برافو اسبانيا والله ياخدكون يا عربان

[رجل من ورق]

لفت نظري عند تصفحي مدونة احد الاصدقاء منذ ايام حديثه عن قرار الحزب الاشتراكي الاسباني بعد توليه السلطة في اسبانيا مسح اثار الحقبة الديكتاتورية للجنرال فرانكو وايام الحرب الاهليه
بمافي ذلك اعادة فتح المقابر الجماعية واعادة دفن ضحايا الحرب وان تتكفل الدولة بذلك كما ينص القانون على ازالة اثار عهد فرانكو من اسماء الشوارع والتماثيل واللوحات العهد الذي استمر يمجد بقتلاه ونظامه ويعتبر الباقين ناس من ورق
على ان ما شدني ايضا كان عودة لوركا للذاكرة الاسبانية وهو الذي يعد من عمالقة الادب العالمي .
بصراحة تعجبني كثيرا جارة العرب اسبانيا كثيرا اتمنى ان افيق يوما من نومي لارى بلدنا
تخطو الخطى الاسبانية بدءا من التحول الديمقراطي الذي لم يرق قطرة دم واحدة انتهاء باسقاط حكومة من الشعب
اليوم لا استطيع الا ان انحني امام الخطوة الاسبانية الرائعة ولا استطيع الا ان اقول للعربان : الله ياخدكون
متى سيتعلم العرب الدرس الاسباني ؟ ونقوم بما قاموا به خاصة ان نظام فرانكو لا يختلف كثيرا عن جيرانه من المحيط للخليج

souraqia

[ظل جيفارا]

القصة انو مو بدنا تحول ديمقراطي بس ...بس شي من التغيير الأجتماعي العام ...وهيدا بيجي قبل بكتير من التغيير الديمقراطي ..
هلأ انا واذا بدك رأيي بقول ما بيصير في هيك انماط من التحول الحياتي عند العرب إلا لما يصير في اكتفاء مادي لإنو بغير الأكتفاء المادي لا يمكن الحديث عن وعي جماعي مبلور وكامل ومنهجي وجميل ....
ما بدي هلأ حدا يقلي في وعي عند فقراء ..شذوذ القاعدة لا ينفيها ...
انا برأيي المستوى المعيشي هو من يحدد مستوى الوعي وليس الوعي من يحدد المستوى المعيشي
بس انا بتمنى ناخد الطريق بملامحه العامة يعني على قولة سعد الله ونوس " ما فائدة التاريخ إن لم يسمح لنا بالتنبؤ" نفهم إنو التاريخ انعطى لنتعلم منه .. مو لحتى ننفيه بصفات مطلقة او نخلقه بصفات اكثر إطلاقا .
تحياتي الحارة
ظل جيفارا

[رجل من ورق]

محمد
صديقي كلامي بمطرح وانت بمطرح
عم بحكي عن خطوة مهمة عملتا الحكومة الاسبانية اللي هي مسح اثار حقبة ماضية

[محمد ابراهيم]

كاتب النص الأصلي : ظل جيفارا

.
انا برأيي المستوى المعيشي هو من يحدد مستوى الوعي وليس الوعي من يحدد المستوى المعيشي

جملة قوية جدا بتدل على مستوى متقدم للفكرة .
الفقير بيفكر اولا بتامين لقمة خبز له ولاولاده ولن يفكر بالديموقراطية او بالقراءة او متابعة اخبار السياسة او حتى الانتخابات ،
لما يحصل بالدول النامية تقدم اقتصادي ، العالم رح تبلش تنتقل لمرحلة التثقيف السياسي وممارسة الحياة السياسية ،قبل هيك الفقراء ممكن يتبعو العنف بعشوائية او عن طريق جهة تنظمهم "في حال وجدوا انفسهم غير قادرين على تأمين لقمة الخبز" لذلك يقومو بثورات عنيفة او عمليات تخربيه او اعمال مشابهه ، اما اذا وصلول لمستوى معيشي افضل رح يزيد مستوى وعيهم ورح يتجهو للعمل السياسي والاجتماعي الغير عنيف ،يعني حركات سياسية غير مسلحة او احزاب او جمعيات اهليه او حتى ثورة بيضاء مافيها عنف او دم .

اتذكر كنت قريت بأحد الكتب منذ سنوات عن نظرية اقتصادية متعلقة بهذه الفكرة تقريبا ، لو تذكرت الكتاب رح اجيب فكرة النظرية هون .

بنخلص من هالفكرة انو العرب لحتى يوصلو لمرحلة الاسبان السياسية بدون يوصلو للمرحلة الاقتصادية او عالاقل مرحلة اقتصادية مقاربة (وما تطلب من الفقير اللي هو بيمثل شريحة لابأس بها بالمجتمع انو يكون بنفس وعي وفكر الاسباني اللي مستواه الاجتماعي والاقتصادي وفر الو فرص انو يزيد من وعيو السياسي ) ولا حتى رح يقدر يعمل متل اللي عملو الاسباني ، ممكن يكون عنيف وممكن يكسر وممكن يدمر ،[س بسبب قلة وعيو ر يكون اداة سهلة الاستخدام في صالح اي قوة ممكن تستغلو .

