لما نصير بني آدمين ..

[Nirvana]

كيف بدنا نصير بني آدمين .. اذا كنا بكل مكان من هالدول العربية ما بنعرف غير الانشقاق والفتن ويا ريت على شي محرز؟


يعني.. في لبنان كل المسؤولين وأصحاب السلطة عم بوعو الناس من أنو تصير فتن مرة تانية بالبلد أكتر من أي شي تاني ...(مسيحية .. سنة ...شيعة).

في العراق ... الفتن شغالة وفي حرب أهلية مع انو الكل لسه عم ينكر هالشي.. لكن كلو صار واضع .. مية ملة ( شيعة .. سنة .. وأكراد .. وما بعرف شو)

في مصر " على مستوى الكنيسة القبطية" ظهر كاهن منشق عن البابا شنودة وبدو يعمل كنيسة لحالو ..

في الأردن عنا .. شغالة ( مسلم - مسيحي ... أردني - فلسطيني .. أهل الشمال - أهل الجنوب ) .. يعني على ودنو ..

وفي بقية الدول العربية هالعنصرية شغالة عالداخل .. يعني اجتماعياً.. وأحياناً بتطلع لبرا تفضح ..

اللي بدي أوصل إلو :

كيف أمة مقسمة أو دول ممزقة من الداخل بدها توحد صفها لتحقق شي أو تتحرر؟..

خليها بالأول تحرر حالها من جوا من قيود العنصرية والتمييز .. بعدين ممكن تقدر تعمل شي باللي برا ..

[TheLight]

على كل حال انتي كفيتي ووفيتي وانا ا بعرف شو بدي علق
بس الموضوع صحيح
وانابشوف انو لنخلص منو لازم يصير فينا متل اوروبا
يعني شي حربين عالميتين يموتو فيها نص البشر
ع كم حرب دينية طائفية
خلي البشر بعدها تفهم انو لا الدين بيفيد ولا تعزيز الشعوبية بفيد كمان
بس الحود الله ما راح يضل معنا وقت نعمل هيك حروب لانو اسرائيل بدها تدعس ع راسنا قبل
بقى المشكلة ازلية وما راح تنحل

[Nirvana]

كاتب النص الأصلي : TheLight

على كل حال انتي كفيتي ووفيتي وانا ا بعرف شو بدي علق
بس الموضوع صحيح
وانابشوف انو لنخلص منو لازم يصير فينا متل اوروبا
يعني شي حربين عالميتين يموتو فيها نص البشر
ع كم حرب دينية طائفية
خلي البشر بعدها تفهم انو لا الدين بيفيد ولا تعزيز الشعوبية بفيد كمان
بس الحود الله ما راح يضل معنا وقت نعمل هيك حروب لانو اسرائيل بدها تدعس ع راسنا قبل
بقى المشكلة ازلية وما راح تنحل

كتر خيرك .. سكرتها بوجهي ..

بس معك حق .. هاي المشكلة بالصميم .. صعب استئصالها إلا بمشرط جراح متل اسرائيل وغيرها.

[TheLight]

كاتب النص الأصلي : Nirvana

كتر خيرك .. سكرتها بوجهي ..

بس معك حق .. هاي المشكلة بالصميم .. صعب استئصالها إلا بمشرط جراح متل اسرائيل وغيرها.

انا ما سكرتها بوجهك
هي الحقيقة
يعني شوفي اوروبا وشو يللي خلاها تتحول؟؟؟
المنطقة ما عاد تترتب الا ما تولع كلها وتترمد وبعدها تترجع تتعمر (ويتعمر الانسان قبل الحجر)

[Nirvana]

كاتب النص الأصلي : TheLight

انا ما سكرتها بوجهك
هي الحقيقة
يعني شوفي اوروبا وشو يللي خلاها تتحول؟؟؟
المنطقة ما عاد تترتب الا ما تولع كلها وتترمد وبعدها تترجع تتعمر (ويتعمر الانسان قبل الحجر)

كلامك على العين والراس.. (يتعمر الانسان قبل الحجر)

شو بدي قلك ..
آخ يا عرب..

[me2]

أنا كنت ب سويسرا من كم يوم ... في مدنية قد اللاذقية اسمها بيرن .. و في مدينة اسمها زيوريخ و في مدينة اسمها جنيف .. مقدمة لابد منها ..

بكل مدينة تقريبا في لغة غير التانية ... سويسرا من أصغر دول العالم ...في ناس بيحكو ألماني و ناس ايطالي وناس فرنسي .. مع اللغة بيجي ثقافات مختلفة و تاريخ مختلف ..

