سأكون في صف واحد لا وبل بخندق واحد مع بشار الأسد

[فاوست]

أصدقائي في موقع اخوية من المعارضة والمولاة
يوجد في أخوية حاليا بعض الأعضاء التكفيرين، وبعضهم يدعي معارضته للنطام.
ومعارضته هذه غير نابعة ،من اي تفكير عقلاني. انما هي لأسباب تكفيرية طائفية بحتة.
هذه الأفكار هي بعيدة كل البعد عن افكار، وايديولجيات المعارضة السورية.
وحتى حزب الأخوان المسلمين الذي يدعي الإعتدال ويدعو حاليا إلى دولة مدنية لايشكل سوى نسبة قليلة من المعارضة السورية.
وهنا أقول لهولاء التكفيرين، وللأسف الموجود بعض منهم في موقع أخوية حاليا.
خسئتم ان نكون معكم ،"في صف واحد" كما قال احدكم لي .

وأقولها بأنني وبالرغم من معارضتي الشديدة للنظام الديكتاتوري القمعي الحالي
ورغم الاضطهاد الشخصي الذي لحقني من هذا النطام!
إلا أنني سأكون في صف واحد لا وبل بخندق واحد مع هذا النظام ضددكم وضدد فكركم الأصولي الأرهابي
حتى لو كنت تحت قيادة بشار الأسد



فاوست

[فوضوي]

أنني سأكون في صف واحد لا وبل بخندق واحد مع هذا النظام ضددكم وضدد فكركم الأصولي الأرهابي
حتى لو كنت تحت قيادة بشار الأسد

طب ما فيك تكون بخندق تالت ضدهون و ضد بشار الأسد

[صياد الطيور]

هالجماعات والحركات اخطر علينا من أمور كتير
اي حركة دينية رح تكون مصيبة للبلد

تحياتي ألك فاوست على الفكر العالي

[الآلهة]

نحنا ضد الحركات الدينية
بس في عالم بالمنتدى شغلتها التحريض وبس
يعني بهمها يعلقو السوريين ببعض
باستخدام كرهن للرئيس وتشتيت الرأي
وبيكونو مو سوريين بلاصل

[fady juventus]

ما عرفتك يا فاوست!?
بس بحييك على وعيك و تنبهك لخطر الأصوليين القذرين

[فوضوي]

بس في عالم بالمنتدى شغلتها التحريض وبس

لمعارضة لازم يكون شغلها التحريض

يعني بهمها يعلقو السوريين ببعض

هلق إذا فتحنا نقاش عن بشار الأسد منكون علقنا السوريين ببعض

وبيكونو مو سوريين بلاصل

الحمد لله أنا سوري

[brave heart2]

كاتب النص الأصلي : فاوست

أصدقائي في موقع اخوية من المعارضة والمولاة
يوجد في أخوية حاليا بعض الأعضاء التكفيرين، وبعضهم يدعي معارضته للنطام.
ومعارضته هذه غير نابعة ،من اي تفكير عقلاني. انما هي لأسباب تكفيرية طائفية بحتة.
هذه الأفكار هي بعيدة كل البعد عن افكار، وايديولجيات المعارضة السورية.
وحتى حزب الأخوان المسلمين الذي يدعي الإعتدال ويدعو حاليا إلى دولة مدنية لايشكل سوى نسبة قليلة من المعارضة السورية.
وهنا أقول لهولاء التكفيرين، وللأسف الموجود بعض منهم في موقع أخوية حاليا.
خسئتم ان نكون معكم ،"في صف واحد" كما قال احدكم لي .

وأقولها بأنني وبالرغم من معارضتي الشديدة للنظام الديكتاتوري القمعي الحالي
ورغم الاضطهاد الشخصي الذي لحقني من هذا النطام!
إلا أنني سأكون في صف واحد لا وبل بخندق واحد مع هذا النظام ضددكم وضدد فكركم الأصولي الأرهابي
حتى لو كنت تحت قيادة بشار الأسد



فاوست

اول شي بدي حيك اخ فاوست على هذا الوعي فعلا نحن كمعارضة .....

سنقف بخندق واحد مع شعب سوريا وقيادته رغم الاختلافات التي بيننا ... ضد هذه الفئة الضالة والمضللة والتي تسعى للفتنة

وأيضا تشوه صورة الشرفاء من المعارضة والمعارضة الشريفة

وضد اي مخطط استعماري امبريالي ... ضد سوريا وشعبها ......

