الاسطول الجوي المدني السوري يتآكل بسبب الحصار الاميركي

[Government]

وزير النقل يكشف عن اضطرار مؤسسة الطيران السورية الى تعليق الرحلات واختصار الخطوط.


دمشق - اعلن وزير النقل السوري يعرب بدر تراجع الاسطول الجوي المدني السوري الذي لم يعد يتألف سوى من ست طائرات ايرباص بسبب الحصار الاميركي المفروض على سوريا، بحسب ما ذكرت صحيفة "البعث" الرسمية الثلاثاء.

وقال الوزير بدر "تراجع الاسطول الجوي السوري خاصة مع خروج طائرات بوينغ 727 من الخدمة وطائرات بوينغ وجامبو 747 التي لم يبق منها سوى طائرة واحدة حيث تم التجديد لها حتى تشرين الاول/اكتوبر المقبل".
وردا على سؤال، اوضح الوزير السوري "ان مؤسسة الطيران العربية السورية بصدد اعادة النظر ببعض الخطوط القائمة وتعليق بعض الرحلات (...) بما يتوافق مع انخفاض عدد الطائرات التي تعمل حاليا".
وكانت الشركة السورية تملك حتى الان ثماني طائرات بوينغ وست طائرات ايرباص.
وقال الوزير "كان هناك اعلان منذ سنوات عن شراء طائرات حيث رسا على شركة ايرباص بعد تكراره اكثر من مرة (...) لكن الشركة وضعت شرطا مفاده انه لا يمكنها الالتزام بفترة محددة لتوريد هذه الطائرات، وهذا ما ادى الى تعثر توريد عقد ايرباص".
واضاف ان "الحل هو العمل على اكثر من محور بديل وكان احدها استئجار طائرات".
وقال الوزير السوري "لقد تم تأسيس اول شركة طيران سورية خاصة هي 'سوريا لؤلؤة' حيث تملك شركة الطيران السورية نسبة 25% لقاء تقديم لا شيء وانما فقط تملكها بالاسم".
واوضح "اخذنا علما ان اللؤلؤة السورية ستضع في الخدمة خلال هذا الصيف طائرتين كمرحلة اولى ويرتفع العدد بعد ذلك الى اربع طائرات قبل نهاية العام". وتفرض الولايات المتحدة منذ 2004 عقوبات على سوريا المتهمة بدعم الارهاب. وتتناول العقوبات خصوصا حظر تحليق الطائرات السورية فوق الاراضي الاميركية وتصدير المنتجات الاميركية الى سوريا باستثناء الغذاء والادوية.

[حلبي]

ولي على الطاقم الأصلى أولا

العدد الكامل للطاقم 18 يعني أشو هي 18 طائرة الله وكيلكو هذا العدد يقلع من أي مطار دولة أخري خلال 6 دقائق

أصلا ما في شي أسمه طاقم على المستوى الدولي

السوبركرافيل أخر دولة في العالم هي سوريا أستعملتها لا كان في شي أسمه حصار و لا كان في شي أسمة ما بعرف أشو العذر تبعهون

مشكور أخي حسون على الخبر

[souriana]

طيب هلق ماعاد يشترو غير بوينغ

شفنا الطيارات الروسية الجديدة كتير باينتها ممتازة ليش ما يروحو يستفقدوها

[حلبي]

كاتب النص الأصلي : souriana

طيب هلق ماعاد يشترو غير بوينغ

شفنا الطيارات الروسية الجديدة كتير باينتها ممتازة ليش ما يروحو يستفقدوها

و كأنو الله ما خلق إلا أميركا

مو بس بديل الروسي في بديل مليون غير الأمريكي

بعدين هل من المعقول أن نستنى العم سام يتحكم فينا

و الله سمعة

[sandra]

اي فعلا هالسنة مافي مقاعد شاغرة على الطيران السوري لان كتير رحلات انلغت مواعيدها بسبب قلة عدد الطائرات
يا عيب الشوم على هالطيران وهالطيارات العايفة حالها
ولسه بيحطو الحق على اميركا بكل هالقصص

[Government]

