صور فريق جدة المتحد للنساء - معقول هي السعودية

[lostman1]

[lostman1]

تقرير عن سي ان ان - شي بيمخول شو هالتناقض بالمجتمع السعودي - ما رأيكم بهذا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Majood]

خي الموضوع ما بيكون بوضع صور و بس ... مجتمع شو و فريق شو و تناقض شو يللي عم تحكي عنو ...
خلينا نفهم القصة لحتى نقدر نقيم و ازا خرج ندلي بدلونا

[lostman1]

فريق كرة سلة بالمملكة و كلهم يتدربوا بالشورتات و الشيالات و تقولي شو الغريب ؟؟!!

[zen]

كاتب النص الأصلي : lostman1

فريق كرة سلة بالمملكة و كلهم يتدربوا بالشورتات و الشيالات و تقولي شو الغريب ؟؟!!

حببيب قلبي التدريب بيصير بمكان مغلق يعني صالة رياضة خاصة مو بالشارع
هي اولا
يعني هدول عباب الصالة بيبلبسو العبايات شيتون
تاني شي بجدة في هيك نوادي كتير وفي شواطئ خاصة
مشان الاجانب
بيفوتو عليها السعوديين
وتالت شي مع الأسف هاد الموضوع مانو شأن سوري
وغير هيك ما خرجووووو بالمرة يكون بالمنبر
بس

[مجنون يحكي وعاقل يسمع]

اخس , شو وين الرجاجيل , ماعاد في حدا , والله والله مهدور دمكون كلياتكن , ودم أولياء أموركم ,فعلاً اللي اختشو ماتو , انعمى ما عاد حدا فكّر بالشعور الوطني والأمن الوطني والشعور القومي , شلون بدنا نحافظ على الشعور الوطني , وصارو بنات السعودية يكشفو شعورهن , كيف ما بدو يضعف الشعور الوطني
كلو بدو قص رقبة تعزيز

[BL@CK]

بس بدي افهم من العضو "lostman1" يعني لإيمت بدي أقعد أنقل وراك مواضيع من المنبر ..

يا أخي في ألف قسم بالأخوية ..

يا عمي الأخوية مانا بس منبر , و ما كل المواضيع مطرحا المنبر .. دخيل عيونك ركـّز .

[L.A.]

هاد فريق اتحاد جدة مو "جدة المتحد"...و هو فريق مكون من بنات سعوديات و غير سعوديات....
ما بيملك الفريق ترخيص رسمي بسبب فتاوى بتحرم انشاء فرق رياضية للبنات....
و الصور و الفيديو نشرتون الواشطن بوست بدون إذن السلطات.....و الله أعلم هلق شو مصير النادي

[وشم الجمال]

ما بدي علق عالموضوع بس بدي اسألأ صاحب الموضوع شو هدفو من كل مواضيعو يعني كلن بصبوا بنفس الاتجاه ....حاول اشغل حالك بشي افضل من هالتهجم لانو مالو اي معنى مبطن و فاضي واعذرني على حكيي

[الباحثة عن الحرية]

يعني وين المشكلة ؟؟ متل ما فيه ناس بتمنع هذا الشي بالسعودية في ناس بتقبلو متلو متل اي مجتمع
بعدين شو مشان كل مواضيعك تقريبا نفس الشي

[ِAbu Alzooz]

كاتب النص الأصلي : BL@CK

بس بدي افهم من العضو "lostman1" يعني لإيمت بدي أقعد أنقل وراك مواضيع من المنبر ..

يا أخي في ألف قسم بالأخوية ..

يا عمي الأخوية مانا بس منبر , و ما كل المواضيع مطرحا المنبر .. دخيل عيونك ركـّز .

انت حقللو هالامنية
على عيد ميلادو

و خليلو شي موضوع بالمنبر

[Ms. J.A]

كاتب النص الأصلي : ABU WILLIAM

انت حقللو هالامنية
على عيد ميلادو

و خليلو شي موضوع بالمنبر

تسؤ ..
الوضع اقرب ما يكون للصعب
شيل فكرة عيد ميلادو و بنوصي سانتا ع راس السنة ينزللو موضوع بالمنبر وبيثبتو
ما اتخيل سعوديات والأمور ماشية هيك ! L.A كلامها ممكن الواحد يستوعبو !