أخوية 2008

[ِAbu Alzooz]

بما انو ال 2008 قربت تخلص

و كأنو اسبوع و كأنو مبارح كان شهر كانون الأول من 2007

و بما انو حلو الواحد بكل فترة

يطلع لورا ليتعلم من هالفترة

بقا هون لنشوف شو رئيكون بالاخوية

بال 2008

ايجابيات و سلبيات

و شو بتتمنوا يصير بال 2009

و نهايتو

منضل منقول انو الاخوية صبية و ست الصبايا

[عطر الايام]

بدي اسال انا لهلا ماعم اقدر نزلولا ملف ولا غنية ولا اي شي

فيني اعرف السبب؟

[boy freind]

اخي مرفقات مافي و اخوية كاش مافي و ملقم مشغول و انتساب ممنوع ووووووووووو حالة

[Damask Rose]

بصراحة باول السنة كنت كتير بحب فوتها
هلأ لسا في مواضيع حلوة بس بصراحة صرت كتير امل..مابعرف ليش...
غير هيك موضوع المرفقات الي ماعم يتحل الو دخل بهالشغلة يمكن
وووووووووووو صح ابو ويليام نسيت اقلك.......بدنا كافتيريا كمان

[lolit]

انو صايرة وسط واقل يعني شوي سيئة
بس ليش ما بعرف
بتمنى بالعام القادم انو تكون احسن ...
اضرب انا على هيك رد شو بايخ ... بس انشاء بتتحسن يا شباب إلا ما الله يفرجها واذا حب وخلاني طيبة وما بتوقع يعملها معي هالسنة .. بتمنى ما تكون اخوية مملة متل هالسنة

[يمان Rooooonaldo]

أخوية .. بضلا هيّة هيّة اب وليم ..

الفرق فينا عم يكون نحنا ..

شوف حالك ونفسيتك ووضعك اللي حواليك كيف بكون .. وطلع عاخوية كيف بتطلع .. وبتشوفا انت ..

[AHMED SHAMS]

مافي عندي أي أعتراض على أخويه أخويه عنجد أروع منتدى أشتركت فيه وعنجد أنا تركت كل المنتديات يللي كنت مشترك فيها وضل بس المنتدى الوحيد اللي بحب أفوت عليه هو أخويه وبتطلع أنو يكون أحلى وأحلى في الـ2009 وكل عام وأنتو بخير يا شباب وينعد عليكو وعلى أبو ويليم
تحياتي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[sona78]

جيدة مو كافية
اساسا روعة وبتجنن ومافي متلها
لك بيكفي انو انا انتسبتلها

[The morning]

كاتب النص الأصلي : يمان Rooooonaldo

أخوية .. بضلا هيّة هيّة اب وليم ..

الفرق فينا عم يكون نحنا ..

شوف حالك ونفسيتك ووضعك اللي حواليك كيف بكون .. وطلع عاخوية كيف بتطلع .. وبتشوفا انت ..

بيقول احد الفلاسفه انّو نحنا دائما ننظر للايام على انها عم تدور و لكن بالحقيقه نحنا اللي عم نمشي و الايام مكانها متل ما هيّ بتضلها سبت , أحد , تنين , تلاته , أربعا , خميس , جمعه .. و هكذا

[ِAbu Alzooz]

شوش و يمون

بس بظن انو لما الأخوية بتفقد 2 من عرابينها

بيكون في شي غلط مو ؟

[سوا ربينا]

والله اخوية احلى منتدى ورح تضل احلى منتدى ...بس المشكلة انو في بعض مواضيع بتنطرح هي بتخلي الواحد يمل احيانا ... وما يجي ع بالو يشترك .....

بس رح تضل احلى شي ...

[يمان Rooooonaldo]

شوش و يمون

بس بظن انو لما الأخوية بتفقد 2 من عرابينها

بيكون في شي غلط مو ؟

ما بتوقع مو ..

لانو .. الاخوية ما بتعتمد عحدا معين ابدا ..

هاد العرّاب اللي بنظرك .. بنظر الاخوية عضو ..

الو تاثيرو عليك على عدد معين من الاعضاء كان صح .. بس بالاخر .. صعب كتير توقف اخوية ..

تزعل اخوية .. عحدا راح .. او حدا انسرق منها ..

نحنا اكيد منتمنا .. يرجع كل حدا عندو شي لسا بيقدر يعطيه .. بس ! .. زيادو ..

متل ما قالت شوش .. خميس جمعة .. سبت .. جمعة .. والفرق .. حدا ببعد حدا بيفوت حدا بيجي وحدا بروح .. ودوارة ..

[ِAbu Alzooz]

كاتب النص الأصلي : يمان Rooooonaldo

ما بتوقع مو ..