للاسف العطل مو من الطيران ..
المحزن بالموضوع انو اسطول الطيران السوري كل مالو عبقل .. بينما بتشوف اسطول طيران القطرية مثلا وصل عدد طيراتو ل70 طياراة !!
ورح يتضاعف هالعدد خلال التلت سنين القادمات ..
بينما الاسطول السوري وللاسف عبيتاكل بسبب الحصار بغض النظر عن جودتو او عدما .. بس للاسف الوضع بدال مايتحسن رح يصير اسوا .. بالاضافة انو هالست طيارات الباقية مابتوقلا مدة طويلة لانو رح تتاكل كمان وتستهلك بشكل فظيع ازا 6 طيارات بس عبتغطي الخطوط كلا تبعت الشركة فتخيلو شو رح يصير بهالطيارات بعد مدة مابتوقعا طويلة .. بينما مثلا خط من خطوط القطرية عبتغطي مايقارب ال70 طيارة !! وكلن من الطراز الجديد
عكس ال6 طيارات اللي بقيو بالشركة السورية اللي منعرف كلنا مستواهن

[souriana]

كاتب النص الأصلي : حلبي

و كأنو الله ما خلق إلا أميركا

مو بس بديل الروسي في بديل مليون غير الأمريكي

بعدين هل من المعقول أن نستنى العم سام يتحكم فينا

و الله سمعة

طيب كمان الايرباص عم تتشرط
انا شفت عرض الطيارة الروسية الجديدة يارجل عنجد عملت ثورة بصناعة الطائرات المدنية الروسية
حتى شفت مقطع فيديو مستشارة المانيا عم تتفحص الطيارة لما اجت على برلين

[Government]

كاتب النص الأصلي : حلبي

ولي على الطاقم الأصلى أولا

العدد الكامل للطاقم 18 يعني أشو هي 18 طائرة الله وكيلكو هذا العدد يقلع من أي مطار دولة أخري خلال 6 دقائق

أصلا ما في شي أسمه طاقم على المستوى الدولي

السوبركرافيل أخر دولة في العالم هي سوريا أستعملتها لا كان في شي أسمه حصار و لا كان في شي أسمة ما بعرف أشو العذر تبعهون

مشكور أخي حسون على الخبر

اخي حلبي .. بالوقت هلأ نحن ماعمنحكي ع جودة الطيران ونوعيتو .. مابنكرلك انو الطيران السوري يعتبر مو كتير جيد نوعا ما .. بس انو هال18 طيارة على عزرن كانو ع الاقل قايمين باسم الشركة السورية كأسم وكخدمات ع الاقل .. بس بالوضع الحال وب6 طيارات .. واللي مارح يطولو كتير رح يتاكل ببساطة وممكن اسم شركة الطيران السوري يروح وينقرض ازا ماتعدل الوضع .. بقى 18 طياراة مانتكين وعبدفشو
ولا بلا شركة طيران بالمرة ؟؟

كاتب النص الأصلي : sandra 82

اي فعلا هالسنة مافي مقاعد شاغرة على الطيران السوري لان كتير رحلات انلغت مواعيدها بسبب قلة عدد الطائرات
يا عيب الشوم على هالطيران وهالطيارات العايفة حالها
ولسه بيحطو الحق على اميركا بكل هالقصص

حتى هون بقطر .. خط على حلب مافي لازم كل واحد بدو يسافر ع حلب بعد بمطار الشام مايقارب 4 ساعة بالروحة لبين ماتجي طيارة حلب " المرعبة " وبالرجعة ممكن يستنى اكتر من 12 ساعة بترانزيت مطار الشام لتجي طيارة الدوحة ..
طبعا كمان بقلك نفس الفكرة ياعيب الشوم ع الطيران وانواعو وساليني الي .. بس يعني هالمرة الحق ع امريكا عنجد .. لانو وعحسب ماسمعت القطع اللي بتخرب من هالطيارات ممنوع يتصدرو من امريكا قطع تصليحن ع حسب مامسعت مافي منا غير بامريكا .. يعني القطعة اللي بتتشرك من هالطيارة ازا ماانجابت من امريكا قطعة الغيار تبعا . .فمافي اي مكان تاني تجيبيا منا .. وطبعا الحصار الامريكي بمنع استيراد هيك قطعة .. وبالتالي القطعة صارت للكب .. ومافي قطع بديلة واكيد الطيارة رح تنقصا ..
وهكزا

[Government]

كاتب النص الأصلي : souriana

طيب هلق ماعاد يشترو غير بوينغ

شفنا الطيارات الروسية الجديدة كتير باينتها ممتازة ليش ما يروحو يستفقدوها

مابعرف بالنسبة للموضوع الطيارات السورية بس انو اكيد في مانع عبيمنعن من هالشي .. ولا يعني ماكانو وصلو لهالوضع المحرج
مابتعرف ..!

