|
| س و ج | قائمة الأعضاء | الروزناما | العاب و تسالي | بحبشة و نكوشة | مواضيع اليوم | أشرلي عالشغلات يلي قريانينها |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
27/02/2009
|
#1 | ||||||
|
عضو
-- مستشــــــــــار --
  |
يوميات طالب بكلوريا مودرن ...!
مرحبا شبيبة ...
 بما اني ودعتكن من يومين ... بس قلبي ما قدر ع فراقكن ...  فا قرروا حضرتنا انو يحطو يومياتهن هون بالسقيفة .. منشان ناخد العبر .. طبعن  طبعاً هاليوميات مو من الضروري تكون يومية ... يعني اليوميات .. يلي فيها كم نكشة وكم حادثة طريفة  او غير طريفة ...  المهم يا سيداتي ويا سادتي ...  وهي رح نبلش بيومنا هلأ يلي مضى ...  ويكون اليوم الاول .. في هازا الرد ... ادناه يعني ...  وهي انتر
الكلُّ سفّاح و ابنُ سفّـاح
. القومُ أبناء القومِ يا صــاح . عندهم الدّينُ زهقُ أرواح . والذّبحُ للنّاس نهجُ إصْلاح |
||||||
|
|
27/02/2009
|
#2 | ||||||
|
عضو
-- مستشــــــــــار --
|
اليوم الاول 26/2/2009
يا سيدي ما انا .... بعد سهرة سهرتها مع رفقاتي للـ 2 ... رجعنا عالبيت ... فتحت كتاب الادب وبلشنا قراية ..
 الشي الطبيعي انو ما كون فهمان شي .. كوني نعسان و آكل بهدلة تازة ... من الماما ...  المه يا دوب قعدت ربع ساعة واذ بتطب عليي هديك يلي بيسموها الناعوسة ...  وقدحناها نومة للـ 7.30 الصبح ... قمت لبست هالبنطلون وهالكنزة وهالجاكيت ... وفوراً عالشغل .... بنشاط وحيوية اكيد الشغل ... مو كل العالم بتروق فيه ... بس انا اليوم كنت مروق شنو بدنا نقبض الراتب ... طنت الساعة 12.30 ... وقبضنا الراتب .. انشالله اصرفو بالهنا .... وفوراً عالكافي نت منشان نصرفوا للراتب المهم .. يا دوب قعدنا شي ساعة الا نكشة .. واز بتطن الساعة 2 .... يعني موعد طفي الكهربا ....  رجعنا عالبيت وكفاها الله .... اخدنا هالدوش الدافي ... وثم ....طلبت الوالدة من حضرتنا ان نطبخ .. ولي شو طبخ ما طبخ (مع العلم انو صرلي شي جعتين بلا ما آكل طبخ ) بس لاني كنت تعبان وصينا ع بيتزا ع حسابي الخاص ... واكلناها ....  وبعدها ضبينا هالشنتا ورحنا عالمدرسة ...  طلع استاز الفلسفة بخلقتي اول ما وصلت ...(يبعتلو قتلو ) فتنا على هالصف .. وكوني ما بفهم شي عليه وكونو هوي حمار معبى ببنطلون ... خطيت هالراديو وبلشت ااسمع على فيروزيات المسا ...  هيييييييييييك لحتى خلصو هالحصتين المقرفتين تبع الفلسفة العربية (ملا عربية ) بسلام ... طبعاً طلع مع الاستاز انو ابن سينا والخوارزمي عرب .. كيف ما بعرف .... هوي كان رح يقول انو الله عربي ... بس ما زبطت معو .... نزلنا عالبريك ... تزهرمنالنا لقمة وكاسة شاي ... ورجعنا على حصة العقد النفسية (الديانة ) ... ليش عقد نفسية ..... ؟؟  لانو بكل بساطة استازنا عندو عقدة من شي اسمو ابنا الاغنياء والمسؤولين ! العمى ضرب جوز عيونو ضرب اديشو معقد ! طلع هيك كم طالب مو جايبين كتا ... ومنهن انا ... وابن واحد غني .... يا حرام ... هالابن الغني ماحكى شي .. بس ما بيصير الاستاز شيت الديانة ما يستلمو ...  حللو شخصيتو .. شلحو الطواق يلي لابسها .. قال هي كفر ومستوردة من الغرب .. شوية تانية رح يشلحو الاندر وير شيتو !!  