اخوية 1,000,000 مشاركة

[اممي]

مين كان بيصدق من الي اسس هالموقع البريدي الصغير قبل خمس سنين ان يتحول بيوم من الايام لقلب بيحوي مليون صوت مليون راي ومليون احساس

كتار مرو علي هالموقع شي ظل وشي راح وشي غيب عنا القدر بس كل واحد منن ترط اثر علي هالسطور فينا نرجع نقراها ونتبع

رغم كل الصعوبات الي واجهتها من فترة تاسيسها لحد هاليوم قدرت ان تظل واقفة و ان ترسم وجه حقيقي ,طيب ,حنون, متفهم وراقي لطبيعة الحياة بهالوطن

اخوية الي كانت للمغتربين وطن بيتخبو تحت جناح لما بيشعروا ببرد الغربة وجسر نحو الوطن البعيد وهيه كانت كف الصديق الي بيحمل رفيق لما بيهوي من التعب والي بيطبب علي جراحنا وقت الزنقة والي عم يقدر يرسم البسمة بوجوهنا لما بنكون بعز الزعل

قدرتي بهالخمس سنين وبشهادة هالمليون صوت الي مابتقبل التزوير ان تكوني جزء من حياة كل واحد فينا غير قادر علي التخلي عن

اخوية بالملخص انت منك موقع ….انت سوريا بكل تضاريسها بكل اديانها بكل مشاكلها بدخانها بعجقتها بروح شبابها

انت هالمزيج الي صعب ان الواحد يوقف عند ومابيحب

اخوية قد هالمليون مشاركة ….بحبك

اممي

[اممي]

وهي هيه المشاركة المليووووووووووووون

[اممي]

المواضيع: 98,089, مشاركات: 1,000,001, أعضاء: 157,267, أعضاء فعّالين: 11,060

[معرف]

وهي انا كمان مليون وتنين

[المحارب العتيق]

سبقتني أممي . بكل الأحوال أكيد الي فضل كبير

[Sarita]

وهي مليون و3
يسلمو على الموضوع الحلو اممي
بجد اخوية مو بيتي بحسو انا واخوية هوي رفقاتي وعيلتي كلها
بجون اخوية بحس حالي ناقصني شي وهالشي مهم كتييييييييييير بيجوز ايدي او عقلي
بس يا خسااااااااارة
قلبي اللي بيكون ناقص لمن اخوية بيرووووح
----------
عالهامش : وين البوووص بدنا نشوف مؤسس هالبيت السعيد ولالالالالالالالاو بدنا نتشرف بمعرفتو للزلمة
عمو من شاتن الله بين بدي شوووفك

[اممي]

بتمني ان هالموضوع بيكون فيه اكثر الشغلات الي عجبتكن بالاخوية ,ذكرياتكن معها بالاضافة لمشاركات الاعضاء الي يمكن ماعدوا معنا كتير

[Sarita]

احلى شي الرفقة اللي جمعتني باعز اصدقائي بجد
هاد الشي العزيز ع قلبي اللي اخدتو من اخوية

[وشم الجمال]

فيك تقول اخوية حصلت منها على اشيا كتيرة
اهم شي اصدقاء بيجننو
من كل بلد وتفكير بيختلف ويعني كتير تميز والله

تاني شي لما كنت متدايقة بيجي بلاقي مكان فرغ فيه ديقي
لما حس حالي بدي اكتب لاقي مكان اكتب فيه وناس تقراني
لما بدي اشكي لما بدي ارسم بسمة
يعني بصراحة حصلت فيها على حلمي او لقول نموذج مصغر

حكيت عنو مرة مع Suryoyo
وهو انو اتفقنا انو اخوية نموذج مصغر للمدينة الفاضلة يللي بنحلم فيها

[Sarita]

ولك يسلم تمك يا وشم
بس ياريت لو هالمدينة ما يصير فيا خلافات ونزاعات
ويكون فيا اشخاص غير مرغوب فيون
يعني متل اللي بناها افلاطون بمخو

ويسلمو اممي على الموضوع نسيت اشكرك

[وشم الجمال]

كاتب النص الأصلي : Sarita

ولك يسلم تمك يا وشم
بس ياريت لو هالمدينة ما يصير فيا خلافات ونزاعات
ويكون فيا اشخاص غير مرغوب فيون
يعني متل اللي بناها افلاطون بمخو

ويسلمو اممي على الموضوع نسيت اشكرك

عزيزتي ما بزبط والله ما بزبط
لو ما فيها خناقات وما فيها نزاعات ما لح تكون المدينة يللي بنحلم فيها
رح تكون بلا طعمة وما بنقدر نحس بالشي غير لما نعيش نقيضو ما هيك؟

وبالعكس اهلا وسهلا بالكل وكلنا اخوات حتى لما ما نرغب بانسان برضو الها نكهة انو نلاقيه موجود...
ويقبرني افلاطون حبيبو لقلبي

ويسلمو اممي يا غالي ويللي لفتاتك جد حنونة

[هدوء البحر]

مبروك ل أخوية ومبروك للمنتدى الحلو

[souriana]

للامام اخوية

[shymaa]

akhawia love you
love every one in it

[suryoyo]

كاتب النص الأصلي : وشم الجمال

فيك تقول اخوية حصلت منها على اشيا كتيرة
اهم شي اصدقاء بيجننو
من كل بلد وتفكير بيختلف ويعني كتير تميز والله

تاني شي لما كنت متدايقة بيجي بلاقي مكان فرغ فيه ديقي
لما حس حالي بدي اكتب لاقي مكان اكتب فيه وناس تقراني
لما بدي اشكي لما بدي ارسم بسمة
يعني بصراحة حصلت فيها على حلمي او لقول نموذج مصغر

حكيت عنو مرة مع Suryoyo
وهو انو اتفقنا انو اخوية نموذج مصغر للمدينة الفاضلة يللي بنحلم فيها

اي فعلا .......

أخوية غيرت كثير مفاهيم و ما زالت تغير

و نحو الامام ........... أخوية

[W.E.G.A]

جد يا ترا الي عمل الموقع كان
عم يفكر بهاليوم

??

[Abu ToNi]

لك ايا مليون ايا ليش شو بتعمل المليون بهي الأيام

بيت غرفة وصالون على السطوح ما بتقدر تجيب بمليون عيفها اخوي مسكرة عيفها

سمايلي ابو ريتا

[MadMax]

ع قبال ما يصيروا مليون موضوع
بس ما لازم ننسى النوعية كمان .... لازم نشتغل لتكون كل المشاركات بأخوية ... مشاركات متميزة ...و نقدر نضيف لهالمنتدى شي أكتر من مجرد رقم جديد
مشكور أممي