حرام حرام حرام لا مو حرام

[phoenixbird]

2- زواج المسلمة بغير المسلم باطل
المادة 48 قانون الاحوال الشخصية السورية

الشريعة الاسلامية
لامانع من زواج المسلم بغير المسلمة لكن زواج غير المسلم بمسلمة باطل
ملاجظة: الطوائف ضمن الدين لايوجد اي مانع شرعي للزواج بينها لكن حوادث القتل فيها شائعة والسبب رفض بعض الطوائف لاخرى رغم ان رجال الدين اكدوا شرعيته

الدين المسيحية
لا تقبل الكنيسة الزواج من غير اديان

الطائفة الدرزية
لاتقبل الزواج من غير اديان

لكن المحاكم تقبله في حال غير احد الزوجين دينه ولكن مصيره هو القتل
أحياء مع وقف التنفيذ"عبارة قالتها (س) 40 سنه، لتكثف من خلالها معاناتها منذ غادرت بيت أهلها قبل 14 سنه، لتقترن بشاب من طائفة مختلفة.
تعيش الآن مع زوجها وطفليها بكثير من السرية والحيطة، في حين يعتقد أهلها أنها مسافرة لبلد أجنبي.
تقول:"بالبداية كنت لا اخرج إلا نادراً، ولا ارتاد مناطق أتوقع وجود أهلي او أقاربي بها".
تتابع:" كنت اعرف المخاطر المترتبة على زواجي، لكني لم اعرف بالضبط ماذا سيكون عليه موقف إخوتي الشباب، الخروج على قيم مجتمعٍ بكامله ليس بالأمر السهل، القوانين لا تحميني ولا تحمي عائلتي".
أما (ر) الطالبة الجامعية التي تزوجت بشاب من طائفة أخرى، فقد تعقبها والدها لسنوات بقصد قتلها إلا انه لم يتمكن، يقول ابن عمها(رامز) 40سنه:"تعرفت بالجامعة على شاب من طائفة أخرى، تزوجا و"هربت" معه إلى (حلب) وعاشا وسط بيئة أهل الزوج، لكن والد (ر) وصل إلى العنوان بعد بحث سنوات، لكن زوجها اكتشف الأمر وهدده بمساعدة معارف متنفذين، وجعلوه يعود أدراجه".




او يطلقون



رجل مسيحي تزوج بامرأة مسلمة، دون أن يغير دينه، أنجبا طفلتين، لكن دوائر النفوس الرسمية رفضت أن تسجل الزواج كما رفضت تسجيل الطفلتين أو الاعتراف بهما..!؟ نصحهما قاضٍ بان ترفع الزوجة دعوة على زوجها، تقول فيها إن زوجها خدعها بالقول انه اعتنق الإسلام. وفعلا قامت الزوجة بذلك، فحكمت المحكمة الشرعية بدمشق بفساد الزواج، وليس ببطلانه كي لا يعتبر كل ما نتج عنه باطل، واعترفت بالطفلتين كنتيجة لزواجٍ فاسد، ونُسبتْهما إلى والدهما وجنسيته العربية السورية، لكنها بالمقابل حكمت بانفصال الزوجين فورا..!؟ وبإلحاق الطفلتين بدين أمهما وهو الإسلام لأنه (دين اشرف الأبوين دينا)كما جاء حرفيا بصيغة الحكم".

ولا حتى يرثون

المادة(264) من قانون الأحوال الشخصية(المسيحي لا يرث مسلم والمسلم لا يرث مسيحي).

طيب لو تزوجوا مدني
قانوناً الزواج في سوريا ديني، وبدون وجود قانون مدني غير ديني، لا يمكننا الحديث عن زواج مختلط، قانون الأحوال الشخصية لا يميز فقط بين الرجل والمرأة، بل يميز بين امرأة وأخرى، فالمرأة المسلمة لا تستطيع الزواج من رجل مسيحي، بينما تستطيع المرأة المسيحية أن تتزوج من رجلٍ مسلمٍ، المرأة المسلمة ترث زوجها المسلم، لكن المرأة المسيحية لا ترث زوجها المسلم..!حتى من يتزوجون بالخارج من أجنبيات بعقدٍ مدني فإن المحاكم السورية لا تعترف به، مما يسبب مشاكل ومنازعات، خاصة ما يتعلق منها بحضانة الأولاد والإرث وغيرها، في لبنان أو تونس يعترفون بتلك العقود، وفي سوريا يوجد قوانين للزواج المدني لكنها لا تطبق إلا على الأجانب فقط

اتفاقية سيداو 0مكافحة التمييز ضد المرأة
تعطي نفس الحقوق للرجل والمرأة بالزواج وما يتفرع عنه بصرف النظر عن الدين!


