تـصويت لموضوع " مع الاخـبار "

[The morning]

نـتيجه لانو ما كان في مشاركات كتـيره تنـبغي انو نقوم باختيار خمـسه اعمال فقط من بين مجموعه فرح بتم الاختيار من بين جمـيع الكاركتيرات المـشاركه و اللي هنن :

المشاركه رقم 1 - يمـان


لمحمد السباعنه

المشاركه رقم 2 - Yass



لـ علي فـرزات

المشاركه رقم 3 - M.E.e.R.O



برضو لـعلي فرزات ..

المشاركه رقم 4 - نـعمه



لعماد حجاج

المشاركه رقم 5 - The morning





لـعبد الله درقاوي


مـوضوع الكـاركتيرات المـطلوبه كان

الموضوع الاوّل رح بكـون نوعا ما استـثنائي و متـعلق بالخـبر المنـقول عن اللجنه السـوريه بخـصوص مـحاكمه كـريم عربـجي , krimbow , في الثامن من الشـهر الجاري . لو حابب تلقي نـظره عالمـوضوع اكــبس

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بــــعيدا عن الـنقـاشات و الاراء المتعلقه بالمـوضوع تـحديدا و اقـرب الى الـتعميم , المـوضوع الاوّل ضمن هالـمـسابقه هـو الـمعتــــــقلين عامه و ليـس خاصـّه اي عن المـعتقلين حـوّل العـالم و الكـركتيرات الـتي تـلقي الـضوء على ذلـك ..

هــامش .. يرجى عـدم الـتعرض للـحكومات و الاكتـفاء بمناقـشه موضوع المـعتقلين كاركتيريا ..

يـرجى من كل واحد بـقوم بالتـصويت انو يـزكر سـبب تـصويته لـفلان (( غـير انو عجبني و حلو و حبيتو )و الّا ما رح ينـحسب صـوته ..
و طبعا يمنع المـشترك من التصويت لنفـسه ..
التـصويت مفتوح من هون لـ 1 تمـوز 2008 ..
للاطلاع على الموضوع كامل من الرابط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[LiOnHeArT.3LA2]

اوكي ..

انا بصراحة .. ضعت بين تنين

ياس .. وميرو

بس لقيت تبعيت ميرو احسن .. ليش؟

بما انو الحكي عالمعتقلين بشكل عام ..

فهدول المعتقلين .. راحو ضحيّة ..

هني بدن الارض .. وبدن هالسلم هاد ينمد عالارض .. ويكون الكرسي مجرّد فرشة ..

وما بدن يكون في فراغات بين السلم ..

بس هالسلم هاد .. عم يروح .. ليش .. لانو كل ما بيجي حدا .. بدو يطلع عالكرسي .. االكرسي اللي موجود فوق
فوق فوق فوق ..

وعم يروحو ضحيّة القص ..

بس عجبتني شغلة .. "" ما بعرف ازا قاصدا علي فرزات بس طلعت معي "

انو هوي اول شي طلع عكتافن .. وحط ايدو عليهن .. او معهن

بعدين بلّش القص فيهن ..

واللي طالع .. ما بيحب يطلع عليه للي فوقو .. لانو بيحب عطول يطلع عليه من فوق .. وهوّي عم يقصو

يعني بيتركو ليصير وقتو ..

هدا السبب .. طويل كتير وفي لعي كتير .. بس انو الكاركتير .. بحسّو احسن من الاخبار بشي 100 مرة

لانو الواحد .. فينو يعبر عن رأيو

ويوصلو للي بدو ياه يوصلو ..وكل شريحة بتفهم اللي بدا ياه .. حسب عقليتو

شكرا عالموضوع ..

[yass]

أنا صوتت لهاي.. كتير بحسها على بساطتها معبرة عن التحدي .. كتير حبيتها..

كمان حبيت كتير المشاركة الرابعة ... بس ما فينا نصوّت غير ع وحدة


سلامات

[suryoyo]

انا صوتت على هي الصورة ...

التحديات اللي تواجه الاحرار و الشعوب بالعالم العربي ...


و اكثر لقطة ,,,, الصفع الحر ... حتى تشوف شقد ممكن يتحمل الانسان و يقاوم الظلم


كثير حسيتها قريبة لنفسي

[*Marwa*]

هالكاريكاتير كتير رائع ومعبر..انو بالرغم من كلشي لازم يضل عند الانسان أمل وطموح وروح التحدي..عنجد كتير عجبتني..أول مرة شفتها كانت ببروفايلك وحبيتها كتير

[souriana]

صوتت لميرو

[YaSeR]

انا صوتت لهي ..
لانو ببساطة بتدل على عدم تقبل التغيير او عدم تقبل الراي الاخر

[وشم الجمال]

الصورة يللي منزلها نعمة

كتير بتعبر قديش الوضع سئ وبتحكي انو حتى لما تكون الحكومات العربية حابة ترفه عن الشعوب الشعوب بتاكل هوا
وكلو تحت مسميات راقية وشريفة

[The morning]

صوتت للمشاركه التانيه - ياس
لانو كتير لفتلي نظري هالكاركتير حتّى من قبل .. فيها تناقض غريب و مضحك مبكي ..
اضافه الى انو بتعبر بشكل كبير عن واقع

[Nassima]

أنا صوت على مشاركة ميرو لأنو صحيح الكرسي عالي و شاهق و مريح و ضخم
بس طريقو طولة و صعبة و لي بيوصلو مايخلي حد ثاني يوصلو
وهي ظاهرة عند الحكام العرب الي بيتقلد الكرسي خلاص بتشق عروقو و جذورو الكرسي و الارض من كثر ما طول فيه وما في أبدا التداول على السلطة .
شكرا لباقي المشاركات كلها بتعبر عن الواقع
بس طالبين وحدة

[سوا ربينا]

انا صوتت لياس ,,, الصورة كتير معبرة عن واقعنا ,,,

[the big haert]

انا بصوت لهالصورة

[Government]

انا رح صوت للتاني .. وبشدة تبع ياس ... كتير كتير مأثر واثر فيني للوهلة الاولى صراحة اول ماشفتو وكتير معبر ومؤثر .. مشان هيك التاني

[The morning]

تزكير انو بواحد الشهر رح بتم اغلاق التصويت و اعلان النتايج بس بلا توزيع حقائب

[يمان Rooooonaldo]

صراحة صوتت لنعمة .. كنت شوي متقلب بين صورتو وصورة ياس ..

بس صراحة لقيت هي معبرة بشكل اكبر ..

[butterfly]

صوتت لهي .. اكتر وحدة حسيتا معبرة ..

[ooopss]

صوتت لكاريكتير مورنينغ
حبيت معنى الاصرار والصمود .. ومعنى الدفاع عن حرية التعبيروجهة النظر لو كانت وحيدة
باختصار معبر..

[DORA_]

انا اخترت صورة ميرو لأنو بتلخص الدكتاتورية وحب الكرسي والتشبث به حتى ولو على حساب قناعته وافكاره يلي كان مآمن فيها والاهم من هاد هو انو الكرسي الو لحالو انو عم ينشر السلم وراه مشان محدا يقعد حدا بعده .
فعلا هي اسقاط لكتير واقع عم نعيشو ويمكن يكون بالانترنت كمان .