اهانة الرؤساء, وراء حجب المواقع

[khanfur]

قولكن بينحجب الموقع بفرنسا وروسيا و اميركا؟؟؟؟؟
بنجرب

[Abu Guzef]

اي يعني طمني مبسوط بحالك انت هلق ولا شو

يعني مالك مطول تنحجب

[khanfur]

كاتب النص الأصلي : Abu Guzef

اي يعني طمني مبسوط بحالك انت هلق ولا شو

يعني مالك مطول تنحجب

بس كيفك على ساركوزي؟؟؟
بحضك الفرنسيين اذا نسفو المنتدى من ارضه كتير!!!!!!
بوش متعود ع الملطشة

[Abu Guzef]

[Willi]

هلق لو اجيت قبل الحجب, كنت لقيت كلشي في سوري بالموقع عم يضحكلك وعم يبتسم, بس هلق تلت ارباعهون ما رح يردو. مو مشان شي, بس مشان ما يبينو انو فعلا حجب الموقع كان غلط, والكريكاتير مافيه شي.

بس مع هيك موضوعك محلو بالكاريكاتير مو بالسياسة

[فاوست]

تسجيل مشاركة

[ASH]

راجعلكم بس لوصل علبيت

تسجيل متابعه

[ASH]

اي عدنا لهل موضوع

وليش لحتى ما اضحك ، مع انو ولا وحده بضحك فيهم ، بس انو عادي بفوت وبنحكي شي ظريف

مادام هنه قابلين هل شي على حالهم هنه احرار مالنا علاقه فيهم ...

بس نحنى ما بنقبل هل شي على رأيسنا ببساطه

عندهم ممكن الواحد يكون متزوج وحده بتشتغل بالتسريب تيز و الملاهي الليليه و بتنشر صور و افلام اباحيه و بيكون عادي جدا و ماحدا بيحاكي شي ...

هل ممكن حدا فيكم و من ضمنكم انا ، نكون هيك !!!

قيسوها من جميع الجهات

بالنهايه كل واحد بينام على الجنب يلي بيريحو

سلام

[phoenixbird]

بظن انو هدول مو كاريكتور هدول اسمون ..........................................
لاحظوا بكل رسوم الكايكتور الحقيقة السخرية هي من حالة معينة مش من شخص
هلا بعتقد انحكى بالاخوية انو الاساءة للاشخاص مرفوضة

[إم العز]

يا عمي احنا رؤسائنا عندهم شعور
مش متل البقية متمسحين ...
يعني بياخدوا على خاطرهم ...
شو بدنا نعمل ... احنا دللناهم .. وارخينالهم الحبل

[*Marwa*]

قصيدة : مسائل غير قابلة للنقاش..!

في الأسـاسْ
لمْ يكُـنْ في الأرضِ حكّامٌ ..
فقَـطْ
كانَ بهـذي الأرضِ ناسْ!


* * *
الشعوب
حينَ لـمْ توصِـدْ بوجـهِ الشّـرِّ
أبوابَ القلـوبْ
وَخطَـتْ، سِـرّاً، على دربِ الخطايا
وتعاطَـتْ، خُفيَـةً، كُلَّ الذنوبْ
ظَهـَرَ الحُكّـامُ فيها.
هكذا عاقبَها اللهُ وأخزَاهـا..
بإظهـارِ العُيـوبْ!


* * *
لا جدال
إنَّ للحُكّـامِ، مهما أترِفـوا،
صـبراً على حمـلِ الثِّقالْ.
كم على أكتافِهِـمْ من رُتبَـةٍ
تخلَـعُ أكتافَ الجِبالْ!
كمْ على كاهِلِهمْ من لقَبٍ
لو شالَهُ الفيلُ لَمـالْ!
كمْ على عاتِقِهـمْ مِنْ بيتِ مالْ!