[رجل من ورق]

ما هوي المستوى الاقتصادي للعربان بيحط اسبانيا بجيبته
مع اني ما بدي اقلبها اقتصادية بس تركيا اليونان اسبانيا وايطاليا هدول الجيران تبعنا يعني دخلون سوبر هاي
بس من شو ؟ لانون كمان قدروا يتجاوزوا مشاكلون ويحطوا ايديهون بايدي بعض
هلق حاسس القصة تشربكت شوي

[satoman]

يمكن بدنا سنين ضوئيه لنوصل لهيك تحول وبظن هالشي كتير بعيد لان الاحداث الماضيه عنا انطمرت وماحدا بيجرىء يحكي فيها والتعتيم طامسها يمكن هيك خطوه بدها امل بس للتفكير فيها والامل عنا كتير بعيد

[ayhamm26]

كاتب النص الأصلي : رجل من ورق

ما هوي المستوى الاقتصادي للعربان بيحط اسبانيا بجيبته

مظبوط, المستوى المعيشي للمواطن السعودي او الاماراتي او القطري مثلا افضل من مستوى دول كتيرة بالاتحاد الاوربي ومع هيك مستوى الوعي السياسي عندن متدني كتير

[محمد ابراهيم]

كاتب النص الأصلي : رجل من ورق

ما هوي المستوى الاقتصادي للعربان بيحط اسبانيا بجيبته
مع اني ما بدي اقلبها اقتصادية بس تركيا اليونان اسبانيا وايطاليا هدول الجيران تبعنا يعني دخلون سوبر هاي
بس من شو ؟ لانون كمان قدروا يتجاوزوا مشاكلون ويحطوا ايديهون بايدي بعض
هلق حاسس القصة تشربكت شوي

اي مستوى اقتصادي بتحكي عنو ؟ بتحكي عن مين ؟ عنا اغنياء وهادول قلة قليلة قليلة وعنا فقراء هادول الكتير كتير
هل مستوى دخل الفرد عنا = مستوى دخل الفرد باسبانيا ؟ طبعا لاء وستين لاء (نحنا عنا شعوب بتكافح لحتى تأمن الحد الادنى من مستوى المعيشة ) عنا شباب بتكافح لحتى تلاقي وظيفة بسيطة وبراتب بسيط لحتى تبني بيت بسيط وتتزوج بنت بسيطة ....... وما بيقدرو يحققوا هالحلم الا بعد مزيد من السنوات !!!!!!!! هذا عن اللي بيقدر يحقق ، يعني مش كلون بيقدرو ، شوف ارتفاع نسبة العنوسة بسوريا او بمصر "شيئ رهيب"

انسو موضوع انو مستوى ثقافة و وعي شعوبنا تكون متل اوربا طالما مستويات المعيشة هيك .

كاتب النص الأصلي : ayhamm26

مظبوط, المستوى المعيشي للمواطن السعودي او الاماراتي او القطري مثلا افضل من مستوى دول كتيرة بالاتحاد الاوربي ومع هيك مستوى الوعي السياسي عندن متدني كتير

يا اخي اللي يعيش يشوف واللي يسافر يشوف اكتر ،

انا الي اصدقاء بيشتغلو بقطر وبالامارات ، لما حدا فيون بيحكي معي بيخبرني انو نحنا مانا عايشين ، انا الحمد لله راضي وقانع ومابدي اصير مغترب (حتى لو 10 سنوات بس) مابدي ، في هالدول رح تلاقي معاملة الك على انك بشر ، في احترام وفي كتير حقوق ما كنت بتاخدها ببلدك بتاخدها هنيك ، وانت ماشي بسيارتك الغاليه اللي ما كنت تحلم تعمل عليها سائق لرجل اعمال ببلدك ، مابتلاقي شرطي مرور بدو ياخد منك اللي فيه النصيب او رح يكفرك بعيشتك ومارح تلاقي رشوة بالعام (لانو مستويات الدخل مرتفعة ) نادر لما حدا رح ياخد رشوة منشان يقدر يعيش هو واولادو ، انت بتعمل وبتاخد اجرك اللي بيكفيك تعيش حياة كريمة ومافي حدا بيعتدي على حقوقك ، لكن في بلدك معظم حقوقك ضايعة .

[هشام ابو شرار]

هولي حبيب البي العربان تركو كنوزهن الفكرية وخبرتهن الثقافية وكل الحضارة وملامحها والادب في الاندلس من شي 1500سنة.... وهربو.. وما اخدو معهن غير شي واحد........زق الخمر...هلا الاسبان عرفو يستغلو هالكنوز ونحنا لسه هاربين....زز ومسطولين....خلينا هاربين ومسطولين على ضهر البعير احسن بلا ما نوقف شوية ونتفكر في حالتنا وننتحر !

