لمادا يلجأ الرجل الى الضرب

[امل ب]

(( اثبتت الابحاث ان الرجل الذى يلجا للضرب كوسيلة للتعبير عن غضبه انسان غير متوازن نفسيا وبالاحرى فهو ذو شخصية مهزوزة ))


وانا اتساااااااااأل


هل يضرب الرجل زوجته لانه يعلم جيدا انها لن تستطيع الدفاع عن نفسها وبذلك يشعر انه البطل ؟


هل لانه ليس لديه قيم تردعه وتجعله يعرف ان ذلك ليس من الرجولة فى شىء ؟

هل فعلا ان الرجل الذى يلجا للضرب يكون انسانا محروما من الحنان وفاقد الشىء لايعطيه ؟


هل يضربها لانه مفتقد وسائل الاقناع وبذلك يخفي ضعف شخصيته ؟



لماذا يلجا الرجل للتهديد والوعيد والضرب والجهر بالصوت للتعبير عما يريد او التعبير عن غضبه ؟

ليس من الرجولة فى شىء ان تضرب وتهين انثى انت تعرف جيدا انها اضعف منك واهزل منك ولا تستطيع الدفاع عن نفسها.


ليس من الادمية فى شىء ان يكون اسلوب الحوار مثل الحمير بالرفس والضرب .



انا عم انتظر ردودكم

[اللامنتمي]

بالتأكيد لغة العنف وَ التهديد وَ الوعيد ليسَت لغة إنسانية وَ هذا أمرٌ مَفروغ ٌ منه

لكن دعينا نتحدث بـِ شيء أهم

ما السَبب الذي جَعل الرجل يَضرب زوجته أو أخته أو ابنته ؟

هل هيَ عقدة نفسية " عقدة التفوق " عَلى المَرأة جَسَديا ً ؟

أم أنَ تلكَ اللغة قد توارثها سلوكيا ً عن والده ؟

أو لديهِ نزعة عنف مُنذ الولادة وَ لم يَتم ضبطها تربويا ً مِن قِبل الأهل ؟

كُلنا نعلم أن الإنسان قد يرتكب جَريمة في لحظة غضب

وَ كثير من الجرائم أُرتِكبَت بسبب لحظة غضب

قد يأتي أحدهم وَ يتذاكى وَ يقول أنها عادة شَرقية

لكنها ليست بـِ عادة أو عرف شَرقي

إنها مَسألة تخص العالم بـِ أسره ,.

[هشام ابو شرار]

قبل كل شي الضرب مو عادة بس عند الرجل الشرقي والمحاكم الامريكية والاوروبية ملانه بقصص الاعتداء الوحشي على النساء وحسب الاحصائيات هناك 5حالات ضرب كل ثانية في امريكا.........والجال يللي بيضرب مرته بيكون ندل وواطي وما عنده رجولييه.......لانه النسوان ما عندن قوة الرجل ليردو عليه وما بيكون في تكافؤ بينهن...واسلوب الضرب مع النساء بيدل على نقص مرجلة عند الرجل.............الرجال ما بيواجه غير رجال متله

[Odell]

مرات بكون في بنات شغلهن الشاغل اثارة غضب الرجل ومر عليي كتير هيك مؤخرا


بس احسن طريقة للشب يخليها تموت بحقدها وارضها .. هو تطنيشها


لانو من منطلق ديني .. العين بالعين والسن بالسن


وكوني انا مش فاضي اتحاسب كرمال مرا زاعجبتني بالدنيا.. بقا احسن شي طنشها واهملها


بركي بتتربى .. لاني لو ضربتا رح يكون الحق عليي.. بس لما تخسرني بكون الحق عليها

[bki]

السلام عليكم ورحمة الله وبركاتو للجميع

بالأول بحب قول إنو أنا ضد الضرب كأسلوب تواصل مع الغير إلا في الحالات اللي فعلاً بتلاقي حالك فيها لاستخدام هذا الخيار, أنا بكل حياتي والحمد لله صار معي 3 أو 4 علقات محرزة وانته للأسف بالدم وكل صاروا من أعز رفقاتي. هالشي مو لأنو أنا ضعيف جسدياً أو نفسياً من القتال, بس لأني بمارس رياضة قتالية من صغري, فكنت بعرف شو فين أعما, مشان هيك بأجل هالخيار, والحمد لله اللسان الحلو والكلمة الطيبة بيدفعوا الأذى كثير من الأحيان.

أما بموضوع الرجل وزوجتو وولادو وكل من إلو سلطة عليه فأنا بشوف إنو في أسباب كثيرة لهالتصرف, بذكر منها:\
- حب السيطرة والتملك المطلق مما يدفع الرجل لتأكيد هالسلطة بالقوة.
- عقدة النقص والنقمة ع ماضي أسود عاشو مع أهلو فبدو ابنو يدفع ثمنو.
- لاخفاء أخطائو أو عيوبو بحيث لما بيوصل النقاش لنقطة حرجة ممكن اتخسرو النقاش بيستخدم القوة.
- لفرض رأيه بالقوة لما مابيكون عندو مبرر أو دليل ع صحة رأيو أو مالو خلق يبرر.
- وسيلة سلبية جداً لتفريغ طاقاتو اليومية وشحناتو الداخلية, أنا كثير سمعت من رجال إنو شو علي إذا اتعامل بجفاصة مع مرتو, على مين بدو يتخلق ويتبلور, ع المراجعين بالشغل؟؟؟؟؟؟؟؟
- وأخيراً مرات بيكون كطريقة للتعبير عن رأي ما وخاصة الرفض لتصرف معين, أو بيكون كتصفية حسابات قديمة إذا مالقى ممسك أو مدخل أخر للتصفية.

