في بيت نجوى

[kosayka2]

من فترة كنت ماشي بالطريق و اذ بالصدفة بسمع ولد عم يقول لرفيقو :لا تروح لعند الياس لانو مسيحي

اذا قعدنا نفكر فيها .......ممكن يكون هاد الأنسان يلي عمرو تقريبا 12سنة ما عم يسوي شي غلط بالنسبة لحياتو
لانو هي الفكرة هي متعلمها من اهلو و طاعة الأهل واجب !!

بس الجدلية الأكبر هو موضوع تقبل الأخر

هل نحن كمجتمع اصبحنا نحدد علاقاتنا مع الأخرين على اساس ديننا ؟؟؟؟؟

الجواب : بكل تأكيد نعم

اذا اتينا لدول اخرى نحن معروفون لديهم ان الشعب السوري هو شعب متآخي و محب لبعضه
و لكن اذا اتينا للحقيقة بكل صراحة نحن شعب يكره بعضنا

نقول ان المسيحين و المسليمن و ..و..و......... هم اخوة
و في الأعياد ما اجملنا و نحن نتآلف مع بعضنا و نحب بعضنا
فهل هذه حقيقة ام خدعة على الحقيقة


ماهي مقدرتنا على تحمل الأخر ........ هنا يكمن السؤال
هل نتعامل مع الأخرين على اساس ديننا او لوننا اوعرقنا او انتمائه الى بلد غير بلدنا او .........

ان التعدد الطائفي ليس عيبا حيث لا يملك الناظر للخارطة الديمغرافية للشرق الأوسط إلا أن يلاحظ أن التعدد الطائفي أمر واقع لا مفر منه، بكل ما يحمله ذلك التعدد في طياته من إمكانيات لتحوله إلى مصدر غنى وثراء وتنوع ثقافي وحضاري.

ولكن مما لا ريب فيه أن اللافت في الموضوع، وخصوصا في ظل الواقع الطائفي المأزوم راهنا في العالم العربي بموروثاته التاريخية، هو تحول هذا التعدد من مصدر لإثراء المجتمع إلى حقل ألغام يعترض سبيله.

فهنا اذا اتينا الى هذه الفكرة نجد ان سوريا ارحم من دول عربية كثييرة غيرها (حيث انا طائفيتها مخفية)

و لكن الفكرة دخلت كتيرا الى افراد مجتمعنا فهل من المعقول ان لا يذهب صديق لصديقة فقط لانه مسيحي ؟؟؟؟؟؟


ان فكرة الأديان و العروق هي فكرة متأصلة فينا و اصبحت تفرقنا عن الأخرين لدرجة انها اصبحت واحدة من اساسياتنا
لكن نسأل انفسنا هل نحن نقوي الطائفية في بلدنا ام نخمدها
انا اعتقد اننا لا نفعل شيئا غير ادخال فكرة الدين الى حياتنا بشكل اكبر و الحرص على ان هذا الدين هو الأفضل و الأديان الأخرى لاتنفع معنا فيجب الأبتعاد عنها

فلعنة الله تحل على كل من يعتبر من الدين سبيلا لنفي او تقبل الأخرين
يا من تدخلون الدين الى افكار اولادكم ليكون اساسا في حياهم الأجتماعية و فلتحرقكم نار تأكل كل نفس يخرج منكم باسم الطائفية



و لكن

لا نستطيع ان نشمل كل شعبنا ضمن هذا النطاق فهناك اناس اتخذا لحياتها سبيلا اخر
هو ان كل الناس متساوون على اساس الأنسانية
اي
انت انسان فانا انسان مثلك ايا كنت يدي بيدك ضد ذاك الشخص الذي يحاول ان يفرقني عنك بحجة الطائفية

و من هنا طرحت المغنية اللبنانية الرائعة ...........مي نصر ............
البومها الجديد و فيه اغنية اسمتها
بيتك يا نجوى
هو بيت كل شخص لم يتخذ للطائفية سبيلا لحياته و لم يجعل لدينه او لعرقة اساسا في تواصله مع الأخر

لكن السؤال هل لدينا هنا ذاك البيب

او بطريقة اخرى هل تنتمي انت الى هذا البيت
اذا كان جوابك نعم فهلا بك
و اذا كان لا فاهلا بك ايضا لنتحاور و نتناقش كي نصل الى طريقة ممكن ان قبل بها بعضنا