[souriana]

الطائرة الروسية الجديدة سوبرجيت 100 SUPERJET 100

[simsima57]

طيب وبعدييييييييييييييييييين ...............؟؟

والحل؟؟؟

[حلبي]

كاتب النص الأصلي : Government

مابعرف بالنسبة للموضوع الطيارات السورية بس انو اكيد في مانع عبيمنعن من هالشي .. ولا يعني ماكانو وصلو لهالوضع المحرج
مابتعرف ..!

أخي حسون هناك مليارات الحلول صدقني

دون التأثر بالعم سام

كثير من الدول ليست بحاجة لأمريكا و الحمد لله أني عندنا بس كم طيارة

المصيبة الحقيقية لو كان عندنا أسطول حسب المعايير الدولية

و الشركة عندها ألتزمات في عقود طويلة الأمد هكذا تكون من أكبر المصائب

أما حال الشركة لا شيئ لأنها لا تعادل شركة نقل داخلي في أي شركة للقطاع الخاص في دويلة لا تساوي حجم مالطة

[YaSeR]

طيب ماشي البوينغ اميركية امنا وصدقنا
الايرباص اوروبية .. شو المشكلة اذا مافي حصار اوروبي على سوريا

[ابو ريتا]

بظن لا فرنسا ولا بريطانيا الهم مصلحة ببيعنا الطياراتمشان العلاقة مع أمريكا

[yass]

كاتب النص الأصلي : YaSeR

طيب ماشي البوينغ اميركية امنا وصدقنا
الايرباص اوروبية .. شو المشكلة اذا مافي حصار اوروبي على سوريا

ايرباص شركة أوربية بس فيها أكثر من 10% من القطع الأساسية من انتاج أميركي ( و قرار الحظر الأميركي يشمل الشركات الأميركية و يمنعها من التعامل مع شركات تتعامل مع سوريا اذا في أكثر من عشرة بالمية من المكونات من انتاج أميركي.. قانون شغل قراصنة يعني..) يعني اذا ايرباص باعت لسوريا أميركا فيها تسحب الانتاج الأميركي من الشركة و بالتالي يخرب بيت الشركة

ما بعرف شو صار بالمحادثات مشان الطيارات الروسية... ع أساس مشي الحال و كان بدهون يعملو مركز صيانة لكل الشرق الأوسط بسوريا ...

[Government]

طيب ياترى شو الحل لهالقصة الخطيرة بعتبرا انا وخطيرة جدا .. انو ست طيارات عبتشتغل ع كل الخطوط
شقد رح يصمدوا هدول ؟
ودرجة السلامة والامان فين كيف رح يكون وضعا ؟ (وكلنا بيعرف كيف شكل هالطيارات للي عنا )
واسم الشركة السوري شقد رح يضل ازا مانحلت هالمشكلة باي وسيلة ؟

اسالة خطيرة بتهدد الطيران المدني وامنو وسلامتو واسم الشركة ع مدار المدة الجاي ..

[المحارب العتيق]

الموضوع بيضحك لسببين
أولهم أنو رئيس الوزراء كان عميقول من أقل من سنة أنو الحصار الأميركي مالو أي تأثير .
وثانيا أنو هاد الخبر عم يتزامن مع أطلاق شركة طيران لرامي مخلوف

[sandra]

كاتب النص الأصلي : المحارب العتيق

الموضوع بيضحك لسببين
أولهم أنو رئيس الوزراء كان عميقول من أقل من سنة أنو الحصار الأميركي مالو أي تأثير .
وثانيا أنو هاد الخبر عم يتزامن مع أطلاق شركة طيران لرامي مخلوف

شركة طيران لرامي مخلوف
اي قولوا هيك من الاول