ممثل الرقابة السورية عمار أحمد حامد يتحول إلى " ملطشة " و " كراكوز " سخرية في بيروت

[فاوست]

ممثل الرقابة السورية عمار أحمد حامد يتحول إلى " ملطشة " و " كراكوز " سخرية في مؤتمر ثقافي ببيروت :
عمار أحمد حامد : المبدع السوري حر ولا يعاني من أية قيود !
بيار أبي صعب : " إذا هيك ، سلم لي كتير على ميشيل كيلو وباقي المعتقلين في سوريا"!
تحول الكاتب والناقد السوري عمار أحمد حامد إلى " ملطشة " للكتاب والفنانين في مؤتمر نظمه معهد " غوتة " الألماني في بيروت . وقال مصدر لـ " الحقيقة " حضر المؤتمر الذي كرس لـ " الفن في ميزان الحرية " إن "القصة" بدأت حين تحدث عمار أحمد أحمد ، ممثل الرقابة السورية ، عن " الحرية التي ينعم بها المبدع في سوريا " ، وعن أنه " كان خائفا من القدوم إلى بيروت ، مؤكدا على أن المبدع السوري يعيش أجواء حرية قل نظيرها ، وهو لا يعاني أي قيود رقابية من السلطة " . وأضاف المصدر " ما إن تلفظ عمار أحمد حامد بهذه العبارة حتى انفجرت القاعة بالضحك ، وكان من بين الساخرين الفنان السوري جهاد سعد نفسه ، الذي لم يتمالك نفسه من الضحك مثل البقية رغم أنه أحد فناني النظام السوري ، وأحد موظفي مؤسساته الثقافية والإعلامية ذوي الحظوة" . أما رئيس القسم الثقافي في صحيفة " الأخبار " اللبنانية فاغتنم الفرصة بعد هدوء عاصفة الضحك وتوجه إلى عمار أحمد حامد بالقول " إذا هيك ، تبقى سلـّملي كتير على ميشيل كيلو وكل المعتقلين الباقيين في سوريا " !
ومن حسن حظ بيار أبي صعب أنه يعمل في جريدة " الأخبار" وإلا لكانت صحف السلطة ، ومعها " شام برس" خرجت صباح اليوم بالبنط العريض للتشهير بـ " الجنبلاطي العفن بيار أبي صعب .. عميل فيلتمان وميلس والحريري وسمير جعجع " !
بتستاهل يا عمار أحمد حامد ، يلي بيشتغل هرواة بإيد هيك نظام ، الله لا يخفف عنو !

[phoenixbird]

يعني معه حق
بس شو دخل الابداع والفن بميشيل كيلو ؟
اي من وين لوين
هاد فن وهداك سياسية

[فاوست]

هاد فن وهداك سياسية

بذمتك كم كتاب قاري لميشيل كيلو حتى عم تحكم روح أقرأ بعدين تعال احكي
يا حبيبي الزلمة إلو ترجمات ومؤلفات لكتب كثيرة
مثل ألهة التاريخ عند اليونايينبعض أهم كتب الفكر السياسي المعاصر من الألمانية إلى العربية ، لعل أهمها كتاب " الإمبريالية وإعادة الإنتاج التابع " الصادر عن وزارة الثقافة السورية في العام 1986
"كتاب الدار الكبيرة"، و"لغة السياسة" و"كذلك الوعي الاجتماعي".
عل كل في غير ميشيل كليو الكثيرين من الكتاب السوريين وهم إما معتقلين او منفيين

[phoenixbird]

بعرف منيح بس عم نحكي فن فن فن يعني تشكيل مسرح سينما موسيقى ادب

مو فكر ولا سياسة

عالهامش ميشيل بعرفه بس مش قاريله ولا كتاب

[yass]

مخرج مبدع متل عمر أميرالاي تركعله نص أوروبا و هون ملاحق

[phoenixbird]

ومن هاد؟عمر اميرلاي

[yass]

كاتب النص الأصلي : phoenixbird

ومن هاد؟عمر اميرلاي

مخرج سينمائي سوري من الطراز الأول حائز على كم هائل من الجوائز العالمية و منها سعفة كان للأفلام الوثائقية. فيلمه الأخير (طوفان في بلد البعث) أحدث ضجّة كبيرة أدت الى منعه من السفر و اعتقاله. لأول مرّة في تاريخ سوريا أدى اعتقال شخص الى استنكار كبير في الوسط الصحفي و الثقافي و حتى توقيع عريضة تطالب باطلاق سراحه قام بتنظيمها حسن م يوسف الغني عن التعريف.. و هو من الموقعين على اعلان دمشق-بيروت.