و لكن تذكر اذا كنت ترفض الأخرين في حياتك تبعا لاي سبب ديني او طائفي او عرقي او قومي .......
فلن تنتمي الى هذا البيت

[Marooshe]

في الاتحاد قوة،
وسياسة فرّق - تسُد .. مستخدمة بكافة الدول العربية ، وان كانت سوريا اقلهم متل ما هو معروف ..
دول حكوماتها متل حكومات الدول العربية يخزي العين عليها ، مو من مصلحتها تشوف شعبها كلو متحد لانو ساعتها رح يصير في خطر على استمرارها .. بينما ازا فرقتو لسني وشيعي وعلوي واسماعيلي وكاثوليكي واورتوذكسي ودرزي ومدري شو كمان .. رح يكون مجزأ وضعيف ومشتت ومافي اسهل من السيطرة علية ..




اما من ناحية اجتماعية،
فالشي لي ما عم اقدر افهمو هو ليش كتير صعب علينا نتقبل المختلف؟
انو يا هل ترى صداقتي مع شخص مسلم او مسيحي او كردي او بوذي رح تشكل تهديد وخطر على ديني؟


دائما الانسان بيلاقي الراحة بالمحيط لي بيتقاسم معو اكبر حد من معتقداتو وايمانو وتقاليدو .. الوسط لي بيعطية شعور بأنو جزء ومش غريب ..

بس برضو انا بشوف انو أي شخص بيعادي او بينبذ ناس لمجرد انهم مختلفين .. هو انسان ضعيف لدرجة انو ما بيقدر يتعامل غير بنسخ عنو .. وما عندو ثقة بشريعتو لدرجة انو بيدفش كل الاشيا المختلفه عنها لحتى يضل حاسس حالو مرتاح وواثق ..

[kosayka2]

كاتب النص الأصلي : Marooshe

في الاتحاد قوة،
وسياسة فرّق - تسُد .. مستخدمة بكافة الدول العربية ، وان كانت سوريا اقلهم متل ما هو معروف ..
دول حكوماتها متل حكومات الدول العربية يخزي العين عليها ، مو من مصلحتها تشوف شعبها كلو متحد لانو ساعتها رح يصير في خطر على استمرارها .. بينما ازا فرقتو لسني وشيعي وعلوي واسماعيلي وكاثوليكي واورتوذكسي ودرزي ومدري شو كمان .. رح يكون مجزأ وضعيف ومشتت ومافي اسهل من السيطرة علية ..

هلق هاد الشي يلي كنا خايفين منو من الأستعمار

بس صرنا نحن مستعمرين حالنا

و السبب انو في بعض الناس صارت مصلحتهون فوق مصلحة الوطن

كاتب النص الأصلي : Marooshe

اما من ناحية اجتماعية،
فالشي لي ما عم اقدر افهمو هو ليش كتير صعب علينا نتقبل المختلف؟
انو يا هل ترى صداقتي مع شخص مسلم او مسيحي او كردي او بوذي رح تشكل تهديد وخطر على ديني؟
دائما الانسان بيلاقي الراحة بالمحيط لي بيتقاسم معو اكبر حد من معتقداتو وايمانو وتقاليدو .. الوسط لي بيعطية شعور بأنو جزء ومش غريب ..

هلق هون انتي بالاما تشعري رحعتي و حكيتي على انو الدين اساس انو ارتاح مع الأخر
ممكن طبعا حكيك صح طالما هو ضمن نطاق الراحة فقط اذا اتعداه ليصير رفض للأخر من خلال دينو هون بتصير مشكلة

كاتب النص الأصلي : Marooshe

انو يا هل ترى صداقتي مع شخص مسلم او مسيحي او كردي او بوذي رح تشكل تهديد وخطر على ديني؟

في ناس بتعتبر مجرد النقاش مع الأخر غلط كبير فكيف الصداقة

كاتب النص الأصلي : Marooshe

بس برضو انا بشوف انو أي شخص بيعادي او بينبذ ناس لمجرد انهم مختلفين .. هو انسان ضعيف لدرجة انو ما بيقدر يتعامل غير بنسخ عنو .. وما عندو ثقة بشريعتو لدرجة انو بيدفش كل الاشيا المختلفه عنها لحتى يضل حاسس حالو مرتاح وواثق ..

