[Abu ToNi]

مسيرة المهندس المظفرة
ما تحسبوا من الاسم شي شغلة يعني كله ظفر باحد معانيه
يعني عالم بتفهم بالظفر .. اللحمة الظفرة والاكل التقيل والمطاعم الفخمة
وعالم امثال القراصنة بتحرق سماك بالمعنى اللغوي .. وبالحروب المظفرة تبعها ..

بس انه يعني انا ما هدول ولا هدول انا من العالم وانا من الشعب
بس الشعب مانه معي
قال شو مافي دمقراطية
بس انه بدنا نمشيها هاي المرة
بس وجب التنويه اني ضد العشب بس ماني من الزعما

المهم منرجع للمسيرة المبهدلة تبعي :


المشهد الأول :
كافيه انترنت

الزمان :
قبل 10 دقائق من صدور المفاضلة الثانية للقبول الجامعي :

- حضرتي : refresh ... refresh ... refresh ... refresh
شو القصة ؟!؟!؟! ليش ما عما تفتح الصفحة
- غريب جالس بجاني : لا تاكل هم .. الا ما تفتح .. بالاخير حتى لو فتحت .. انت اللي بدك تنفتح
- حضرتي (( توقعت اني سمعت غلط .. خصوصا اني ما كنت نايم بليلتها منيح ))

refresh refresh .. هااااااااا فتحت فتحت
- خربني شو صار معك .. انفتحت ولا لسع ؟!
- غير مهتم بالاساءة ... وهي دخلنا الاسم .. وهي دخلنا الرقم ... enter
يسسسسس .. واحلى هندسة .. (( على الموبايل )) .. ما ماااااااااااااااااا ماماااااااااا
طلعلي هندسة ... مامااااااا انا بدي اصير مهندس .. مامااااااااااااااا
- : اللي بيسمعك بقول عنك ملاقي 500 ليرة بالطريق
- لك اشبك ؟!!؟ صرلك ساعة عبتاكل هوا .. انا هلق دخلت هندسة .. بتجي بتحكيلي ب 500 ليرة .. مجنون انت .. بعدين تعا لهون .. انا بعرفك شي ؟!
- لا ما بعرفك .. بس حابب اتعرف عليك .. بحب دائما تكون علاقتي جيدة مع الزبالين
- لك اش زبالين ما زبالين .. عبقلك هندسة .. هندسةةةةةةة
- نفس الشي ..
الكمالة تبع المشهد ما بتنفع اني اكتبها هون :