ومع ذلك يقتلون

لكن
شيخ عقل طائفة الموحدين حسين جربوع قال: "نحن كمذهب إسلامي لنا خصوصية، وقد أقرتها النصوص القانونية النافذة، المادة 307 من قانون الأحوال الشخصية تمنع المصاهرة مع الغير، وتعدد الزوجات، وإرجاع المطلقة... نظامنا المقدس عمره أكثر من ألف عام ولا احد مخول بتغيره".
وتابع قائلاً:"من يخرج على المذهب له الحرية لا نلاحقه ولا نعاقبه، نحن ضد القتل إن كان بحالة الزواج من خارج الطائفة أو بغيرها، ولا حتى عن طريق القانون أو عن طريق العشائر، لدينا نصاً شريفاً يقول( القتل لا يستحسنه أحدا إلا إذا كان كافرا) ".
ويرفض جربوع الزواج المدني الاختياري ويعتبره أسلوبا للتفكك الأخلاقي والانحلال.

مفتي الجمهورية الشيخ احمد بدر الدين حسون، فقد أدان الجرائم التي ترتكب بسبب الزواج من خارج الدين، ورفع الغطاء عن مرتكبيها قائلا: "لا تسمح الشريعة بشكل من الأشكال لشخص أن يقيم الحدود الشرعية من خلال نفسه إن كان أباً أو أخاً أو زوجاً أو ابناً، إنما إقامة الحدود من خلال الحاكم".
وطالب وزارة العدل بتشكيل لجنة لتعديل القوانين التي تعفي او تخفف عقوبة القاتل.
وحول حظر زواج المسلمة من مسيحي إلا إذا اشهر إسلامه باعتباره ذميا، قال

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

حسون: "هذه قضية القانون السوري والشريعة وحتى في أوروبا المرأة المسلمة لا تتزوج برجل مسيحي إلا إذا آمن بدينها".


الأب انطون مصلح(رجل دين مسيحي): "نحن ضد القتل إنسانياً ودينياً، وصية الله تعالى تقول:"لا تقتل".الله وحده واهب الحياة ووحده يملك سلطان أخذها".
كما طالب بإلغاء المادة 548 واستنكر جرائم القتل بسبب الزواج المختلط، ودعا إلى: "إلغاء قانون الأحوال الشخصية لتعارضه مع الدستور الذي يضمن المساواة في الحقوق والواجبات للجميع دون أي تمييز لأي سبب كان".


وبعدين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

[بنفسجة]

ولا قبلين
تعاليم الاديان هيك
حبينا نلتزم متل ما بدنا ما حبينا كمان متل مابدنا
يعني الكلام يلي انعرض صحيح
وهي واقع وسنة الحياة

[phoenixbird]

تعاليم الاديان على عيني
بس قلك ياها حكي رجال الدين وخصوصا هاليومين مو على عيني
وقت يصير في قتل بالموضوع بيصير في تفكير ثاني

[امرأة من ورق]

كاتب النص الأصلي : بنفسجة

ولا قبلين
تعاليم الاديان هيك
حبينا نلتزم متل ما بدنا ما حبينا كمان متل مابدنا
يعني الكلام يلي انعرض صحيح
وهي واقع وسنة الحياة