* * *
الفقير
يجعـلُ الحُكّـامَ لا يغفـونَ..
مِـنْ وخـزِ الضّمـيرْ.
حينما يُنمـى إليهِـمْ
في ليالي الزّمهَـريرْ
أنّـهُ فوقَ الحصـيرِ الرَّثّ يغفـو..
كيفَ يغفـونَ
وهُــمْ
لم يسرِقـوا منـهُ الحَصـيرْ؟!

* * *
بيقين
خطـَأٌ حشـْرُ جميعِ الحاكمينْ
في عِـدادِ الكافِـرينْ.
إنّما الكافِـرُ مَـن يكفرُ بالدّينِ
وهُـمْ أغلبُهـمْ.. من غيرِ دِيـنْ!


* * *
للحوار
يلجَـأُ الحُكّـامُ دومَـاً
كُلّمـا الجمهـورُ ثـارْ.
كِلْمَـةٌ مِنـهُ، ومنهُـمْ كِلْمـةٌ
ثُمّ يعـودُ الصّفـوُ للجَـوِّ
وينزاحُ الغُبـارْ.
هـوَ يدعـو : حاوِِرونـي.
هُـمْ يقولونَ لَـهُ : صَـهْ يا حِمـارْ!


* * *
لا اطيل..
وُجِـدَ الحُكّـامُ في الدُّنيـا
لكـي ينفـوا وجـودَ المُستَحيـلْ.
ما عداهُـمْ
كلُّ ما في هـذه الدُّنيـا جميـلْ

*أحمد مطر*

[Syrian Gay]

لأن عندون ديمقراطية .. وحرية التعبير عن مين ما بدون

وهيك صور اسمها كاريكاتير وما بتاثر على الرؤساء .. بس انتو مانكون متعودين انو حدا ينقد رئيسكون ان كنتو بتحبوه .. ولو كنتو بتكرهوه كمان رح تقولو : "ييه معقول حدا يتمسخر عالرئيس" وتقلبوها وطنيات زائفة بس انتو داخليا مبسوطين بهل الشي ..

ولعلمكون في رؤساء وفنانين ومشاهير يدفعوا لرسامين كاريكاتير حتى يرسموهون وحتى ولو بأنتقاد .. لأن هالشي بيخلي قرب اكتر بين الناس وهالشخص ..

[ASH]

كاتب النص الأصلي : Syrian Gay

لأن عندون ديمقراطية .. وحرية التعبير عن مين ما بدون

وهيك صور اسمها كاريكاتير وما بتاثر على الرؤساء .. بس انتو مانكون متعودين انو حدا ينقد رئيسكون ان كنتو بتحبوه .. ولو كنتو بتكرهوه كمان رح تقولو : "ييه معقول حدا يتمسخر عالرئيس" وتقلبوها وطنيات زائفة بس انتو داخليا مبسوطين بهل الشي ..

ولعلمكون في رؤساء وفنانين ومشاهير يدفعوا لرسامين كاريكاتير حتى يرسموهون وحتى ولو بأنتقاد .. لأن هالشي بيخلي قرب اكتر بين الناس وهالشخص ..

لا تعمم رامي ، يعني المره الجايه حكي بعضكم لانو مو الكل متل ما انت ذكرت

[Syrian Gay]

كاتب النص الأصلي : ASH

لا تعمم رامي ، يعني المره الجايه حكي بعضكم لانو مو الكل متل ما انت ذكرت

كل حكي بينحكي اكيد ما بيكون بالتعميم .. لما الواحد بيحكي فكرة بيكون عم يقول عل الاغلبية ومو عل الكل

مثلاً: لما تقول الشعب الاميركي غير مثقف بالسياسة .. فأكيد انت ما عم تقول انو كل الشعب الاميركي بس عم تقصد الاغلبية .. وهكذا ..

