help please !!!

[الباحثة عن الحرية]

انا مو كل هلقد بالانجليزي بدي شؤال عن اكم كلنة شو يعني
snobbish?
severe?

[fernanda bachchan kfoury]

دورتلك عالشرح تبعولا ومالقيت معناها

بس رح ارجع دور

[الباحثة عن الحرية]

شكرا كتير فرناندا يسعد ربك اول ما تلاقي حطي

[MaTyA]

كاتب النص الأصلي : asakli

انا مو كل هلقد بالانجليزي بدي شؤال عن اكم كلنة شو يعني

وشلونك بالعربي؟

[الباحثة عن الحرية]

هههههههههههههه اقطع من الانجليزي
لا كنت مستعجلة

[..AHMAD]

هلئ Snob يعني متأبه ... متأبه بمعنى اوضح .. يعني كيف بدي قلك .. متل جاهز ... او متحضر لهالشي .. مهيأ لشيئ ما

Snobbish بتجي بنفس المعنى بس بصيغة مبالغة

اما بالنسبة لـ severe

فـ في غلط املائي

اما قصدك Server
وهي بتعني مخدِّم ... او خادم .. مو خادم بمعنى عبد ... خادم يعني .. بيعطي خدمات

اما بالنسبة للاحتمال التاني Serve

فـ هية بتجي بمعنى خدمة عالأغلب

[black_iris]

snobbish:متكبر
severe: حادّ أو شديد
هيك طلع معي

[MaTyA]

كاتب النص الأصلي : M i i i D O

هلئ Snob يعني متأبه ... متأبه بمعنى اوضح .. يعني كيف بدي قلك .. متل جاهز ... او متحضر لهالشي .. مهيأ لشيئ ما

متأبه.؟؟ لا يكون اصدك متأهب ..

[الباحثة عن الحرية]

مشكور ميدو الكلمة الاولى حلينيها بس التانية ما في غلط املائي لانها مكتوبة اكتر من مرة بالكتاب

[..AHMAD]

حصل لغط .. بين كلمتين

التصحيح انو Snobbish :::: يعني شايف حالو زيادة بنجاحو ... مكتبّر بنجاحو

[الباحثة عن الحرية]

snobbish:متكبر
severe: حادّ أو شديد
هيك طلع معي

ايه يمكن هيك لانها بتزبط حسب الجملة ميرسي كتيييييييييييييير الك
وللكل اكيد

[..AHMAD]

snobbish:متكبر
severe: حادّ أو شديد
هيك طلع معي

اي هيك تمام

كمان خربطنا بالكلمة ... التانية

فـ ما تواخزونا

كمان الكلمة التانية بتجي بمعنى صارم ...

هلئ مشان الخربطة لا تسبونا ... لا نوم ولا اكل من الصبح

[الباحثة عن الحرية]

هههههههههه ما بواخزك لازم واخز حالي كل ما بشوف كلمة بنط اسال عنها بس وضعي صعب بالانجليزي بعدين الله يساعدك انت شكلك مش ناقصك مصايب مبين

[fernanda bachchan kfoury]

ميدو طلعت شاطر بالانجليزي
خي يا هيك الشطارة يا بلا

ان شالله قدرو يساعدوكي الاعضاء خيتو ؟

[الباحثة عن الحرية]

ايه ساعدوني كتييييير الله يخليلي اياهن thanks ما بعرف غيرها بالانجليزي بلا احراج

[التقرير الجوال]

في عندكن غلط بمعنى كلمة متكبر.. المتكبر Arrogant و في مصطلح انكليزي للمتكبر و هوي Sniffy جاية من الفعل "يَشم " يعني فيك تقول شامخ .
أما الكلمة المسؤول عنها " Snobbish" تقريبا ممكن بتترجم بمتكبر بس مو كتير صحيحة .. الأصح هيك
أولاً الكلمة هي صفة .. تانياً كلمة بدل على سلوك بيتبعو انسان ..يعني إذا كنت سْنُوبِشْ فرح تسلك سلوك بتقوم في باظهار أنك أحسن من الأخرين لأنك من مثلاً طبقة اجتماعية أفضل او لأنك مثلاً بتعرف أكتر من غيرك بمجال ما .
الاسم هوي Snob و الصفة Snobbish و الطريقة بتكون Snobbism
نحط الكلمة بجملة لنفهمها أكتر
She seem's snobbish
يعني بالمختصر في سنوبش بتناسبو الكلمة اذا كان من طبقة راقية و متميّز " متل ما حطيت بالمثال السابق " و في واحد شايف حالو عالناس لأنو مفكر بأنو احسن .. كمان بيقولولو سنوبي .

أما عن الكلمة التانية فبدي شوفها بجملة منشان شوف شو المقصود منها و يا هلا .

[الباحثة عن الحرية]

مشكور التقرير الجوال فهمتها
الكلنة التانية هيك محطوطة
although judy's problem is a severe one but she is not alone

[التقرير الجوال]

مع ان مشكلة جودي" صعبة أو بالغة او خطرة" , لكنها ليست وحيدة
Severe= Extremely difficult
يعني درجة عالية من الصعوبة .. هيك مقصود بالكلمة هون .