الحرية لسوريا .... ومعتقلين الرأي فيها ...... والله يحمينا من كل سفيه وسخيف ومتخلف همه فقط زرع الفتنة الداخلية

وشكرا .... وبتمنى من كل المعارضة والموالاة .... ان يدعمو هذه المبادة .... ويتم التصدي لهئولاء التكفيرين

وشكرا فاوست على الموضوع

[COSTA]

كاتب النص الأصلي : الآلهة

نحنا ضد الحركات الدينية
بس في عالم بالمنتدى شغلتها التحريض وبس
يعني بهمها يعلقو السوريين ببعض
باستخدام كرهن للرئيس وتشتيت الرأي
وبيكونو مو سوريين بلاصل

هي انا اصلي يوناني ماني سوري بالدم
بس خلقت على ارض سورية وبحبها لسورية وبدي موت على تراب سوريا
وانا بشتغل لسوريا ... بالرغم انو ايدولوجيتي اممية
والشغلة مو انو وقف مع بشار الاسد او وقف ضد بشار الاسد
الشغلة انو وقف مع سوريا
_______________________
علينا ان لا ننتظر القادة
علينا ان نعمل يدا بيد
انسان لانسان
وسترون كيف نصنع المعجزات

[فوضوي]

بالرغم انو ايدولوجيتي اممية

طب إذا انتا أممي ليش حاطط علم اليونان صورتك
يعني أنا عايش باليونان و بدي نبهك عشغلي
بدول أوروبا ما متل دول العالم التالت
نحنا دول مهددي من الامبرياليي من ناحية الاحتلال الاقتصادي أو العسكري لهيك ما بيعتبر عنا الشعور الوطني شيء منافي للأمميي يعني لينين قال " أنا مع كل حرب دفاعية "
بس بأوروبا أو بالاتحاد الأوروبي فهاي دول امبرياليي و اليسار الراديكالي عنا باليونان ما بآمنوا بالدول مطلقا و الرمز يلي حاططوا بيستخدموا منظمة الفجر الذهبي يلي هيي منظمي فاشستيي موجودي باليونان
و أنا كشخص فأنا ضد كل شعار قومي إن كان علم سوريا أو علم اليونان و لو أني بموت بسوريا

والشغلة مو انو وقف مع بشار الاسد او وقف ضد بشار الاسد

لأ يا سيدي هاي إلها دور يعني هل إنتا مع الظلم و الاستبداد وللا ضدوا

علينا ان نعمل يدا بيد
انسان لانسان
وسترون كيف نصنع المعجزات

نعم قريبا سنصنع المعجزات رافعين رايات الثورة الديموقراطية

[COSTA]

طب إذا انتا أممي ليش حاطط علم اليونان صورتك

هاد الشعار مو العلم ....
وبعدين انا بحبو لانو بيرمز لاصلي ... ( يللي بينكر اصلو مالو اصل )... بعدين وين المشكلة ؟؟؟

يعني أنا عايش باليونان و بدي نبهك عشغلي
بدول أوروبا ما متل دول العالم التالت
نحنا دول مهددي من الامبرياليي من ناحية الاحتلال الاقتصادي أو العسكري لهيك ما بيعتبر عنا الشعور الوطني شيء منافي للأمميي يعني لينين قال " أنا مع كل حرب دفاعية "

ليش انا شو حكيت ؟؟؟

لأ يا سيدي هاي إلها دور يعني هل إنتا مع الظلم و الاستبداد وللا ضدوا

انا ضد الظلم والاستبداد ...بس ما بقاومو بالظلم والاستبداد
بس انا شو بدي بوجعة الراس اذا كان عندي طريق اسهل ...
ليش حتى اعمل معارضة ويطلعلي ناس تنشق عني وناس تندس فيني وزيد وجع راسي
يعني انا اذا اشتغلت لصالح البلد .... شو بكون ؟؟؟؟ ... مع بشار الاسد او ضدو ؟؟
يا عمي ما بهمني مين بكون الرئيس لانو الشعب يللي بدو يشتغل مو الرئيس
وانا ماني ضد او مع .....

علينا ان نعمل يدا بيد
انسان لانسان
وسترون كيف نصنع المعجزات

هاد المختصر

[COSTA]

بس بأوروبا أو بالاتحاد الأوروبي فهاي دول امبرياليي و اليسار الراديكالي عنا باليونان ما بآمنوا بالدول مطلقا و الرمز يلي حاططوا بيستخدموا منظمة الفجر الذهبي يلي هيي منظمي فاشستيي موجودي باليونان

يا عمي هاد شعار اليونان
متل ما الاتحاد السوفييتي كان شعارو المطرقة والمنجل
وما بهمني مين استعملو او مين بدو يحطو
انا حاطو لاني بحبو
طيب سماع هي
كان النسر يللي براسين شعار الامبراطورية الرومانية
واتخذتو الكنيسة الشرقية كشعار على دور الامبراطورية البيزنطية
وهلأ صار هو الشعار الرسمي بروسيا
وتبنو عنهون الصرب
هات لشوف شو نعمل ؟؟؟
______________________

[BL@CK]

كاتب النص الأصلي : COSTA

هات لشوف شو نعمل ؟؟؟

منعمل شاي . أو قلك واحد قهوة زيادة سكر لو سمحت

---

أنو أنا برأيي الشخصي المتواضع كلنا كـ معارضة أو موالاة بتهمنا مصلحة سورياً أولاً ..