يعني المعنى بقلب الشاعر يا شيخ

[فاوست]

مجلة اليوفس الخاصة بالكاريكاتور والمشهورة باسبانبا رسمت وطبعت الصورة على الغلاف الخارجي كل من الأمير الأسباني والاميرة الأسبانية بوضع جنسي غير طبيعي أي ليس الوضع العادي ولم يعتقل أحد في أسبانيا ولم تغلق المجلة أو يحجب موقعها على الانترنت ما حصل هو ان بعض الصحف اعترضت على الأمر بكونه يصور مشهداً جنسيا بحتاً وعلى الغلاف الخارجي للمجلة ويمس بالعائلة المالكة

حتى في مصر نشر في جريدة مطبوعة يوميةهي جريدة الدستور رسما كاريكاتوريا لحسني مبارك ولم يعتقل أحد ولم تغلق الجريدة
لكن في سوريا يحاط الحاكم بهالة مقدسة ولو هذه الهالة المحيطة به لسقط منذ زمن ويرفع الحاكم إلى مكانة الله الذي لايصور برسم أو صورة فكيف إن كان كاريكانور ساخر

الرابط التالي يبين غلاف مجلة اليوفس

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Willi]

عندهم ممكن الواحد يكون متزوج وحده بتشتغل بالتسريب تيز و الملاهي الليليه و بتنشر صور و افلام اباحيه و بيكون عادي جدا و ماحدا بيحاكي شي ...

هل ممكن حدا فيكم و من ضمنكم انا ، نكون هيك !!!

انو شو دخل هاي بهاي!!

على فكرة باميركا اللي حكيت عنو ما بصير. (بقصد عن الافلام الاباحية, وعن موضوع الستريبر)

[ASH]

كاتب النص الأصلي : Willi

انو شو دخل هاي بهاي!!

على فكرة باميركا اللي حكيت عنو ما بصير. (بقصد عن الافلام الاباحية, وعن موضوع الستريبر)

شلون شو دخل هي بهي ، انا جبة هل مثال لورجيك انو مجتمعنا غير مجتمعهم ، المقبول عندهم غير مقبول عندنا بكتير شغلات ...

وكيف ما بيصير هيك بامريكا لا صديقي بيصير ، و بعرف ناس كتير هيك وانو عادي ما عندهم مشكله ...

ماشي بنغير الفكره ، باروبا و امريكا ، بتقبلو انو مثلا الواحد يكون مجهول هوية الأب ، و المجتمع بيتعمال مع هل شي بشكل عادي و ممكن الوحده يكون عندها 3 ولاد بس مانها متزوجه ، بس عنى هل شي غير مقبول ..
طبعا ما تفوتوني بمتاهة انو شو ذنبهم و ما ذنبهم ، انا عم احكي كمجتمع و عادات و هل قصص هي يلي انا ما بامن بمعظمها ، بس بنرجع بنحكي هيك المجتمع الشرقي ..

فهنه بشكل عام بيتقبلو رؤسئهم يطلع بكريكتير بطريقه مضحكه او بطريقه مهينه ما بتفرق معهم ، حتى الرموز الدينيه عندهم بتطلع برسوم مضحكه و كمان ما بتفرق معهم ...
بس نحنى غير ، يعني ما بعرف جيبولي دوله عربيه لو نرسم رئيسها بشي رسم مهين لشخصو ما بينشحط ...؟؟

معناها انا ممكن اتقبل هل رسوم لانها للغرب بشكل عام ، و هل شخصيه ما بتهمني لا قوميا ولا بتهم بلدي ، بس ما بتقبل هل شي على رئيس الدوله تبعي لانو هوه بيمثل الدوله و بيهمني

يا رب تكون وصلت الفكره

[Willi]

فكرتك واصلة من الاول.
واكيد منعرف انو العرب ما بيتقبلو انو ينرسم كريكاتير لرئيسيهون, لانو بالاصل ما بيطلع بايدون يتقبلو...
لو الشغلة ما فيها حبس كان للموضوع كلام تاني

بس عدم تقبل الكاريكاتير, هاد ما بيعني انو الكاريكاتير غلط.
هية الشغلة كلها متل ما سبق وقلت, عالعادة.
يعني كريكاتير ورا كريكاتير بيتعودو