[ظل جيفارا]

تحياتي الحارة شباب
تحية لأيهم " زمان والله يا صديق"
اما بخصوص الموضوع بتوقع محمد ابراهيم فهم فكرتي بشكل صحيح بالنهاية الحكومة الإسبانية حكومة ديمقراطية وهي انعكاس للعلاقات الإجتماعية في المجتمع الإسباني اللذي ينعم نوعا ما برخاء وبتوزيع نوعا ما عادل للناتج الإجمالي المحلي .. لهيك بتقدر الحكومة تاخد قرار بمستوى واعي يعكس وعي عام مرتفع ..
اما العربان فحتى لو اتخيلت صديقي طارق إنو مستوى معيشتهن اعلى من الإسبان فأنا بقلك هيدا الحكي صحيح لطبقة معينة قليلة جدا ... وليس لعامة العربان ...
بالنهاية كمان الموضوع بيتعلق بطبيعة العلاقات الإجتماعية في مجتمع معين المجتمع " العرباني " مجتمع التنكر والبورجوازية الصغيرة بإمتياز " مصطلح التنكر مقتبس من سعد الله ونوس الراحة لروحه "
على هيك في تغيير لازم يصير بنمطية العلاقات الإقتصادية ونوعيتها وليس بكميتها ...لحتى نصير شعوب ديمقراطية تقدر حكوماتنا تعبر عن وعي عميق وانسانية اعمق ..
تحياتي الحارة
ظل جيفارا

[MadMax]

كاتب النص الأصلي : رجل من ورق

متى سيتعلم العرب الدرس الاسباني ؟ ونقوم بما قاموا به خاصة ان نظام فرانكو لا يختلف كثيرا عن جيرانه من المحيط للخليج

طول ما شعبنا عبارة عن ناس من ورق .... .......ما رح يتغيّر شي و لا رح يصير شي

[lostman1]

ينبغي القضاء على تخلف المسلمين أولاً .. قبل البدء باي عملية إصلاحية ..

برأيي بقاء صدام كان أشرف من الإسقاط السينمائي السخيف لتماثيله و نصب تماثيل للسيستاني
و الضرطاني و ابن لادن و الخميني و الزرقاوي و غيرهم ..

.

[suryoyo]

ما رح نقدر نتقدم ... طالما نظل نفكر بالتركيز على مساوئ الماضي دون التفكير بالتقدم بشكل حقيقي !!

محي الماضي يكون يتحسين الحاضر ... بس كثير احيان صار تبرير تردي الوضع الجديد ... بحجة تغيير النظام القديم !!


بالنسبة لانتشار التشدد ... و الافكار الرجعية

أحب اقول الاتجاه المتشدد مو بس منتشر بين الفقراء ...... مثل ما نتصور

بالعكس منتشر بين الاغنياء بشكل مخيف .... يجوز بسبب الخوف من الاخر !

و الشرق الاوسط اثبت هذا الشي


ثاني شي ... في مجتمعات ((بأكملها)) غنية جدا يعني مثلا قرى او مدن صغيرة ... و مع ذلك تعيش حياة الفقراء لان الناس تربت في هكذا مجتمع .. يعني هذا مستوى الحياة يعتبر تراث لها ..

هنا يكمن دور المؤسسات .. في نشر الثقافةو التوعية بين هذه المجتمعات ..



نفتقد الى برامج تنمية حقيقة بالفرد قبل المؤسسات او المسؤولين ...

[ظل جيفارا]

كاتب النص الأصلي : suryoyo

بالعكس منتشر بين الاغنياء بشكل مخيف .... يجوز بسبب الخوف من الاخر !
و الشرق الاوسط اثبت هذا الشي
...

الشرق الأوسط بيثبت حكيي بإنه المجتمعات الفقيرة هي فقط التي تنتشر فيها حالات التزمت والتشدد لإنغلاقها اصلا وراء البحث عن وسائل تطوير الإقتصاد والحصول على الحد الادنى من الرفاهية ..
يعني الشرق الأوسط حتى بأغنيائه لم يتجاوز بعد مرحلة تشكيل الإقتصاد بل ما زال يبحث عن قوة إقتصادية...
فأنا عندما اتحدث عن المجتمع الذي ينمو فيه التشدد والتزمت لا أتحدث عن فئة من المجتمع بل عن المجتمع بأسره فلست أتحدث عن طبقة الفقراء بل عن مجتمع فقير ...
ولحتى نرجع نميز اللي بتلاقيه عند الاغنياء بالمجتمع الفقير بمعظم الحالات إلتزام ديني وليس تزمتا أو تشددا دينيا وعندما تحصل خروقات او شواذات عن القاعدة فعلينا -اسامة بن لادن مثلا - فعلينا دراسة الوضع العام للخرق من وضعه النفسي إلى وضعه الفكري مرورا بإحتمالات التلاعب ..
تحياتي الحارة
ظل جيفارا