عمر أميرلاي معروف في سوريا من قبل الأجهزة الأمنية فقط و من المستحيل الحصول على افلامه بينما من السهل ايجاد أفلامه في كليات الاعلام و الاخراج السينمائي في أغلب الجامعات الأوربية

[phoenixbird]

رح حاول لاقي شي اله وشوفه

بس اوكي ما فيني عمم بس على هاد المخرج لسا محمد الماغوط وعبد السلام العجيلي ووليد قارصلي و تيسير ادريس وفايز قزق وامل عمران ونائلة الاطرش وغيرون كتييييييييييييييييير

بس السؤال اللي بيطرح نفسه حرية شو بالفن ؟

[yass]

على عيني الكل ما عدا واحد.. و لا واحد من هدول تجاوز حدوده أبدا ليكون عندو مشاكل مع النظام... حتى أبو شام رغم كل شي ما تجاوز حدود معينة, أو عالأقل عالمكشوف

[phoenixbird]

من هاد ابو شام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟

طيب ليش الواحد ليتجاوز حدوده

الي 4 سنين بالمسرح والسينما ما اتعرضت لاشكالات ابدا بس صار معي شغلة ببقى بحكيها بعد شوب\ي

[أب سمرة]

بس السؤال اللي بيطرح نفسه حرية شو بالفن ؟[/quote]


__________________________________________________ _____________________

حرية التعبير وطريقة طرح الموضوع او الفكرة .... بشتى انواع الفن حتى لو كانت لوحة رسم .

لانو الفن عليه اقتبال جماهيري بشتى المستويات التعليمية ومن السهل توصيل الفكرة للجمهور .

ولهيك الفن هو اصلح و اقوى من يملك الحرية .

[yass]

عن جد عم تسألني مين أبو شام؟؟؟ الله يسامحك.

أبو شام هو محمد الماغوط

أخي الرقابة حديدية... انت يجوز ما تعرضت لمضايقات لكن صدّق من تجاوزت حدودك راح يوصلهون خبر للشباب الطيبة... نحن عايشين ببلد البيغ بروذر, العين التي ترى كل شيء... كلو مراقب بهالبلد ما عدا صفقات الحرامية

[sezar]

مخرج مبدع متل عمر أميرالاي تركعله نص أوروبا و هون ملاحق

عمر أميرلاي ..
قام بعمل مخجل فعلا ..
فتصوير مدرسة في قرية نائية في آخر الأرض السورية .. على أنها التعليم في سوريا .. و هذه سوريا .. و .. و
و يشارك بها في مهرجانات خارجية .. فهذه ليست الا تشويه لصورة سوريا ..

[yass]

كاتب النص الأصلي : sezar

عمر أميرلاي ..
قام بعمل مخجل فعلا ..
فتصوير مدرسة في قرية نائية في آخر الأرض السورية .. على أنها التعليم في سوريا .. و هذه سوريا .. و .. و
و يشارك بها في مهرجانات خارجية .. فهذه ليست الا تشويه لصورة سوريا ..

ليش بآخر أرض سوريا؟؟؟ صوّر بقرية جنب الطبقة (الثورة )على بحيرة الأسد. هاي مو سوريا يعني؟؟ يا شباب و الله العظيم الرقة موجودة بسوريا.. بعدين نفس الواقع للي صوره موجود ب 90 بالمية من المنطقة الشرقية (كبير الضيعة شيخ عشيرة عضو بمجلس الشعب و أخوه هو أمين شعبة الحزب و مدير المدرسة بنفس الوقت و نتيناتهون أغبى من بعض... يعني كليشة رقاوية بامتياز).

لما كنت بالثانوي كان استاذ الديانة هو أمين الفرقة الحزبية و رئيس اللجنة النقابية و شيخ جامع بنفس الوقت... و درست بمركز محافظة و بمدرسة مقابيل قصر المحافظ.. ما درست بآخر سوريا على رأيك حج سيزار

[phoenixbird]

طلعنا برا السيرة

[فاوست]

عمر أميرلاي ..
قام بعمل مخجل فعلا ..
فتصوير مدرسة في قرية نائية في آخر الأرض السورية .. على أنها التعليم في سوريا .. و هذه سوريا .. و .. و
و يشارك بها في مهرجانات خارجية .. فهذه ليست الا تشويه لصورة سوريا ..

وفي حال اندرج عمل أمير لاي بأنه تشويه لصورة سوريا بفهم انك كنت مع فكرة اعتقالو ومنعوا من بعدها من السفر؟ لأنو موضوعنا كان عن القمع للإبداع والمدبعين في سوريا

هل الرقة خارج الخارطة السورية أليست غالبية المحافظات السورية مثل الرقة نوعاً بل يوجد ماهو أسوأ بالمستوى الخدمي
لاتروح لبعيد بالشام بمناطق تهر عيشة والأحدعشرية وحتى بكفرسوسة مهايني أخر كفرسوسة
والمحمدية وحمورية وإلخ هدول ياصديقي حالهم وحال مدارسهم والخدمات مثل حال منطقة تصوير عمر أمير لاي للفيلم

طيب رحت شي مرة على الحسينية شفت الطوفانات تبع المجارير بالشتوية يعني لو صور عمر أمير لاي طلاب المدارس وهنن عم يسبحو إلا شوي بمياه المجارير ليوصلو إلى مدارسهم والحسينية على طريق المطار يعني قريبة جدا جدا من مركز المدينة بالنسبة للرقة!!!!!
شو كنا قلنالوا للزلمة كمان عم يشوه صورة البلد!!
بلعكس أنا أعجبت بهذا الرجل اكثر بعد تصويروا لفيلم "طوفان في بلاد البعث"لأنو عطى صورة دون تجميل صور الواقع يلي بعيشو غالبية الشعب السوري

يعني ما بعرف ياسيزار إذا انت سيزار يلي منعرفوا إذا كان عمر أمير لاي لازم يروح على مدرسة الشويفات تبع رامي مخلوف ليصور فيلمه ويسميه ساعتها "بزخان من (بزخ)في بلاد النهب)

شكرا على مرورك