هل ستبقى ذكراك حية بعد موتك؟؟

[جلنارالغالية]

بعد التحية

كم راودني هذا السؤال وكم جال في خاطري؟؟ كلنا يعلم ان مصيرنا الموت وان الموت لابد سيلحقنا اينما كناومتى وجدنا فمن منا لم يفقد شخصا عزيزا عليه تقطعت اوصاله على فراقه وانهمرت دموعه مدرارة اسى لوداعه ومن منا لم يلعن الموت وساءل الله وناجاه كثيرا ان يرد له الغالي عليه وان يراه مرة اخرى اخيرة

و قد يجد الناس ان فكرة الموت بحد ذاتها مرعبة بغض النظر عن المعتقدات الدينية والاخلاقية اتجاه الموضوع لكن سؤالي هو انت اذا مت هل تعتقد ان احدا سيتاسف لغيابك ؟هل تعتقد انهم سيبكون عليك طويلا؟ اتعتقد انهم سيزورون قبرك مراراوسيشعلون الشموع ويرددون التراتيل؟؟ ويدعون لك في صلواتهم ويترحمون عليك هل تعتقد ان ذكراك ستضل حية بينهم
هل ترى ان موتك سيحدث تغييرا فيمن حولك اهلك اصدقاءك عائلتك ..محيطك اتعتقد انهم لن يهتموا الا بتقاسم تركتك اذا كنت غنيا ام ترى انهم سيكتبون لك صفحة ذكرى باحدى الجرائد ....هل ستبقى كان لم تمت

ارجو الجدية في الاجابة عن الموضوع سلامي جلنار الغالية

[mblue]

كاتب النص الأصلي : جلنارالغالية

هل ترى ان موتك سيحدث تغييرا فيمن حولك اهلك اصدقاءك عائلتك ..محيطك اتعتقد انهم لن يهتموا الا بتقاسم تركتك اذا كنت غنيا ام ترى انهم سيكتبون لك صفحة ذكرى باحدى الجرائد ....هل ستبقى كان لم تمت

ليس المهم احداث التغيير بعد الموت ...!!!! المهم هو احداث التغيير قبل الموت .
يعني اذا بده يستنى الواحد لحتى يموت ليحس فيه الناس اللي حواليه او المجتمع اللي عايش فيه سواء القريب او البعيد فمعناها هو ما قدم اي شي وكانت حياته مجرد تحصيل حاصل ... واذا كان الانسان بحياته ما حدا بيسأل عليه او كان مو مهتم فيه فأكيد بعد موته ما رح يتغير الوضع كتير ( الا بحالات كتير كتير خاصة وقليلة ).
طبعا في كثير من الاحيان مشاغل الحياة والروتين المزعج اللي منعيش فيه في سبيل تحصيل متطلبات العيش الضرورية بتخلينا ننسى كتير من الناس اللي احتكينا فيهم بالحياة ومروا فيها مرور الكرام ... بس بالتأكيد بيبقى الاشخاص اللي عملوا فينا تغيير وهنن عايشين الهم دائما مكان ووجود بحياتنا حتى بعد موتهن ومنتذكرهن ولو كان حتى في المناسبات او بمرات قليلة بس منذكر انه كان في شخص بيوم من الايام وكان اله تأثير بحياتنا او ترك مكانة خاصة بقلوبنا...
النظر للموت بطريقة سلبية كتير خاطئ ... مو المهم انه افكر من هلق اذا بدها تورثني عيلتي وما تزعل على فراقي او تتذكرني او تحطلي نعوة بالجريدة المهم انه اعمل لاترك تأثير ايجابي بحياة كل مين عم اتعامل معه بالحياة
وبالنهاية الموت هو من شيء مفروض على كل انسان والنسيان نعمة في كتير من الاحيان .

[مشلف من المدرسة]

لو استطاع الانسان تغيير نفسه وما فيها من شر لاستطاع تغيير العالم بأسره وكما قال اخي بلو انه المهم التغيير قبل الموت ..... لكن ما في واحد بيعترف بفضل غيره الا اذا كان هناك فضل من أصله.
شاكر على الموضوع واقبلوا المرور
تحياتي ولي رجعة

[savage garden]

اهلي اكيد اكتر ناس رح يزعلو علي
وخطيبتي
ويمكن يمكن
يمكن تتاثر حبيبتي السابقة

تزكرونا ولا ما تزكرونا
وئتها بيكون همنا اشي مختلف كتير
بيهمنا بس انو نلائي اشي منيح نئابل وجه ربنا فيه

[DARKNESS]

اذا متت من الجنس اللطيف ما حدا رح يتعطل لأنو ما في حدا بقلبي

اكيد امي و اهلي رح يزعلو

و رفقاتي بيزعلو

و الانترنت اكتر شي بتزعل لأنو ما بعود ساوي بأخوية مواضيع و لا بعود اشيك ايميلي ولا بعود شوف اشتراكاتي بكذا موقع

و كمبيوتري رح يفقدلي اكتر شي لأنو حياتي كلها وراه

هيك بعتقد من ناحية تجريدية اما من ناحية عملية ما بعرف

[marochka]

موت أي شخص لابد وأن يترك أثر، مهما كانت نوعية علاقة هذا الشخص بالأشخاص المحيطين به، كل شخص هو فريد من نوعه والموزاييك الذي يتكون منه العالم يختلف بتغير أي قطعة فيه مهما كانت صغيرة، واختفاء أي شخص من حياة الآخرين يغيرها حتى لو دون أن يدرو بشكل واعٍ بحدوث هذا التغيير. حتى المشرد الذي لا نهتم لوجوده في زاوية الشارع عندما يختفي، فسيتغير منظر الشارع بالنسبة لنا، كل شخص يشكل جزء من وعي الآخرين للعالم المحيط بهم وغيابه يغير من هذا الوعي.

[وردة حماة]

بظن اذا متت
راح يزعلو اهلي
ورفقاتي
ويتيتمو ولادي حرام لسى زغار ما بعرفو شو الموت
واهم شي راح يزعل جوزي
اهئ اهئ اهئ

المهم الله يحسن خاتمتنا يا رب

يسلمو عالموضوع