وبما انو استاز الفلسفة هوي مدير المدرسة ... قعد يحكي مع الطالب (ابن الغني) بالفصحى المفلطحة ....وقعود بقا على تفلسف ... رجعنا عالصف .. وضل يعيد ويفتق بالسيرة (استاز الديانة الزفت ) ... هذه الميتلكا فساد للخلق .. وهي من الشيطان ... والخ ... من العلاك (طبعاً عنا معدومة الحرية الشخصية ) ..... ومنشان هيك وجكارة فيه (لاستاز الديانة ) قررت اجي الجمعة الجاية لابس صليب .. وازا لقيت نجمة داوود .. نعمة من الله  بعدها .. اجا استاز الانكليزي اللئيم (بس انو ما بو شي بالتدريس) ... عطانا كم درس من الملحق الادبي يلي ما في كلمة فيه ما بدها ترجمة ...  انصرفنا الحمد لله قبل بنص ساعة .... ورحنا عالنادي وشفنا اور فريندز .... وشجعناهن ..  ومن ثم رحنا على مطعم فيه الجزيرة الرياضية (مع اني ما بتابع رياضة ) بس كانت عزيمة .. على اركيلة ... ما حلوة خيب آمال الشبيبة ... تفرجنا عالمباراة وتزهرمنا وتكورتنا اركيلة ... وخسر الفريق يلي كانوا عم يشجعوه (اسي ميلان) يا شماتتي ....  وتوجهت بفوري لاكتب هي المئالة ... هون ان زيس سقيفة ... اقول قولي هازا .. وادعو سعدو .. ان لا يتعطل السيرفر وانا افقش على (ارسال الرد)  نراكم في الحلقة القادمة  وغداً نلتقي  |
||||||
|
|
|
27/02/2009
|
#3 | ||||
|
عضو
-- مستشــــــــــار --
|
لك حطلك شي خرزة زرقة من العين على هالدراسة . بتعرف هتلر زمانك يا أبو المذكرات انو بتنحسد بعدين وبتتلبك بالامتحانات وبتضيع هالمعلومات العظيمة الي قاعد عم تكدسها تكديس بصندوق البوية .
صديقي الله .
لا أحسدك على معرفتك مصير كل منا . لأنك قد تبكي على مصير حزين بينما صاحبه سهران يضحك. وتعرف الفرح قبل وقوعه فلا ترى مثلنا لذة المفاجأة. .... |
||||
|
|
|
27/02/2009
|
#5 | ||||||||
|
عضو
-- مستشــــــــــار --
|
اقتباس:
بيكفيني عيني  اقتباس:
|
||||||||
|
|
|
27/02/2009
|
#8 | ||||||
|
عضو
-- مستشــــــــــار --
|
لك الله حيو ... لك خليك هيك وما ترد على حدا ... شنو بدنا نشمت بحدا ...
لك يبعتلك الشو اسمو .. روح ادرس .. اما جيل اخر زمن ...
إذا كان حبي للاردن عنصرية... فليشهد العالم اني اكبر عنصري
------------------------------- N 1 H 1>>No One Have One ماحدا لحدا >>>يا حبيبي (: |
||||||
|
|
|
27/02/2009
|
#10 | ||||||
|
مشرف متقاعد
|
لك روح دروس بلى علاك
شو هالعمر اللي مش باقي شي لولا الوقت الولا خلى شي خلالي طريقي و رح أمشيه
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
27/02/2009
|
#11 | ||||||
|
مشرف
|
انت صحيح الاول بدون ما تدرس ...
بس مو مشكلة .. ادرس مشان صحة امك .. الله يعينها عليك و طبعا مشان صحتنا و صحة المجتمع طلاب آخر زمن كنا المدرس اللي ما يعجبنا ... نخليه يدرسنا على كيفنا ..... تعلم من خبرة الطلاب اللي سبقوك 
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟ لن نبق اسرى الماضي ... |
||||||
|
|
|
28/02/2009
|
#12 | ||||||
|
عضو
-- مستشــــــــــار --
|
الجمعة 27/2/2009
هادا وبلا طول سيرة .. بعد ما خلصنا كتابة اليوم الاول ... رجعنا عالبيت ....
