برلسكوني فضائح وتأييد شعبي

[marochka]

تزخر وسائل الإعلام الغربية خلال الشهر الماضي بأخبار رئيس الوزراء الإيطالي سيلفيو برلسكوني، فبعد الأخبار عن علاقاته مع فتيات قاصرين والذي فجرته زوجته عند طلبها الطلاق، بثت المواقع الالكترونية لصحيفتي لاريبوبليكا ولسبريسو المعارضتان، شرائط صوتية تدعي إحدى فتيات الهوى أنها سجلتها لبرلسكوني أثناء قضائها ليلة ساخنة معه، بالإضافة إلى تسجيلات لها مع رجل الأعمال المتهم بتسهيل الدعارة بالإضافة إلى تهم أخرى أشد خطورة، ورغم أن برلسكوني استمر بإنكار التهم، إلا أنه قدم اعتراف ضمني بها عندما علق على سؤال عن هذا الموضوع بالقول: أنا لست قديساً. وفي مرة أخرى قال أن من الصعب على الرجال عدم التأثر مع وجود كل هؤلاء الحسناوات في العالم.
أما الأخطر فهي التسجيلات التي يذكر فيها وجود آثار فينيقية في الفيلا التي يملكها برلسكوني في جزيرة سردينيا، والتي يطالب العلماء والسياسيون الآن بالتأكد من وجودها، والتي تشكل خرقاً كبيراً للقانون في حال كانت صحيحة.
وتواصل الصحف الأوروبية في الدول الأخرى تهكمها على رئيس الوزراء الإيطالي وعلى النظام السياسي الإيطالي الذي لا يفعل شيئاً مع فضائح كانت كفيلة بإسقاط أي رجل سياسة في أي مكان آخر من العالم.
والغريب أن التأييد الشعبي لبرلسكوني لم يتأثر كثيرأ بكل هذه الأخبار فمازال يحظى بنسبة تأييد تفوق ال57% وربما يعود ذلك إلى قدرته على إنعاش الاقتصاد رغم الأزمة العالمية، حيث حافظ مستوى التضخم في إيطاليا على مستواه منذ العام الماضي رغم كل التوقعات بازياده

[محمد ابراهيم]

شبدي قول !!
الاوروبيين طلعو متخلفين مو متحضرين متلنا !!
مابيعرفو انو حياتو الشخصية "شخصية " و "خاصة" خليون يجو ويشوفو عنا حدا من الشعب بيعرف شيئ عن حياة الزعماء الشخصية !! متخلفين

[marochka]

بس القصة أنو حياتو الشخصية بتأثر على قراراتو السياسية، يعني لما يكون مرشح 2 من بنات الليل يللي بيتواجدو بحفلاتو ليمثلو ايطاليا بالبرلمان الأوروبي، بيصير في شوية لغط بالموضوع.
هو المهم أنو بكل العالم الفساد مستشري، هلأ صحيح ما بيطلعلون يوصلو للمستويات اللي عنا، بس بالنسبة للأخلاق كلو أضرب من بعضو، الفرق أنو هني إذا انكشفو بيتحاسبو أما عنا اللي بينكشف بيتكافأ بدل ما يتحاسب

[محمد ابراهيم]

كاتب النص الأصلي : marochka

بس القصة أنو حياتو الشخصية بتأثر على قراراتو السياسية، يعني لما يكون مرشح 2 من بنات الليل يللي بيتواجدو بحفلاتو ليمثلو ايطاليا بالبرلمان الأوروبي، بيصير في شوية لغط بالموضوع.
هو المهم أنو بكل العالم الفساد مستشري، هلأ صحيح ما بيطلعلون يوصلو للمستويات اللي عنا، بس بالنسبة للأخلاق كلو أضرب من بعضو، الفرق أنو هني إذا انكشفو بيتحاسبو أما عنا اللي بينكشف بيتكافأ بدل ما يتحاسب

شوف يا معلم انا كنت متابع الموضوع من فترة ، واللي بعرفو انو اصلا ما كان بيعرف انها بنت ليل ، هو كان معتقد انها صديقة لاحد معارفه ، مابيعرف ان هالرجل جايب الو بنت ليل ، مافي سياسي رح يخاطر بمستقبلو السياسي مع بنت ليل ، ممكن تفضحو ب الفين يورو يدفعون صحفي بصحيفة درجة تالته مشان ياخد منها القصة كاملة .
على كل حال اداء الرجل اقتصاديا جيد جدا وبيكفي انو رجل اعمال ومتفرغ لاقتصاد الدولة وسياستها .

[marochka]

كاتب النص الأصلي : محمد ابراهيم

شوف يا معلم انا كنت متابع الموضوع من فترة ، واللي بعرفو انو اصلا ما كان بيعرف انها بنت ليل ، هو كان معتقد انها صديقة لاحد معارفه ، مابيعرف ان هالرجل جايب الو بنت ليل ، مافي سياسي رح يخاطر بمستقبلو السياسي مع بنت ليل ، ممكن تفضحو ب الفين يورو يدفعون صحفي بصحيفة درجة تالته مشان ياخد منها القصة كاملة .
على كل حال اداء الرجل اقتصاديا جيد جدا وبيكفي انو رجل اعمال ومتفرغ لاقتصاد الدولة وسياستها .

يعني بدو يكون غبي كتير لحتى ما يكون بيعرف، وإذا بتلاحق شخصيته والنرجسية اللي عندو بتعرف أنو ما عندو مشكلة لأنو بيعرف أنو ما عم يخاطر بمستقبلو السياسي، لأنو هيك موضوع ما بيأثر بإيطاليا بالعكس ممكن يزيد شعبيته. وكونه عم يعطي نتائج اقتصادية جيدة فهاد ما بيعني أبداً أنو ما في فساد بالموضوع، يعني في أنواع من الحرامية أذكياء، بيستفيدو وبيفيدو غيرون لحد ما لحتى يحمو حالون، وكتير من الإيطاليين بيعرفو هالشي وبس تناقشون بيقولولك أنو المشكلة أنو ما في بديل أحسن، الباقي يا حرامية أكتر منو بكتير، يا فاشلين بالإدارة