مع كل هالاختلاف سويسرا موحدة .. أصلا مو محرزة ينقال عنها موحدة .. كلها قد الكمشة .. بس تعال على الاقتصاد و الحضارة و الثقل العالمي .. بتلاقي سويسرا أهم بكتير من كتير دول.

الخلاصة : الأهم هو ارادة العيش المشترك .. لا التاريخ "المجيد" المشترك و لا الحاضر " المشرف" ولا بقايا اللغة ...

صار لازم نقتنع بانو العروبة فكرة استعمارية " حسب نظرية المؤامرة" .. وصار لازم نفكر بمصالحنا المشتركة وارادتنا بالتشارك بالمصالح دون التغني و التباكي بأمجاد كلها كذب ودجل و دس.

[Nirvana]

كاتب النص الأصلي : me2

ارادة العيش المشترك

المشكلة الناس همها لقمة العيش والآخرة .. لا همها وطن ولا عيش مشترك ولا حضارة ..

همها تاكل وتشرب وتنام وما بعدي الطوفان ..

وسويسرا تعقيباً لكلامك .. أكتر الدول حيادية ..يعني مو بس ما في تمييز بالداخل .. ايه حتى بالخارج .. !!!

[KONAN]

العنصرية موجودة بكل مكان مو بس عند العرب...و زي ما حكيتوا الحل ببدا من جواتنا...
و آآآآخ يا عرب

[me2]

كاتب النص الأصلي : Nirvana

المشكلة الناس همها لقمة العيش والآخرة .. لا همها وطن ولا عيش مشترك ولا حضارة ..

همها تاكل وتشرب وتنام وما بعدي الطوفان ..

وسويسرا تعقيباً لكلامك .. أكتر الدول حيادية ..يعني مو بس ما في تمييز بالداخل .. ايه حتى بالخارج .. !!!

أي أنا عم بحكي على لقمة العيش ..

شو المانع نتقاسم لقمة العيش ؟؟ المانع هو الجشع , مو ؟

[me2]

كاتب النص الأصلي : Nirvana

المشكلة الناس همها لقمة العيش والآخرة .. لا همها وطن ولا عيش مشترك ولا حضارة ..

همها تاكل وتشرب وتنام وما بعدي الطوفان ..

وسويسرا تعقيباً لكلامك .. أكتر الدول حيادية ..يعني مو بس ما في تمييز بالداخل .. ايه حتى بالخارج .. !!!

اللي بيدورو على لقمة العيش مو هنن اللي بيقررو "اردادة العيش المشترك" اذا عم مندور على حل و على أسباب الضعف و الهوان لازم نفهم أنو الدنيا و الحياة أدوار ... دور التغيير الايجابي مو على عاتق اللي مو ملاقي ياكول ..

[Nirvana]

كاتب النص الأصلي : KONAN

العنصرية موجودة بكل مكان مو بس عند العرب...و زي ما حكيتوا الحل ببدا من جواتنا...
و آآآآخ يا عرب

رح أضرب مثل .. أميركا اللي كان فيها أبشع آثار التمييز العنصري .. ولسه آثارو لهلق.. بس بتلاقي هناك عيش مشترك وتوحد صف .. ولا صارت فتن ولا ما يحزنون.

[MR.SAMO]

العلمانية هيي الحل الاشمل والافضل للشعوب العربية مساواة كل انسان مع التاني
لادين ولاطائفة وجنوب ولاشمال كله بالعلمانية واحد
تحياتي

[فلاش باك]

كاتب النص الأصلي : Nirvana

رح أضرب مثل .. أميركا اللي كان فيها أبشع آثار التمييز العنصري .. ولسه آثارو لهلق.. بس بتلاقي هناك عيش مشترك وتوحد صف .. ولا صارت فتن ولا ما يحزنون.

