شو موضوع اللي اعدمون بـ حلب

[Barleb]

لك من فترة سمعنا شنقو 5 بـ باب الفرج .. و أول مبارح تلاتة ..

شو وضعون هدول ؟

و سمعت أنو شباب صغار أكبر واحد فين مواليد 1986 و بيناتون واحد مواليد 1991

شو يا جماعة .. صرنا بشيكاغو ليكون ؟

[yass]

في مشاكل بالبلد منها أزمة العراقيين و منها الغلاء و منها الفساد ...الخ

اعدام هالناس صاير الو سببين: الأول اعطاء الدولة هيبة لا تمتلكها. و الثاني امتاع الرعاع الساديين المتعطشين لمنظر الدم و الموت... يللي ما شالله كتار بالبلد



أنا هيك رأيي

[Barleb]

لك الشباب صارلون قترة ضابعين حلب .. بتقلي متعطشين للدم و هيبة دولة

[Reemi]

شوف هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[yass]

انت مو عم تسأل آراء؟ عطيتك رأي... اذا ما بدك ياه يبقى مرة تانية لا تخليني أ علق على المواضيع منشان ما نتعب بعض....

عالهامش سؤال هيك عالسريع: نمير الأسد مسجون شي؟؟؟

[Barleb]

شكون يابا .. تاريك تزعل بسرعة .. اي انا ما طلب رأي .. انا حبيت بس افهم القصة ..

و بخصوص نمير الأسد .. لا اخي مانو مسجون ..

[yass]

أي لا تواخذنا, و آسف للازعاج

[Barleb]

ولا يهمك حبيب .. بعدين أنت محسوب عـ الغوالي

[phoenixbird]

للحذف موهون محله

[BL@CK]

خمس شباب مشكلين فرار من خدمة جيب الضابط عفوا ً خدمة العلم ..

قامو بأكثر من جريمة ..

تحكامو بمحكمة عسكرية و قررت المحكمة إعدامون بساحة عامة ..

أما أنو عدمو تلاتة تانين و مدري شو ف هي إشاعات ..

[صياد الطيور]

يا شباب الحكي يمين و شمال ما ألو أي فائدة ولا أي معنى
و الي ما نو متأكد من المعلومة لا يحكيها


اللكل متهمين جرائم قتل و سلب و في برقبتهم عدد من القتلى الحلبية و كل حلب عم تحكي بقصتهم و بالرعب الي ساووه بحلب
شو منتظرين يعطوهم وسام الجمهورية ؟.

عالهامش سؤال هيك عالسريع: نمير الأسد مسجون شي؟؟؟

بعرفك منطقي بلامك ... شو دخل نمير الأسد بهالحديث ؟
هداك سرق و نهب بنك ... الشلة الي فوق قتلت و دبحت ..

و ضيف عليها ألك وللي قلك أنو نمير مو بالسجن .. نمير انسجن و تصادرت أموالو كمان

[yass]

نمير الأسد قتل عنصر من سرية حفظ النظام لما عملوا كمين مشان يحرروا واحد من رجالو اللي انكمشو... طبعا كالعادة ما قدرو يثبتو شي عليه... كمان واحد من وسخاتو بالرقة من عائلة ف***** انقتل و انقال انو قتلوه لأنو مد ايدو عالغلّة

سؤالي كان على قولة بارليب انو هدول ضبعو حلب, نمير الأسد كمان ما قصّر يعني, ما عم طالب باعدامو بس الخيار و الفقوس هيك عينك عينك مو حلو.... مشان سمعة البلد

[dajon1976]

صديقي ياس
لو كان حدا من أقربائك(لا قدر الله) ضحية لهل القتلة ما كنت حكيت(ما عم نظر بعرف قريب لتاجر الدهب اللي ذبحوه).
نمير بالسجن خود كلامي ثقة
سلام

[Roaa]

شو موضوع اللي اعدمون بـ حلب

....

[MadMax]

كاتب النص الأصلي : Barleb

و بيناتون واحد مواليد 1991

هاد يعتبر حدَث ........ كيف عدموه ..؟؟

[Reemi]

كاتب النص الأصلي : Madmax

هاد يعتبر حدَث ........ كيف عدموه ..؟؟

اي اي حدث ... بعمرو ... بس لما بيقتل 12 واحد شو؟

[MadMax]

كاتب النص الأصلي : Reemi

اي اي حدث ... بعمرو ... بس لما بيقتل 12 واحد شو؟

بس القانون ........ بيمنع اعدام الحدَث

[Reemi]

كاتب النص الأصلي : Reemi

شوف هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما عدموه

وأدانت المحكمة ومقرها دمشق كلاً من "رضوان حسن محمد" و "خيرو خليف الفارس" الأول بجناية القتل المشدد الواقع أكثر من شخص (ثمانية أشخاص ) تمهيداً لجناية السلب بالعنف والثاني بجرم التدخل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

في النصف الأول من شهر حزيران الفائت وحكمت عليهما بالعقوبة القصوى وهي الإعدام ، في حين لم تحكم على شريكهم الثالث "نايف محمد النايف" تولد 1991حسب بطاقته الشخصية،وسيحاكم أمام محكمة الأحداث المختصة.