العلاقة الزوجية السعيدة

[zozo]

لعل الزواج هو احد اهم المواضيع التي تشغل بال الشاب و الفتاة في هذا العصر, فالزواج ليس فقط العيش مع الاخر بل هو مسؤولية والتزام كبيرين .
لكل منا رايه الخاص بهذا الموضع فالبعض يعارض الزواج والبعض يعتبره ضرورة حتمية لا تكتمل الحياة بدونها.
منذ عدة سنوات لاحظت النسبة المرتفعة لحالات الطلاق لذلك فكرت في طرح هذا الموضوع مع اشخاص في عمر الشباب في محاولة مني لايجاد الطريقة الصحيحة لبناء عائلة في زمن بات فيه كما يقال " الزواج مقبرة الحب"
- ان الاعجاب بمظهر الاخر امر غاية في الاهمية لكن اساس العلاقة الزوجية المتينة يجب ان يكون قائم على الاعجاب بشخصية الاخر وافكاره ومبادئه.
- يجب احترام تلك الافكار والمبادئ وعدم الاستهزاء والسخرية منها مهما بدت لنا صغيرة او غير مهمة لانها تعني الكثير للاخر .
- ان اغلبية المشاكل الزوجية تكون نتيجة جهل كل من الشريكين للاخر لذا يجب ان يكونا قبل الزواج - وحتى قبل الخطوبة لحد ما- صفحة بيضاء امام بعضهما حتى في الامور الصغيرة والتي قد تبدو لنا تافهة كالطعام او الشراب المفضل.
- يجب ان تعتمد الحياة الزوجية منذ البداية على الصراحة المطلقة, فالتحدث بالنواحي السلبية لكل منهما ليس اهانة للاحدهما او لاظهار الافضل, بل طريقة لتفادي المشاكل مسبقا ولتعرف على الاخر فعد هذا الحوار قد يحاول كل منهما التغير من طباعه قدر المستطاع ليصلا الى وضع يمكن معه نجاح خطة الزواج.
- ان يكون الاختيار قد حصل نتيجة حب حقيقي والقدرة على التضحية اللامحدودة للاخر. ومن الخطا هنا ان ينتظر احدهما تضحية من الاخر مقابلة تضحيته بل على كل منهما مساعدة الاخر عند الحاجة ومراعاة ظروفه.
-ان انصهار الزوجين في حياة موحدة يسبب الكثير من الضغط والتوتر ويفقد البيت دفاه, لذا يفضل ان يكون لكل منهما حياته الخاصة خارج وداخل البيت على ان يكونا مستعدين باية لحظة لمساعدة بعضهما.
-يفضل انا تكون غرفة النوم سريرين يمكن وصلهما لان ذلك يعطي حيزا معينا من الخصوصية ضروري لابقاء شعلة الحب مشتعلة كما يعطي شعورا بالاستقلالية.
-على الزوج ان يعطي زوجته القدر الذي تطلبه من العطف والحنان والاهتمام , كذلك على الزوجة ان تهتم بمظهرها وان تراعي ظروف عمل زوجها مهما كانت.
-من حق الزوجة ان تعمل خارج البيت واثبات فعاليتها بالمجتمع وليس من حق الزوج منعها طالما لم يكن هناك تقصير بواجباتها داخل البيت.
-من الملاحظ ان اهم اسباب ارتفاع نسبة الطلاق ماخرا هو الزواج المبكر فعندما يتزوج الشاب او الفتاة في عمر اقل من ال23 تكون نسبة الطلاق كبيرة نسبيا ويعود ذلك لعدة اسباب اهمها عدم قدرة أي من هما على تحمل المسؤولية, كما ان طريقتهم في الاختيار تكون حالمة لا واقعية وتتغير مع مرور السنين فبعد فترة يلاحظون ان الشخص الذي اختاروه ليس هو الشريك المناسب مع انه كان فارس الاحلام المنتظر.
ومن هنا نجد ان الزواج موضوع مهم جدا ويحتاج الى الكتير من الوعي والتفكير المنطقي .


هلق هادا كان رايي الخاص بالموضوع وانا بتمنى اعرف رايكن انتو
وشكرا.

[King RORO]

ومن الخطا هنا ان ينتظر احدهما تضحية من الاخر مقابلة تضحيته بل على كل منهما مساعدة الاخر عند الحاجة ومراعاة ظروفه

انا ضد هالحكي لانو بالاساس الحب تضحية من طرفين ....من طرف واحد صار اسمو انانية واستغلال

يفضل انا تكون غرفة النوم سريرين يمكن وصلهما لان ذلك يعطي حيزا معينا من الخصوصية

بس هالشي رح يكون ع حساب الحميمية ... براي....ما كتير بحبذ الفكرة

على الزوج ان يعطي زوجته القدر الذي تطلبه من العطف والحنان والاهتمام , كذلك على الزوجة ان تهتم بمظهرها وان تراعي ظروف عمل زوجها مهما كانت

طيب ليش الاهمال المباشر لعواطف الذكر يعني ليش لازم هو يللي بيعطي العطف والحنان والاهتمام ليش ما يكون هالشي واجب مشترك ....

