطيع ان يعود نفسه على نمط الحياة الجديد ... لكن هذه المشاكل لا تكون حسب رأيي عند الرجل فقط .. بل عند المرأة أيضاً لأنها كانت تملك أيضاً حياتها الشخصية مثلها مثل الرجل ...

ولك الله ييحي البطن ألي حملك كلام صحيح 100%

[mhmary]

كاتب النص الأصلي : saeed

بس اذا كان الرجل عنجد بحب المرأة ومقتنع بها بنفس الوقت ..سوف يرى ان كل هذه الأمور سطحية لا تشكل له أي عائق امام الزواج و متابعة حياته ... أو حتى يستطيع ان يعود نفسه على نمط الحياة الجديد ... لكن هذه المشاكل لا تكون حسب رأيي عند الرجل فقط .. بل عند المرأة أيضاً لأنها كانت تملك أيضاً حياتها الشخصية مثلها مثل الرجل ...

ولك الله ييحي البطن ألي حملك كلام صحيح 100%
وبعدين وقت الواحد بيتجوز بينتقل لمرحلة تاني من حياتو يعني لازم يكون داقة خلاقو من كل هل الشغلات من شان هيك التلاتينات هيي أنسب عمر للزواج

[Geeny]

شكراً saeed لأنك دافعت عنا بغيابنا

[SABE]

أنا دائماً بالخدمة ست geeny

[Mr.yosef]

درر يا شباب درر

[dimozi]

يعني كل الاسباب اللي انذكرت بالموضوع هي تلخيص للحياة الزوجية ..........فلا حدا منكن يقلل عقلوا و يعملها :P

[Geeny]

والله يا dimozi أنا ماني ناوية أعملها

[dimozi]

صرنا تنين


تتجوزيني ؟؟؟؟؟

[Geeny]

ليش لا :P

[dimozi]

معناها فيني اعتبر انو نحنا هلاء مخطوبين



و فوقن وردة كمان


والله اللي بيقرب من الشباب بالمنتدى على خطيبتي Geeny لأدبحوا.

[Geeny]

طيب شو رأيك تعطيني اسمك حتى أعرف شو ناديك يا روحي :P

[dimozi]

عال والله ....... اليوم اسمك بكرا رقمك ..... بعدين حماتي ..... و اختك قالت هيك ..... و شفت شلون ابوك حكاني ...... و ستك ما بيعجبا العجب ........ شوفي اهلك شو عم يساو...... اليوم ما في طلعة ... اخوكي لازق فينا طول النهار ........ الجازة تأجلت ........ العرس بكنيستنا ما بكنيستكن ....... ليش امك ..... شلون بتتطلع لما بفوت و ايدي فاضية ...... ضروري اجي كل مرة محمل ...... ليش ممنوع اجي يومين ورا بعضن ؟؟؟ بس فهميني ليش؟؟؟


خيتوا فرطنا القصة , خبزة و زيت و كل مين على بيت


شكلي صدقت حالي .

لا لا تقري الحكي اللي فوق اوكي؟؟؟

اسمي ديموزي و انا من اخوية سيدة السلام .... سألي هونيك الكل بيعرفوني , انا الشب اللي هيداك اليوم كان لابس كنزي سودي , ما بضوع ....كتير ظريف و مهضوم و حباب ..... و أهم شي ......... حلو كتير و بعقد ........... ما في هيك شباب بالاخوية ؟؟؟ مين قال هيك ؟

في انا

بس ما عرفت شو اسمك يا عمري .

هاي وردة كمان ..... فرجيها لرفقاتك و قوليلن ...شوفوا خطيبي اديش رومانسي

[Geeny]

انت بحمص و أنا بالشام يعني شلون بدنا نصبر على الفراق والله عم اشتقلك كتير كتير :P

[dimozi]

والله انا عم اشتقلك اكتر ....... يعني المسافات اللي عم تبعدنا عم تزيد و تزيد ..... بس هاد ما رح يقتل الحب انا متأكد


على فكرة أنا ما بحمص , أنا ما بسوريا كلها

بتعرفي علاقتنا مبنية على الصدق

[Geeny]

ما عم اقدر نام كل ما حط راسي على المخدة بتذكرك يا عمري لو سمحت ارجع لحضني
waw

[RAMO]

هدوا اللعب يا شباب ما بدها هالقد
الشغلة لا بحمص ولا بسوريا الشغلى بدها طولة بال ماهيك ولا انا غلطان استاذ ديموزي وديموزيل جيني

:P :P :P :P :P :P :P
رامو