بس هونيك وبأوربا دفعو ا دم وسنين وأيام حتى وصلو ا لهون

[oliver68]

معك حق نيرفانا، كل شي حكيتي صح، بعدين لاتنسي إنو الحكام العرب بهمن يضل الوضع هيك، مشان اسرائيل اللي حطتن عالحكم تضل مسيطرة عالعرب، ما سامعة بالمثل اللي بقول فرق تسد؟؟؟
بعدين اللي حكاه كونان صح، و تأكيدا لكلامو، من كام يوم شفت عالmbc4 برنامج 20/20 و كان موضوعو عن الفرقة بالشعب الأميركي، بس مو تفرقة عنصرية(أبيض و أسود و هندي...) لأ، بس تفرقة بالحزب، قالوا إنو من شي 30 سنة كان بالمنطقة الوحدة الفرق بالأصوات قليل، بس هلأ الفرق بالأصوات زاد، يعني صارت المناطق شبه مقسمة، بتلاقي الأغلبية جمهوريين أو ديمقراطيين، مافي توزيع وسط، فكمان عندن عمبصير تمييز، بس الفرق بينا و بينن، إنو هنن عمبحاربو هالشي، و بحاربو من أولو، نحنا لأ، منوقف مع اللي من ملتنا و مننسا الباقي، لأن هيك انزرع فينا، هالأصوات اللي عمبتنادي للعدل، أصوات قليلة و لا يمكن تنسمع بالميمعة العنصرية تبع الشعب العربي، فالمفروض الأجيال الجديدة هيي اللي تغير.

[Nirvana]

كاتب النص الأصلي : me2

اللي بيدورو على لقمة العيش مو هنن اللي بيقررو "اردادة العيش المشترك" اذا عم مندور على حل و على أسباب الضعف و الهوان لازم نفهم أنو الدنيا و الحياة أدوار ... دور التغيير الايجابي مو على عاتق اللي مو ملاقي ياكول ..

أنا برايي أنو العيش المشترك بيعتمد على حكومة بدها هالشي .. شعب واعي .. وإرادة من هالشعب بكل طبقاتو شو ما كانت ظروفو .. وعلىالملاقي ياكل يدعم اللي مو ملاقي ياكل..
الثقافة والوعي ما بدها مصاري وأكل.. بدها انسان يحب وطنو أولا ويخاف على مصلحتو .

شو دخل الفقر والغنى ...؟
الثوار دائما بكونو الفقراء...!!!

[me2]

كاتب النص الأصلي : Nirvana

أنا برايي أنو العيش المشترك بيعتمد على حكومة بدها هالشي .. شعب واعي .. وإرادة من هالشعب بكل طبقاتو شو ما كانت ظروفو .. وعلىالملاقي ياكل يدعم اللي مو ملاقي ياكل..
الثقافة والوعي ما بدها مصاري وأكل.. بدها انسان يحب وطنو أولا ويخاف على مصلحتو .

شو دخل الفقر والغنى ...؟
الثوار دائما بكونو الفقراء...!!!

الفقراء حطب الثورات ... و الحكومات بعمرها ما قادت تغيير ....

[Nirvana]

كاتب النص الأصلي : me2

الفقراء حطب الثورات ... و الحكومات بعمرها ما قادت تغيير ....

بالتأكيد هادا قصدي ..

[Nirvana]

كاتب النص الأصلي : أبو طريق

معك حق نيرفانا، كل شي حكيتي صح، بعدين لاتنسي إنو الحكام العرب بهمن يضل الوضع هيك، مشان اسرائيل اللي حطتن عالحكم تضل مسيطرة عالعرب، ما سامعة بالمثل اللي بقول فرق تسد؟؟؟
بعدين اللي حكاه كونان صح، و تأكيدا لكلامو، من كام يوم شفت عالmbc4 برنامج 20/20 و كان موضوعو عن الفرقة بالشعب الأميركي، بس مو تفرقة عنصرية(أبيض و أسود و هندي...) لأ، بس تفرقة بالحزب، قالوا إنو من شي 30 سنة كان بالمنطقة الوحدة الفرق بالأصوات قليل، بس هلأ الفرق بالأصوات زاد، يعني صارت المناطق شبه مقسمة، بتلاقي الأغلبية جمهوريين أو ديمقراطيين، مافي توزيع وسط، فكمان عندن عمبصير تمييز، بس الفرق بينا و بينن، إنو هنن عمبحاربو هالشي، و بحاربو من أولو، نحنا لأ، منوقف مع اللي من ملتنا و مننسا الباقي، لأن هيك انزرع فينا، هالأصوات اللي عمبتنادي للعدل، أصوات قليلة و لا يمكن تنسمع بالميمعة العنصرية تبع الشعب العربي، فالمفروض الأجيال الجديدة هيي اللي تغير.

مزبوط ... والدول الاستعمارية بزمانها استخدمت اسلوب فرق تسد وما زالت إلى الأن .. وصار معروف قديه أمريكا وبريطانيا دعمت الأحزاب الاسلامية المتطرفة مشان الفتن والنزاعات في الشرق الأوسط .