هلأ الكلام اللي انعرض بسياق الموضوع بتعارض كتير مع الجملة اللي كتبتيها ولونتها بالاحمر لانو الموضوع عم يعرض كيف انو القانون ورجال الدين عم يفرضو عالانسان انو يلتزم بتعاليم الاديان حتى لو هوي رافضها..... يعني بكلمة تانية ماضل في حرية اختيار لانو اذا اخترتي عدم الالتزام فيها رح تتعرضي لقتل او لمشاكل قانونية كتير منها عدم تسجيل الزواج وعدم تسجيل الاطفال بشكل نظامي

وانا برأيي لازم يكون في قانون الزواج المدني لأنو هوي اللي بيعطي الانسان حرية الاختيار ووقتها اللي بدو يتزوج من غير طائفة ويسجل زواجه كزواج مدني الو الحرية واللي بدو ياخد من نفس الطائفة ويعمل زواج ديني كمان الو حرية

وشكرا كنان عالموضوع المهم

[Willi]

الدستور السوري كلو اشة لفة, بدو تمحيص واعادة سن من اول وجديد ليتناسب مع دولة علمانية. بس مع الاسف ما بظن انو المسؤولين قادرين انو يسنوه بطريقة صحيحة.
بس يصير هالشي, ما عاد حدا بيسترجي يفتح تمو

[phoenixbird]

اهلا عزيزتي
هلا خليني قلك على شي طالما انو سوريا بلد علماني وبعيد عن الطائفية
وبما انو تعريف الدين هو العلاقة الشخصية بين الانسان وربه
يبقى الو الحرية لو بدو يتزوج من طائفته او من اي طائفة ثانية

[phoenixbird]

كاتب النص الأصلي : Willi

الدستور السوري كلو اشة لفة, بدو تمحيص واعادة سن من اول وجديد ليتناسب مع دولة علمانية. بس مع الاسف ما بظن انو المسؤولين قادرين انو يسنوه بطريقة صحيحة.
بس يصير هالشي, ما عاد حدا بيسترجي يفتح تمو

هلا عمي عم نحكي عن موضوع تاني مو بالدستور كله

[امرأة من ورق]

كاتب النص الأصلي : كنان2006

اهلا عزيزتي
هلا خليني قلك على شي طالما انو سوريا بلد علماني وبعيد عن الطائفية
وبما انو تعريف الدين هو العلاقة الشخصية بين الانسان وربه
يبقى الو الحرية لو بدو يتزوج من طائفته او من اي طائفة ثانية

هوي انا غلطت بالتعبير كان بدي قول يتزوج من دين تاني ومو من طائفة تانية..... لانو صح انو الشخص بسوريا الو الحرية يتزوج من طائفة تانية بس ماالو حق يتزوج من دين تاني بمعنى انو المسلمة مافيها تتزوج مسيحي وهاد بيتعارض مع العلمانية ولهي عم قول الزواج المدني بيحل هيك مشاكل

[BL@CK]

هلأ كـ زوواج بين طرفين مختلفي الأديان أو مختلفي الطوائف . يعني مشكلة قديمة ..

بيخطر في مخي مشكلة أعقد إذا طرف من الطرفين - لاديني أو ملحد - أو كلا الطرفين ..

الزواج كيف رح يكون باعتبار ما في قوانين للزواج المدني , الميراث , دين الأولاد , إلخ

معقدة .

[Willi]

اي بعرف, بس هدول القوانين موجودين بالدستور.
وهالقوانين بتسمح لاي شخص انو يمر من حواليها, يعني يعمل عملتو ويهرب من العقوبة.

لازم قوانين الدولة ما تكون الها علاقة بالاديان. هاي اسس الدولة العلمانية.
متل ما قلت بردي السابق اذا الدولة بتحط قوانين واضحة بتعاقب اللي بيقتل لهيك اسباب, هالشي بقل كتير وما منسمع فيه. وبتكون حطت حل لهلشغلة. وشوي ورا شوي الكنيسة, والجامع بصيرو بيتقبلو الموضوع.

