اسلحة دمار شامل في الميدان ومصانع نووية في الحمدية

[scobee_83]

أكد الرئيس الأمريكي جورج بوش في تقرير رفعو الو مجلسي الشيوخ والنواب الأميركيين

انو في رؤوس نووية في سوريا، وهادا الشي بناء على تقرير قدمتو الاستخبارات الأمريكية
واستدت لصور ملتقطة بالأقمار الإصطناعية بتاكد اتهامات واشنطن على وجود رؤوس نووية

وبالتحديد بوسط مدينة دمشق، وتحديدا كمان بالميدان والمناطق يلي على طرافها(جزماتية ,المنصور, تريا, البوابة, دوار باب مصلى والمجتهد )

ومو بس هيك يا بعدي تضمن التقرير كمان احتمال وجود مصنع بسوق الحميدية لتصنيع مواد كيميائية وبيولوجية.( هي اقمار صناعية مو حيلا)


فماكان من المسؤولين السوريين الا انو نددوا بعدم صحة تلك التقارير

وقالو انو هي مجرد ادعاءات واتهامات لا صحة لها على الإطلاق.

وراحو قدمو للامم المتحدة طلب ، انو بركي بيبعتوا فريق تفتيش تمسح المناطق يلي حكوا عليها جماعة حسبي الله ونعم الوكيل مشان ياكدو عدم صحة ادعاءاتن....

والله هل امم المتحدة ما كزبت خبر...حاكم هي ما بتحب الفاينة ولا شوي...بعتت جماعتها مشان تفتش المناطق يلي زكرتها الاستخبارات الامركية...وكتبت مذكرة بتقول فيها:

1. قام فريق تفتيشي بالذهاب إلى المواقع المحددة من قبل الاستخبارات الأمريكية،وتم مسح وتفتش المنطقة التي هي حي الميدان وأحياء غيرها متفرقة في العاصمة السورية،فتبين أن ما كان قد التقط في الصور الفضائية، ويشبه رؤوسا نووية يناهزعددها الـ200، وبعد الكشف والتحليل، أنها ليست سوى أسياخ شاورما ميدانية، ممتدة على كامل طريق الميدان، من الجزماتية إلى البوابة.

راح بعت هل فريق عينة من هل شاورما مشان تنداق......حاكم لا يصدق حتى يرا

2. في تقرير الفريق المرسل إلى منطقة الحميدية للكشف على ادعاءات وجود المواد الكيماوية، فقد داهم مصنعا للتحقق من المادة البيضاء المصنعة في المصنع المذكور،فتبين أنها بوظة بكداش. أما مزاعم الأسلحة البيولوجيه فقد تبين أيضا أنها الفستق الحلبي الذي تجلل به تلك البوظة.

وكمان هون راحو بعتو لعمو بوش شوية بوظة ليصدق يلي قالوه بالتقرير

فغط على قلبو بشبوشة وراح فورا تصمبع على الشاشات الفضائية...وادلى بتصريح فوقاني كل عادة...انو امركا مترددة في شأن العمل العسكري ضد سوريا لاسباب عديدة...بس هلا العمل العسكري صار ضرورة وطنية ملحة شنو لانو تبين انو بلد متل سوريا بتملك ثروات هائلة من البوظة البكداشية والشاورما الميدانية.

واكد على انو لازم تنضم سوريا الى الولايات المتحدة الامركية( باللاسلكي بالوايرلس..بالجن الازرق.المهم تنضم) مشان ما يخسر المواطن الامركي عمره اذا حرم من تذوق الملذات الدمشقية

منقول

[amiero40]

ملعوبه و حلوه

[Blue Sky]

يحرء حريشك حلوة كتير
لو حاططها بعلى الطاير

[dot]

مشكور يا حبيب..

حلوة كتير..