الحب والإنسانية

[salma]

تمر علينا الأيام بنفس الأمور ونفس الروتين, نستيقظ كل يوم في الصباح الباكر لشرب قهوتنا والذهاب الى أعمالنا التي تبعدنا عن انسانيتنا, يوما بعد يوم نحس بشي ناقص في نفسنا.
اليوم عندما استيقظت أنا في صباحي الباكر, أدركت بأنني أنا أيضا أمر بنفس الروتين القاتل الذي نمر به جميعا, فقررت التغيير قليلا عن ما امر به يوميا, فبدلا من أن أكون الانسان الآلي الذي يعمل كل يوم, قررت أن أكون انسانا, وأحببت ان أشارك الكثير من الناس بآرائهم عن معني الحب والانسانية, وانا لا أتكلم عن الحب بالمعني المتعارف عليه, بل بالمعنى العام, حب الذات, حب الوطن, حب الله, حب الوالدين, حب الطرف الأخر, وربما حب الأذى أيضا, لكل منا تركيبته الخاصة وتفسيره الخاص عن معني الحب والانسانية.
فلنبتعد قليلا عن العادات والتقاليد والروتينيات ولنتكلم عن معنى الحب والانسانية, متى يحس الانسان نفسه بأنه انسان حقا, أي بقيمته الانسانية, إن حب تحقيق الانسان لذاته ولغاياته القيمة هي قمة الانسانية, احترامه للرأي الأخر أو الطرف الأخر أيضا هي قمة الانسانية.
أنا عن نفسي, أحس بأنني في قمة انسانيتي عندما التقي بانسان أخر يستطيع تقدير فكري وطموحاتي ويشجعني على أن أكون الأفضل, وبأن أستطيع بالمقابل أن أشجعه بنفس الحماسة التي يعطيني اياها.
برأيك, هل للحب والانسانية علاقة مشتركة؟؟؟
أنا بتمنى انه كل واحد يعطيني رأيه بكل صراحة

[SABE]

بعتقد إنو الحب هو أساس كلشي ... هو سبيل الإبداع ... إنسانية الإنسان لها كتير صفات و كتير أسباب جعلت من إسمها إنسانية .. بس مو شرط كل إنسان يكون بيحب .. و مو شرط كل واحد حب يكون إنسان (( بكل معنى الكلمة )) ...
أحس بقيمة إنسانيتي من خلال نفسي و من خلال الآخرين ..
مثلاً لما الواحد بيقوم بأي تصرف .. شو ردة فعل هالتصرف بفكر الإنسان نفسو .. و هاي بتلعب دور كبير .. و شو نظرة الناس يلي حواليه للشي يلي عملو .. و كمان دور المجتمع ما قليل ..
بس برأيي غلط إنو نربط فكرة الإنسانية بالحب بشكل كامل ...

[salma]

هي ما بنربط الانسانية بالحب, الانسانية تشمل عدة خصائص ومنها الحب, هادا هو المعنى

[SABE]

بالضيط

[virus]

يا اخت سلمى ان اسمى انواع الحب هو حب الشخص لنفسه وهو اهم نوع لانو حب الانسان لنفسو هو اللي بيعطيه الدافع لحب كل ما حوله وانا شخصيا بشعر باروع حالاتي بس اكون راضي عن نفسي وعن اللي عملتو اليوم

[salma]

رأي كتير حلو بس ما يتحول هادا الحب للذات الى أنانية

[sweetbaby]

كاتب النص الأصلي : salma

رأي كتير حلو بس ما يتحول هادا الحب للذات الى أنانية

طبعا لان لمن بيتحول من حب الذات للانانية هادا معدوا حب هادا انانية يعني معد فيها جزء من االانسانية
يعني مايعرف بس الحب هو كل شي بحياتي

[Kakabouda]

الحب اسمى ما بالدنيا و برأيي اللي عندو انسانية عندو حب أكيد...

[hanone]

الحب هوي اسمى الوجود بس بدك عالم تقدر هل احساس ما قصدي الحب لي نحنا منعرفوا بكل شي
يعني في رفقة انتا بتحبون كتير ومستعد ضحي مشانون بس هني بيجوا لوقت الحاجة وما بتلاقي حدا حدك

[أبو عبسي]

أحبوا بعضكم بعضا..

جملة بتختصر كتيييييييير شغلات...

أبو عبسي..
و سلام..!

[ألف]

برأيي الحب بكل اشكاله بيموت بس حكيناه بكلمات..... هوي احساس وسلوك..... وترجمته لكلمات بتضيع قسم كبير من معناه وقداسته

[salma]

في كتير ردات فعل ممكن تعملها انت وما تعرف انه هي حب, بتعرفها انه هي انسانية

[hanone]

كاتب النص الأصلي : salma

في كتير ردات فعل ممكن تعملها انت وما تعرف انه هي حب, بتعرفها انه هي انسانية

بس كمان الانسانية هي حب بس بيختلف عن نوع الحب لي معترف عليي ولي ما النا سيرة غيروا