لانو .. الاخوية ما بتعتمد عحدا معين ابدا ..

هاد العرّاب اللي بنظرك .. بنظر الاخوية عضو ..

الو تاثيرو عليك على عدد معين من الاعضاء كان صح .. بس بالاخر .. صعب كتير توقف اخوية ..

تزعل اخوية .. عحدا راح .. او حدا انسرق منها ..

نحنا اكيد منتمنا .. يرجع كل حدا عندو شي لسا بيقدر يعطيه .. بس ! .. زيادو ..

متل ما قالت شوش .. خميس جمعة .. سبت .. جمعة .. والفرق .. حدا ببعد حدا بيفوت حدا بيجي وحدا بروح .. ودوارة ..

طيب يمون انت هون فتت بشغلة انو هالشخص بنظري عراب

و بنظر الأخوية عضو

طيب مين الأخوية ؟

اذا نظرتي و نظرة X و نظرة Y ما بتعبر عنها


_____________
لح اعطيك مثال لو هلق انتسب شي 100 واحد متل طاهر اخو وطفى شو لح يصير بالأخوية

[يمان Rooooonaldo]

ولا شي .. حتكون فترة من الفوتان بالحيط .. بالنسبة الك .. ولح تنعجق شوي ..

بجوز يرتففع ضغطك .. ويوصل السكري عندك لل 400 مثلا ..

بس اخوية .. حتوقف .. تسؤ ..

قديش بدهم يضلو ؟ .. او قديش لح نحكي ينسمحلهم يضلّو ..

بعدو ؟ كلّو .. بيرجع .. بو وليم ..

بما اني عبالي اتفزلك شوي ... بقلك الاخوية .. Indepandant variable ..

يعني باختصار .. اخوية متغيرة .. بس متغيرة حالها بحالها .. مو باللي حواليها ..

ممكن تتاثر شوي .. من وجهة نظري من وجهة نظرك .. بس بالاخير .. هيّة هيّة .. صدقني ..

يعني اعطيك مثال عالسريع في كتير عالم بتفوت عاخوية مثلا بس لتقرا بالمنبر .. وقت حتجي فترة يضطر ياسين وعابد .. و... مين ما كان ويطلع مثلا .. رواد المنبر خلينا نحكي بشكل عام .. وقت بيجي فترة وبتقطع شوش عن قسم الكاريكاتير .. الخ الخ .. اللي بفوت عهالاقسام .. لح يلاقي اخوية سيئة .. بينما انت مثلا .. بتحب السقيفة والوضع فيها عال العال حتكون اخوية عندك .. رواق وماشي حالا ..

لزلك .. اخوية .. بضلا ثابتة .. وهية متغيرة شوي .. نظرا لنفسيتك وانت شو عم تطلب منها .. ازا لقيت شي .. اللي عبالك .. بتلاقي اخوية تمام ..


وهاكزا ..

[The morning]

كاتب النص الأصلي : ABU WILLIAM

طيب مين الأخوية ؟

اذا نظرتي و نظرة X و نظرة Y ما بتعبر عنها

مين الشام ؟ مين سوريا ؟
أخويه ما بعبّر عنها حدا .. كل واحد بأخويه مفتحله الباب ليعبّر عن حاله بس مش ليعبر عن اخويه ..

** هامش .. هالشي ما بيعني اني بوافق - او بنفي - حكي يمان يعني بس انو وجب التنويه

[a7la lolo]

لك ليش هيك كتير منكم مو عاجبتو الاخوية ..
تعرفو انو الاخوية غيرتلي حياتي 180 درجة وهي شي اساسي عندي والله بحبها كتيير والناس يلي فيها عنجد بحسهم اخواتي ...
هو صحيح فيها مشاكل كتيير بس بيضل فيها اهلنا وصاحبنا واخواتنا والنا صلة مع اهل بلدنا وعنجد اسم عمسمى ..يعني بتحس انو عنجد الكل هون متل الاخوات..
بيتناقرو متل الاخوات بيحبو بعض متل الاخوة واكتر ممكن وبيدافعو عن بعض
الله يخليلنا هالاخوية يلي جامعتنا كلنا وان شاء الله السنة الجاية بتكون احسن واحسن ...

[مايا *]

كاتب النص الأصلي : يمان Rooooonaldo

هيّة هيّة .. صدقني ..

ما عمـ ّاقدر صدقك يمون .. !

[MadMax]

كاتب النص الأصلي : ABU WILLIAM

لح اعطيك مثال لو هلق انتسب شي 100 واحد متل طاهر اخو وطفى شو لح يصير بالأخوية

الله يرحم أيام أخو طفى




عالقليلة كان مهضوم