من حق الزوجة ان تعمل خارج البيت واثبات فعاليتها بالمجتمع وليس من حق الزوج منعها طالما لم يكن هناك تقصير بواجباتها داخل البيت

بس وقت بتترك ابنها يربى ببيت جدو او بشي حضانة وقت بتكون ملتهية بشغلها ...ولما الواد بدو يرضع ما يلاقي امو... يتعود عالنيدو من ايد ستو او السيرلانكية ..... قمة الغلط .... وكوجهة نظر شخصية ...... عمل المراة مع انجاب اطفال ..... سياسة فاشلة
اما ذا ماكان بحياتهن اطفال او بعد فترة من بدا الاطفال بالنضوج.... اي ليش لاء...

بعتذر عن ارائي لانو عرفان ما بتعجب حدا

[zozo]

انا ضد هالحكي لانو بالاساس الحب تضحية من طرفين ....من طرف واحد صار اسمو انانية واستغلال
اقتباس:

اكيد الحب تضحية من الطرفين بس قصدي انو ما ينطرو بعضن يعني مو ضروري كل ما واحد منن ضحى بشي شغلة لازم التاني دغري يردلو ياها او اذا ما ردا ما بعمل غيرا

بس هالشي رح يكون ع حساب الحميمية ... براي....ما كتير بحبذ الفكرة

بالعكس هيك بيضلو مشتاقين لبعض يعني ما بيوصلو بسرعة لحالة ملل..... فهمت قصدي

طيب ليش الاهمال المباشر لعواطف الذكر يعني ليش لازم هو يللي بيعطي العطف والحنان والاهتمام ليش ما يكون هالشي واجب مشترك ....

ما اهمال ولا شي بس المرا عادة بتكون عاطفية اكتر من الرجلودايمن قادرة تعطي الحنان والرعاية يعني هي تركببتا هيك اما هو فالشغل وضغط الحياة ببعدو عن حاجة الزوجة للرعاية

بس وقت بتترك ابنها يربى ببيت جدو او بشي حضانة وقت بتكون ملتهية بشغلها ...ولما الواد بدو يرضع ما يلاقي امو... يتعود عالنيدو من ايد ستو او السيرلانكية ..... قمة الغلط .... وكوجهة نظر شخصية ...... عمل المراة مع انجاب اطفال ..... سياسة فاشلة
اما ذا ماكان بحياتهن اطفال او بعد فترة من بدا الاطفال بالنضوج.... اي ليش لاء...

اكيد وانا قلت اذا لم يتعارض مع المنزل والولاد من هل الامور فطبعا اذا هيك فبلا الشغل

بعتذر عن ارائي لانو عرفان ما بتعجب حدا

لاء هادا رايك ومن حقك تحكي
شكرا الك

[zen]

الزواج مقبرة الحب"

الزواج مو بكل الاحوال مقبرة الحب ممكن يكون مزرعة الحب حسب الزوج والزوجة اذا بيتعاملوا باحترام ام لاء

من الملاحظ ان اهم اسباب ارتفاع نسبة الطلاق ماخرا هو الزواج المبكر فعندما يتزوج الشاب او الفتاة في عمر اقل من ال23 تكون نسبة الطلاق كبيرة نسبيا ويعود ذلك لعدة اسباب اهمها عدم قدرة أي من هما على تحمل المسؤولية, كما ان طريقتهم في الاختيار تكون حالمة لا واقعية وتتغير مع مرور السنين فبعد فترة يلاحظون ان الشخص الذي اختاروه ليس هو الشريك المناسب مع انه كان فارس الاحلام المنتظر.
ومن هنا نجد ان الزواج موضوع مهم جدا ويحتاج الى الكتير من الوعي والتفكير المنطقي .

هاد الكلام حلوا
بعدين انا رأي انو التفير بالعلاقة الزوجية بالعقل اهم يكون تفكير بالقلب يعني انو لاانسان يكون عقلاني مو عاطفي هاد الشي بيخلي المملكة الزجية تكون انجح

على الزوج ان يعطي زوجته القدر الذي تطلبه من العطف والحنان والاهتمام , كذلك على الزوجة ان تهتم بمظهرها وان تراعي ظروف عمل زوجها مهما كانت.

ليش عم تحكي وكانوا الرجل مو لازموا حنان وكانوا هوي نبع وما بيخلص لازم تكون الشغلة مشتركة

يفضل انا تكون غرفة النوم سريرين يمكن وصلهما لان ذلك يعطي حيزا معينا من الخصوصية ضروري لابقاء شعلة الحب مشتعلة كما يعطي شعورا بالاستقلالية.