من شهر تقريبا حضرت عرس هون باميركا, لواحد مسيحي ووحدة مسلمة.
كان العرس بالكنيسة. بعدين راحو على حفلة العرس اجا شيخ وصلى عالعروسين.
ليش هدول التنين تقبلو الموضوع؟

[phoenixbird]

كاتب النص الأصلي : امرأة من ورق

هوي انا غلطت بالتعبير كان بدي قول يتزوج من دين تاني ومو من طائفة تانية..... لانو صح انو الشخص بسوريا الو الحرية يتزوج من طائفة تانية بس ماالو حق يتزوج من دين تاني بمعنى انو المسلمة مافيها تتزوج مسيحي وهاد بيتعارض مع العلمانية ولهي عم قول الزواج المدني بيحل هيك مشاكل

وانا هاد قصدي

كاتب النص الأصلي : BL@CK

هلأ كـ زوواج بين طرفين مختلفي الأديان أو مختلفي الطوائف . يعني مشكلة قديمة ..

بيخطر في مخي مشكلة أعقد إذا طرف من الطرفين - لاديني أو ملحد - أو كلا الطرفين ..

الزواج كيف رح يكون باعتبار ما في قوانين للزواج المدني , الميراث , دين الأولاد , إلخ

معقدة .

هلا هون بيرجعوا للهوية وشو مكتوب بخانة الدين وبين بعضون مو مشكلة بس العلة من المعقدين اللي بعيلة كل منون والفتاوى اللي بتطلع وقتا

كاتب النص الأصلي : Willi

اي بعرف, بس هدول القوانين موجودين بالدستور.
وهالقوانين بتسمح لاي شخص انو يمر من حواليها, يعني يعمل عملتو ويهرب من العقوبة.

لازم قوانين الدولة ما تكون الها علاقة بالاديان. هاي اسس الدولة العلمانية.
متل ما قلت بردي السابق اذا الدولة بتحط قوانين واضحة بتعاقب اللي بيقتل لهيك اسباب, هالشي بقل كتير وما منسمع فيه. وبتكون حطت حل لهلشغلة. وشوي ورا شوي الكنيسة, والجامع بصيرو بيتقبلو الموضوع.

من شهر تقريبا حضرت عرس هون باميركا, لواحد مسيحي ووحدة مسلمة.
كان العرس بالكنيسة. بعدين راحو على حفلة العرس اجا شيخ وصلى عالعروسين.
ليش هدول التنين تقبلو الموضوع؟

لانو قوانين اميركا غير قوانين بالمناسبة تونس وتركيا هني الوحيدين اللي معتمدين الزواج المدني بلشرق الاوسط

[Willi]

تماما هاد اللي قصدتو بردي الاول

[ظل جيفارا]

هلأ الكلام اللي انعرض بسياق الموضوع بتعارض كتير مع الجملة اللي كتبتيها ولونتها بالاحمر لانو الموضوع عم يعرض كيف انو القانون ورجال الدين عم يفرضو عالانسان انو يلتزم بتعاليم الاديان حتى لو هوي رافضها..... يعني بكلمة تانية ماضل في حرية اختيار لانو اذا اخترتي عدم الالتزام فيها رح تتعرضي لقتل او لمشاكل قانونية كتير منها عدم تسجيل الزواج وعدم تسجيل الاطفال بشكل نظامي

اانا قبل ما علق على الموضوع بدي علق على كلام الأخت المناضلة بنفسجة انو انا ما حبيت إلتزم بتعاليم الأديان اوكي افترضي انو انا بنت مسلمة وما بدي التزم بتعاليم الدين وبدي اتزوج شب مسيحي مين خصه فيني مو " الله هو اللي بيحرقني وبيعملني كباب مشوي " ف شو علاقة الدستور لكن
وهذا غير انو لحنا ع اساس بدولة علمانية تحترم مواطنيها وحرية الرأي مصانة
حالة
برجع بسأل نفس السؤال
وبعدين ؟؟؟؟؟؟؟؟؟؟؟؟؟؟؟؟؟؟؟

[بنفسجة]

كاتب النص الأصلي : امرأة من ورق

هلأ الكلام اللي انعرض بسياق الموضوع بتعارض كتير مع الجملة اللي كتبتيها ولونتها بالاحمر لانو الموضوع عم يعرض كيف انو القانون ورجال الدين عم يفرضو عالانسان انو يلتزم بتعاليم الاديان حتى لو هوي رافضها..... يعني بكلمة تانية ماضل في حرية اختيار لانو اذا اخترتي عدم الالتزام فيها رح تتعرضي لقتل او لمشاكل قانونية كتير منها عدم تسجيل الزواج وعدم تسجيل الاطفال بشكل نظامي