[Reemi]

كاتب النص الأصلي : Odell

مرات بكون في بنات شغلهن الشاغل اثارة غضب الرجل ومر عليي كتير هيك مؤخرا


بركي بتتربى .. لاني لو ضربتا رح يكون الحق عليي.. بس لما تخسرني بكون الحق عليها

هيي بدها تثير غضبك بلى اي مبرر ؟؟

تبلي هيك من الله بيكون جايي عبالها تعصب وبتجي تعصب عليك ...؟

وعفواً يعني بس ما اتوقع حد ناطر من حدا تاني يجي يربيه عم نحكي هون عن تنين بالغين عاقلين راشدين..عدا عن ذلك الاهمال والتطنيش بعمرو ما كان وسيلة تربايه .

[Reemi]

الرجل -اذا صحة التسميه- بيضرب مرتو , اختو , بنتو , امو ... باشد لحظات ضعفه .. وقت بيشوف حالو غير قادر عالتفاهم ..غير قادر عالتواصل .. وقت بيشوف انو ما عندو حجه قوية يدافع فيها عن رأيو .. وقت ما بدو يخسر ع حساب كرامته ..بيكون عارف تماماً انو الي قدامه ما قادر يردلو الضرب فبيحاول بفرد العضلات ..

[هشام ابو شرار]

أكبر صفعة يمكن ان توجهها للمرأة بمواجهة صراخها وثورتها بابتسامة وانسحاب مؤقت او دائم من حياتها

[butterfly]

ضعف
ضعف تواصل .. ضعف موروث .. عدوان ما عم يقدر يسيطر عليه
ماقضية قوة عضلية بس
قضية الرغبة بالتفوق والاحساس بالوجود عن طريق قهر الشريك .. ضربو .. اهانتو

[yass]

مافي أقذر من رجل يمد ايدو على امرأة.. مهما كان السبب.. مافي شي يبرر القذارة و السفالة

[اسيره الدمعه]

كاتب النص الأصلي : هشام ابو شرار

قبل كل شي الضرب مو عادة بس عند الرجل الشرقي والمحاكم الامريكية والاوروبية ملانه بقصص الاعتداء الوحشي على النساء وحسب الاحصائيات هناك 5حالات ضرب كل ثانية في امريكا.........والجال يللي بيضرب مرته بيكون ندل وواطي وما عنده رجولييه.......لانه النسوان ما عندن قوة الرجل ليردو عليه وما بيكون في تكافؤ بينهن...واسلوب الضرب مع النساء بيدل على نقص مرجلة عند الرجل.............الرجال ما بيواجه غير رجال متله

ايوه ياعيني عليك متلي حكي وفرت علي يعطيك العافيه

[satoman]

كاتب النص الأصلي : yass

مافي أقذر من رجل يمد ايدو على امرأة.. مهما كان السبب.. مافي شي يبرر القذارة و السفالة

هاد الحكي المنطقي

[homam85]

الضرب دلالة ضعف وكلّما أوجع ضربا كان أكثر ضعفا
دليل نقص الثقافة والقدرة على الحوار وبالتالي مرض نفسي...

[امل ب]

كاتب النص الأصلي : homam85

الضرب دلالة ضعف وكلّما أوجع ضربا كان أكثر ضعفا
دليل نقص الثقافة والقدرة على الحوار وبالتالي مرض نفسي...

وانا كمان هيك بشوف 'مرض نفسي'
بتشكر الكل على الردود

[Reemi]

يرجى الالتزام وعدم الخروج عن فحوى الموضوع الاساسي ...

[اسيره الدمعه]

كاتب النص الأصلي : امل ب

وانا كمان هيك بشوف 'مرض نفسي'
بتشكر الكل على الردود

هو اكيد هيك
واحيانا بكون معصب وبفش خلقوا وهو
اكبر غلط وبياثر بالحياه المستقبليه
ليش
اما بكون معصب او هو هيك اتربى واتعود عليه وعم يقلد اهلوا
او هو ملاقي هاد افضل حل للمشكله

[fofo besset syria]

كاتب النص الأصلي : اسيره الدمعه

اما بكون معصب او هو هيك اتربى واتعود عليه وعم يقلد اهلوا
او هو ملاقي هاد افضل حل للمشكله

ولا وحدة منن مزبوطة..هوة مجرد رجل ضعيف وفاضي من جوا لا عندو مشاعر ولا عقل ولا حتى تفكير..حتى تسمية رجل ما بتنطبق عليه

وما اجدب منو الا البنت الي بترضى وبتسكت وبتئول معليه هوة الرجال وعيب نطلع مشاكلنا لبرا وهاد الحكي الفاضي والسخيف...بمجرد ما يمد الرجل ايدو عمرتو او على امو او بنتو او اي حدا المفروض تنتهي العلاقة بيناتن شو ما كان نوعا

[هشام ابو شرار]

بس ما بعرف من وين اجت قصة (ضرب الحبيب زبيب)بيقولو والله اعلم انه في نسوان بينبسطو على القتلة وما بيهدا بالهن ليكالو علقة سخنة ؟؟