انا بظن انو الاستقلالية بتصير بعد الزواح واحدة يعني استقلالية الرجل +استقلية المرة =استقلالية واحدة ومافي داعي لهيك شي مشان يحسوا انون واحد بكلشي وهاد مو معناه انو نلغي كيان المرأة او كيان الرجل بالعكس

[zozo]

الزواج مو بكل الاحوال مقبرة الحب ممكن يكون مزرعة الحب حسب الزوج والزوجة اذا بيتعاملوا باحترام ام لاء

هاد الكلام حلوا
بعدين انا رأي انو التفير بالعلاقة الزوجية بالعقل اهم يكون تفكير بالقلب يعني انو لاانسان يكون عقلاني مو عاطفي هاد الشي بيخلي المملكة الزجية تكون انجح

يا عيني عليك

ليش عم تحكي وكانوا الرجل مو لازموا حنان وكانوا هوي نبع وما بيخلص لازم تكون الشغلة مشتركة

لو قريت ردي على الكينغ ما كنت حكيت هيك
انا قلت انو المرا عندا القدرة على اعطاء الحنان والعطف والرعاية في اي وقت كونا ام او عندا حس الامومة اما الرجل فبيكون مشغول بالشغل وهادا الشي بيخلي ينسى انو زوجتو بحاجة للحنان والعطف والاهتمام وبيتذكرو بس لما هو بيكون بحاجة لهل امور

انا بظن انو الاستقلالية بتصير بعد الزواح واحدة يعني استقلالية الرجل +استقلية المرة =استقلالية واحدة ومافي داعي لهيك شي مشان يحسوا انون واحد بكلشي وهاد مو معناه انو نلغي كيان المرأة او كيان الرجل بالعكس

انا قصدت انو كونن بدن يعيشو سوى كل حياتن يعني بدن ينامو كل يوم سوى بنفس التخت ولما بيكون لكل واحد تخت مستقل بيكون عم يعطي فرصة لحالو لانو يشتاق للاخر ويقدر يعبر عن انزعاجو مثلا من دون ما يخاف يزعجو

[Tarek007]

كلام زوزو و ترجمتها للتعليقات معو 100% ..... .
بس منشان ألاستقلالية بغرفة النوم ....ف أنا بفضل كمان سريرين مو منشان شي! ... بس أنا برفس كتير و أنا نابم :P ....و بخاف أرفسها شي رفسة جيب أجلها !....


شكراً على الموضوع

[توت توت توت]

لعل الزواج هو احد اهم المواضيع التي تشغل بال الشاب و الفتاة في هذا العصر,

أنا أعترض .....
شو زواج ما زواج ... يستر عليكن ..... بلا هالسيرة ... مين معو يتجوز بهالبلد ....
كانوا من زمان بقولوا الزيجة بتعمر البيوت ... بس أنا هلق شايفها خراب بيوت ......
وخليني عالزيت والزعتر أحسنلي ....

[zozo]

كلام زوزو و ترجمتها للتعليقات معو 100% ..... .

بس منشان ألاستقلالية بغرفة النوم ....ف أنا بفضل كمان سريرين مو منشان شي! ... بس أنا برفس كتير و أنا نابم ....و بخاف أرفسها شي رفسة جيب أجلها !....

أنا أعترض .....

توت شو مشان

[zen]

وخليني عالزيت والزعتر أحسنلي ....

شبو الزيت والزعتر مو عاجبك

[zozo]

كاتب النص الأصلي : zen

شبو الزيت والزعتر مو عاجبك

طيب فيك تقارن الزيت والزعتر برز وفول او بزيلا ورز او برغل وبندورة ...........................

[AL Zaeem]

طيب فيك تقارن الزيت والزعتر برز وفول او بزيلا ورز او برغل وبندورة ...........................

ليش مو كوسا محشي

[zozo]

ليش مو كوسا محشي

كمان بيصير ليش لاء

[sezar]

اول شي بحب قولو انو الموضوع كتير حلو
و انا بشجع انو ينفتح موضيع غير الشياسة بالمنبر


مشان الموضوع :

انا ضد انو يكون لكل من الزوجين أسراره الخاصة
لأنو الزوجين يعني شبه توحدو و كأنو شخص واحد بس هذا لا يعني انو تطغى شخصية واحد عل تاني
يعني الزوجين ازا كتمو أسرار عن بعض كأنو الواحد عم يكزب على حالو

و بالنسبة للسرير مو هل مشكلة مارح يكون عائق بين الزوجين ازا كان منفصل او موصول لأنو التفاهم أهم شي

سلام لزوزو و للكل

[zozo]

انا ضد انو يكون لكل من الزوجين أسراره الخاصة

مين قال هيك انا ما قلت هيك .............. انا قالت انو لازم يكونو قبل العرس صفحة بيضا قدام بعضن يعني ما يكون في اسرار

و بالنسبة للسرير مو هل مشكلة مارح يكون عائق بين الزوجين ازا كان منفصل او موصول لأنو التفاهم أهم شي

انا بفضل هيك مشان ما يملو لانو بيصير القصة متل الواجب

شكرا لالك سيزار ونشالله رح يكون في مواضيع كتير من هل نوع هون بالمنبر الحر