و هاد الشي انا بأيدك فيه و بعتقد انو نسبة كتير كبير من شعبنا ضمن هاد النطاق
و هاد هو الشي الوحيد يلي عم يخلينا...................... هونيك بعاد كتير كتير عن الشعور الأنساني الراقي


طيب بس بسألك سؤال
هل تعتبري حالك بهاد البيت , بيت نجوى (بجوات صريح يس اور نو )

[Marooshe]

كاتب النص الأصلي : kosayka2

طيب بس بسألك سؤال
هل تعتبري حالك بهاد البيت , بيت نجوى (بجوات صريح يس اور نو )

كون أعز رفقاتي وأغلى ناس عندي بيشملو عالم مختلفة عني بالمبدأ والطائفه والدين والقومية والجنسية .. فجوابي أكيد رح يكون .. طبعاً ..

[marioma alghzayala]

اي ليش ما عرفت؟؟..

الولاد ما عاد يلعبوا شرطة حراميي ...صاروا يلعبوا اسلام ومسيحيي

[kosayka2]

كاتب النص الأصلي : Marooshe

كون أعز رفقاتي وأغلى ناس عندي بيشملو عالم مختلفة عني بالمبدأ والطائفه والدين والقومية والجنسية .. فجوابي أكيد رح يكون .. طبعاً ..

انا هاد الشي يلي عم اتوقعو او استناه من كل واحد هون بأخوية

و يلا هيك صرنا تنين بهاد لبيت

اهلا و سهلا

[kosayka2]

كاتب النص الأصلي : marioma alghzayala

اي ليش ما عرفت؟؟..

الولاد ما عاد يلعبوا شرطة حراميي ...صاروا يلعبوا اسلام ومسيحيي

بالواقع ........................................ نمن الكبار صرنا نلعب هي اللعبة كمان

و يلا انت كمان معنا بهاد البيت ؟؟؟؟؟؟؟؟؟؟؟؟

[ويحد سوري]

صديقي : الطائفية موجودة من وجود الحضارات يعني من فترة قديمة مليح
بس السؤال , انو التعايش موجود ؟؟

يعني انا بعرف انو الطائفية موجودة بسوريا , بدك ادلة او براهين (بس اسال شي شب خدم عسكرية

او شي طالب جامعه بيحكي ب ال(ق) و طالب تاني بيحكي ب (ء)

او شي شخص عم يقدم ع طلب توظيف و اذا معوا فيتامين واوو (ع )

المهم : انو نحنا بسوريا عم نعرف نعيش مع الواقع و مبسوطين بالتعددية لي موجودة بسوريا

و انو نكون مختلفين بالدين (مو قصة وخصوصا انو ما في الله مثلا شو ضل الدين بدو يعمل؟؟

نحنا هيك عايشين ( منطقة موجودة ع خريطة سورية و منعرف الله و كمان في قسم ما بيعترف فيه )

و ما في احلى من هيك تعدد و اختلاف


لانو بالنتيجة الاختلاف عم يولد فكر و هدا الشي الاهم

وو للحديث بقية (بعدما بتجي الكهربا , لانو التقنين احلى رواق

[باشق مجروح]

الطائفية موجودة من زمان متل ما تفضلو الشباب . و تعززت وقويت بالسنين الاخيرة بعد ردة الفعل الدينية الي حصلت في المنطقة وانتشار بعض الافكار المتعصبة و علو صوت المتطرفين للطعن في قلب التعايش الذي نتغنى به . نعم مستقبل التعايش في سوريا مجهول لأننا يجب ان نرى عمق المشاكل ولا نكتفي بما هو ظاهر على السطح . لان هناك بالفعل شحن طائفي ولكنه مسيطر عليه لقوة اجهزة الدولة لدينا . فإذا كانت الامور مضبوطة هذا لا يعني ان المشكلة غير موجودة . لا بل هي في تصاعد مستمر.
اتمنى ان يزداد عدد ساكني بيت نجوى الذي يتسع للجميع .

[kosayka2]

كاتب النص الأصلي : ويحد سوري

صديقي : الطائفية موجودة من وجود الحضارات يعني من فترة قديمة مليح
بس السؤال , انو التعايش موجود ؟؟

يعني انا بعرف انو الطائفية موجودة بسوريا , بدك ادلة او براهين (بس اسال شي شب خدم عسكرية

او شي طالب جامعه بيحكي ب ال(ق) و طالب تاني بيحكي ب (ء)

او شي شخص عم يقدم ع طلب توظيف و اذا معوا فيتامين واوو (ع )

المهم : انو نحنا بسوريا عم نعرف نعيش مع الواقع و مبسوطين بالتعددية لي موجودة بسوريا