وانا برأيي لازم يكون في قانون الزواج المدني لأنو هوي اللي بيعطي الانسان حرية الاختيار ووقتها اللي بدو يتزوج من غير طائفة ويسجل زواجه كزواج مدني الو الحرية واللي بدو ياخد من نفس الطائفة ويعمل زواج ديني كمان الو حرية

وشكرا كنان عالموضوع المهم

لما الانسان بيكون مقتنع بشي رح ينفذو حتى لو ما عجب رجال الدين
يعني في كتير من حالات الزواج التي لا يقر بها الدين حدثت وكتير منها ناجح رغم انف من يسمون انفسهم رجال دين
وانا معك بنقطة المشاكل والتار وما بعرف شو لكن الموضوع متعلق ايضا بمن حولك يعني الناس يلي حولينا كتير منون متعصب لفكرة عدم التزاوج بين الاديان ومن هون بتجي المشاكل مش من القانون لان القانون ما بيحرم الموضوع انما العقلية السائدة في المجتمع

[بنفسجة]

كاتب النص الأصلي : ظل جيفارا

اانا قبل ما علق على الموضوع بدي علق على كلام الأخت المناضلة بنفسجة انو انا ما حبيت إلتزم بتعاليم الأديان اوكي افترضي انو انا بنت مسلمة وما بدي التزم بتعاليم الدين وبدي اتزوج شب مسيحي مين خصه فيني مو " الله هو اللي بيحرقني وبيعملني كباب مشوي " ف شو علاقة الدستور لكن
وهذا غير انو لحنا ع اساس بدولة علمانية تحترم مواطنيها وحرية الرأي مصانة
حالة
برجع بسأل نفس السؤال
وبعدين ؟؟؟؟؟؟؟؟؟؟؟؟؟؟؟؟؟؟؟

يا اخي انا معك بكل كلمة قلتها ومين قلك اني اوافق على كل ما جاء من قبل الاديان والتزم بها في قواعد اساسية احترمها فعلا وفي اشياء مش مضطرة اتقيد فيا
شوف الرد السابق يمكن تفهم عليي

[ظل جيفارا]

لان القانون ما بيحرم الموضوع

الموضوع كله بيفرجيكي وين القانون بيحرم الموضوع
بتوقع لازم تقرأيه من جديد

[بنفسجة]

كاتب النص الأصلي : كنان2006

تعاليم الاديان على عيني
بس قلك ياها حكي رجال الدين وخصوصا هاليومين مو على عيني
وقت يصير في قتل بالموضوع بيصير في تفكير ثاني

[امرأة من ورق]

كاتب النص الأصلي : بنفسجة

وانا معك بنقطة المشاكل والتار وما بعرف شو لكن الموضوع متعلق ايضا بمن حولك يعني الناس يلي حولينا كتير منون متعصب لفكرة عدم التزاوج بين الاديان ومن هون بتجي المشاكل مش من القانون لان القانون ما بيحرم الموضوع انما العقلية السائدة في المجتمع

مابعرف بس متل مو انا شايفة على ارض الواقع ومتل مو مطروح بالموضوع القانون بيحرم هالشي لانو في كتير زيجات ماعم يتم الاعتراف فيها او حتى بيتم فسخها وبيصير مشاكل بخصوص تسجيل الاطفال وبتكون المشكلة الوحيدة هيي فرق الدين بين الزوجين وبالتالي القانون عم يحرمها

وبالنسبة للرفض الاجتماعي فهاد موجود بس برأيي لما بيتعدل القانون رح يصير القانون بيحمي الناس وبالتالي شوي شوي رح يتسبب بانو الناس يصيرو يتقبلو هيك فكرة وشوي شوي بيقل الرفض الها او عالاقل بيصير اللي بيرفض هالشي بيرفضو بينو وبين حاله ومابيحقلو يتدخل بحياة الاخرين اللي مقتنعين باختلاط الزواج