بس طبعاً نسيت كيف رجعت كوني كنت فارط بارضي وما عم افهم شي ... فا اكلت البهدلة من ماما الحبيبة ونسيت شو هيي ...  ما علينا ... نمنا .... هييييييييييييييييك للـ 11.30 .. فقت على قرقشة البزر وصوت الاخبار كالعادة اضافة لصوت عم بيقللي ... امير .. قوم حط فطور ... بعد معاناة بالفيقة ضلت للساعة 12.30 رحت جبت فطور ملوكي عالبيت ...ومديت هالصفرة الذهبية ... واكلنا هالاكلات وشبعنا واز طنت الساعة 2 وطفت الكهربا بس هالمرة بعد بـ 5 دقايق ..(مالون بالعادة) وقدحتها نومة انا للـ 4 .. مع العلم انو كنت حاسس وقت شعلو الكهربا .. بعد تلت ساعة من انطفائها (الله يديمون)... بعد ما فقت .... عالاربعة ... قام اجا امر آخر الا وهوي ... (امير ساويلنا غدا ) ..... وطبعاً الجلي معوم ... لتقولوا بيت عزابية مو هيك .... جلينا هالجليات ... وساوينا هالمعكرونة بجبنة ...يم يم ... من تحت ايديي طالعة شغلة طيبة ... عقبال ما تاكلوها انتو كمان ... والله لتاكلو اصابيعكن وراها  المهم بعدها اجاني اتصال من رفيقي .. على اساس اجي لعندو وجبلو غرض معي وندرس سوا (اي صدقتني ) وبلا طول سيرة .. طلعنا بهالميكرو (مهاجرين صناعة ) العتيد ... وبعز هالبرد ... صار بدها كاسة شاي (برأي الشوفير).... وقف في احدى الزوايا ... واشترى هالكاسة الشاي ... وزهزه ...  وبنص المعمعة والعجقة وبنص الشارع ... بيمسك كيس( الليبتون ) وبيقويموا من الكاسة وبيلحشوا بنص الطريق .... آخ لو كان معي . . . . . . . مسدس  . . . . . . . . . . . . .................................................. ..........................................لكنت انتحرت !  وصلت عالبيت ... شيت رفيقي ... وقعدنا نتحادث بامور الدنيا والمرا والولاد ... وكنا على اساس جايين ندرس ...  بس شو .. اجت اختو الصغيرة واضطريت العب معها (على مبدأ .. ازا حضر الاطفال .. بطلت الدراسة  ) ... يعني انو جينا لندرس بس ما مشي الحال انا شو فيني اعمل ...والله نياتي حسنة وبعد تعب وشقاء .... في اللعب مع البنوتة (تقبر قلبي ما احلاها  ) .... نزلت واخدت هالميكرو (الحمد لله هادا ما عم اشياء مشينة متل الاولاني ) ...ورجعت تمشيت سوي بالطريق بهالبردات وعلى انغام فيروز الشتوية .... ومن ثم ذهبت رملاً عالكافي نت .. لنسجل يوميات .. سامان السعيدة ... وبعدين بعد ما خلص هالرد ... رح روح ادرس اكيد .. هيك وعدت مرووووش ....ما حلوة اقول قولي هازا .. وادعو سعدو .. ان لا يتعطل السيرفر وانا افقش على (ارسال الرد)  نراكم في الحلقة القادمة  وغداً نلتقي  |
||||||
|
|
|
28/02/2009
|
#13 | ||||||||||||
|
عضو
-- مستشــــــــــار --
|
اقتباس:
اقتباس:
اقتباس:
اقتباس:
اقتباس:
حاضر رمووش رايح ادرس اقتباس:
|
||||||||||||
|
|
|
28/02/2009
|
#14 | ||||||
|
عضو
-- مستشــــــــــار --
|
يا عيني ع هيك يوميات
هلاء انا شفتك حكيت اكتر شي ع استاز الفلسفة من بين الاساتزة الكرام مع انو اساتزة الفلسفة بيكونو بالعادة طيوبين الا ازا كنت بتكره المادة هناك لكل حادت حديث لك بتعرف شو ازا ظليت ع هالمنوال عال العال بس انو زاكرلك بس شوي لحتى بالفحوصات وقت تجي تزاكر بتلاقي حالك لسا متزكرن نصيحة طالبة نجيبة
لا تحمل هم الغد فقد لا يأتي الغَدُ**فتكون قد ضيّعت سرور اليوم
**ToDaY Is A NeW DaY **☠♥ believe in your dreams so they believe in you too |
||||||
|
|
|
28/02/2009
|
#16 | ||||
|
عضو
-- مستشــــــــــار --
|
هتلر بلاها مزكراتك التهي بدراستك يفضج كبرتك انت واستاذ الديانة وشوفير الميكرو الاولاني |
||||
|
|
|
|
«
الموضوع السابق
|
الموضوع التالي
»
| أدوات الموضوع | |
|
|
الساعة بإيدك هلق يا سيدي 21:28 (بحسب عمك غرينتش الكبير +3)