و انو نكون مختلفين بالدين (مو قصة وخصوصا انو ما في الله مثلا شو ضل الدين بدو يعمل؟؟

نحنا هيك عايشين ( منطقة موجودة ع خريطة سورية و منعرف الله و كمان في قسم ما بيعترف فيه )

و ما في احلى من هيك تعدد و اختلاف


لانو بالنتيجة الاختلاف عم يولد فكر و هدا الشي الاهم

وو للحديث بقية (بعدما بتجي الكهربا , لانو التقنين احلى رواق

ان التعدد الطائفي ليس عيبا حيث لا يملك الناظر للخارطة الديمغرافية للشرق الأوسط إلا أن يلاحظ أن التعدد الطائفي أمر واقع لا مفر منه، بكل ما يحمله ذلك التعدد في طياته من إمكانيات لتحوله إلى مصدر غنى وثراء وتنوع ثقافي وحضاري.

ولكن مما لا ريب فيه أن اللافت في الموضوع، وخصوصا في ظل الواقع الطائفي المأزوم راهنا في العالم العربي بموروثاته التاريخية، هو تحول هذا التعدد من مصدر لإثراء المجتمع إلى حقل ألغام يعترض سبيله

[kosayka2]

كاتب النص الأصلي : باشق مجروح

الطائفية موجودة من زمان متل ما تفضلو الشباب . و تعززت وقويت بالسنين الاخيرة بعد ردة الفعل الدينية الي حصلت في المنطقة وانتشار بعض الافكار المتعصبة و علو صوت المتطرفين للطعن في قلب التعايش الذي نتغنى به . نعم مستقبل التعايش في سوريا مجهول لأننا يجب ان نرى عمق المشاكل ولا نكتفي بما هو ظاهر على السطح . لان هناك بالفعل شحن طائفي ولكنه مسيطر عليه لقوة اجهزة الدولة لدينا . فإذا كانت الامور مضبوطة هذا لا يعني ان المشكلة غير موجودة . لا بل هي في تصاعد مستمر.
اتمنى ان يزداد عدد ساكني بيت نجوى الذي يتسع للجميع .

انا هاد الشي يلي عم احكي فيه
انو اسغربت لما قلي واحد عراقي انو نحن منعرف عن سوريا انو ما فيها اي طائفية
يعني متل ما حكيت اذا كانالوضع تحت السيطرة فلا يدل على عدم وجود المشكلة

[kosayka2]

يعني لهلق ما حدا اعترف انو هو بـ بيت نجوى غير انا و مروش

فهل تنضموا النا يا باشق مجروح و يا ويحدسوري و يا مريومة

[باشق مجروح]

كاتب النص الأصلي : kosayka2

يعني لهلق ما حدا اعترف انو هو بـ بيت نجوى غير انا و مروش

فهل تنضموا النا يا باشق مجروح و يا ويحدسوري و يا مريومة

هلق انا ما بحب احكي عن حالي .
بس بكل ثقة بعد كتير مراحل فكرية مريت فيها بقول اي نعم .

[kosayka2]

كاتب النص الأصلي : باشق مجروح

هلق انا ما بحب احكي عن حالي .
بس بكل ثقة بعد كتير مراحل فكرية مريت فيها بقول اي نعم .

ممتاز صرنا 3

اصلا انا كنت متوقع منك هالشي من معرفتي الشخصية فيك

اهلا و سهلا

[باشق مجروح]

مهوي العبرة مش بقديش ناس رح تقول نحنا منسكن بهالبيت . العبرة بقديش عنجد ناس مهيئة من جوا لتسكن هالبيت .

[kosayka2]

كاتب النص الأصلي : باشق مجروح

مهوي العبرة مش بقديش ناس رح تقول نحنا منسكن بهالبيت . العبرة بقديش عنجد ناس مهيئة من جوا لتسكن هالبيت .

و انا متأكد انك و احد من هدول الناس


تحياتي

[ويحد سوري]

بهديك اغنيو مي نصر (للغالي) بيتك يا نجوى بيرد الرررررروح


و اذا غرفتي الغربية بتساعكن اعتبرها تابعها ل بيت نحوووووى

[Reemi]

كاتب النص الأصلي : marioma alghzayala

اي ليش ما عرفت؟؟..

الولاد ما عاد يلعبوا شرطة حراميي ...صاروا يلعبوا اسلام ومسيحيي

اوعى تحكي معي من اليوم وطالع .. بتشوفيني بتلفي وجهك سمعاني ولي