حالياً المعارضة اللي عم نشوفا ضد مصلحة سوريا ... ابتداءاً من الغادري نهايةً بـ Zahi

و طبعاً لا ننسى في معارضين أشرف من الشرف و تحية لإلون ..

فاوست أكيد كلنا بتهمنا مصلحة سوريا و ما بهم كونك موالي أو معارض .. المهم الهدف ..

[فوضوي]

يا عمي ما بهمني مين بكون الرئيس لانو الشعب يللي بدو يشتغل مو الرئيس

الشعب يلي بيشتغل ما الرئيس لما بكون النظام ديموقراطي

متل ما الاتحاد السوفييتي كان شعارو المطرقة والمنجل

هاد ما شعار الاتحاد السوفييتي هاد شعار الحزب الشيوعي قبل ما يخلق الاتحاد السوفييتي

هات لشوف شو نعمل ؟؟؟

إذا كنا أمميين لازم ما نحط شعارات قوميي

[basoool]

انا بصراحة مواطن سوري اؤمن بالعلمانية الايجابية التي تطبق في سورية والتي سوف تستمر في سورية وهي التي تؤمن بالمساواة بين جميع فئات الشعب والتي تعطي لكل فرد حريته الدينية وانا احترك جميع المناضلين الذين ناضلوا في سورية سواء اكانو بعثيين او قوميين سوريين او شيوعيين او غيرهم من الاحزاب المعتدلة التي تعمل لاجل سورية
وبصراحة انا ضد جميع الحركات السلفية والشيعية المتطرفة التي لاتؤمن بالطرف الاخر وضد الحركات الالحادية التي تؤذي مشاعر الطرف الاخر من المواطنين
فمثلا انا احترم شعور بعض الناس الذين لايؤمنون ولكن ايضا احترم شعور الناس المؤمنون المعتدلون وفي النهاية لايسعني الا انا اردد هذا الشعار الدين لله والوطن للجميع

[COSTA]

كاتب النص الأصلي : فوضوي

الشعب يلي بيشتغل ما الرئيس لما بكون النظام ديموقراطي

هاد ما شعار الاتحاد السوفييتي هاد شعار الحزب الشيوعي قبل ما يخلق الاتحاد السوفييتي

إذا كنا أمميين لازم ما نحط شعارات قوميي

لازم يشتغل الشعب شو ما كان النظام ....
لانو بالنهاية الشعب هو يللي بقرر عن طريق برلمان منتخب بشكل نزيه وواعي
بعدين شو ما كان النظام ولو باي شكل من الاشكال بالنهاية الشعب لانو هو البداية
بس اذا كان الشعب غير واعي للامور يللي عم تنحاك ضدو من قبل الرأسماليين والاستغلاليين .... هون بيجي دور الطبقة المثقفة انها تحمل المسؤولية وتوعي الشعب ...

[COSTA]

كاتب النص الأصلي : basoool

انا بصراحة مواطن سوري اؤمن بالعلمانية الايجابية التي تطبق في سورية والتي سوف تستمر في سورية وهي التي تؤمن بالمساواة بين جميع فئات الشعب والتي تعطي لكل فرد حريته الدينية وانا احترك جميع المناضلين الذين ناضلوا في سورية سواء اكانو بعثيين او قوميين سوريين او شيوعيين او غيرهم من الاحزاب المعتدلة التي تعمل لاجل سورية
وبصراحة انا ضد جميع الحركات السلفية والشيعية المتطرفة التي لاتؤمن بالطرف الاخر وضد الحركات الالحادية التي تؤذي مشاعر الطرف الاخر من المواطنين
فمثلا انا احترم شعور بعض الناس الذين لايؤمنون ولكن ايضا احترم شعور الناس المؤمنون المعتدلون وفي النهاية لايسعني الا انا اردد هذا الشعار الدين لله والوطن للجميع

فيك تحترم البعثي يللي حط الشيوعي بالاسيد وخلاه يدوب متل السكر

[tiger]

يسقط التطرف و الارهاب , يسقط الاخوان المسلمون ....

[Abu Guzef]

كاتب النص الأصلي : tiger

يسقط التطرف و الارهاب , يسقط الاخوان المسلمون ....

وليسقط كل المتعصبون والمتطرفون