اقتباس:
كاتب النص الأصلي : yass
قصة آلدو:
آلدو شب يدرس معي باسبانيا و هو أمريكي و أصلو من بورتو ريكو. أبوه طبيب بجاكسونفيل (فلوريدا). آلدو يدرس باسبانيا لأنو أرخصلو, دراسة الطب بأمريكا تكلّف على الأقل حوالي 40 ألف دولار سنويا و هو ما عندو قدرة يصرف هالكميّة. أخت آلدو الأكبر منو درست طب بمنحة من الجيش الأمريكي (بأمريكا سنة البكالوريا يجي الجيش يغريك أنو تدرس على حسابو مقابل تضع نفسك تحت تصرفه لعدد من السنوات , حسب الجامعة اللي راح يدفعولك اياها). أخت آلدو دخلت الجامعة بال99 , يعني قبل العراق و أفغانستان و كل هالمشاكل. لمّا خلصت الجيش الأمريكي طالبها بالأربع سنين خدمة, الأب ناشط اجتماعي و سمعتو منيحة و كذا و لذلك عمل جهدو منشان بنتو تخدم داخل أمريكا بس ما مشي الحال... بعتوها عالعراق و مسخرة بأبوها كمان. لأنو أبوها ناشط ضد بوش و ضد الحرب ضمن جمعية المهاجرين الأمريكيين الجنوبيين.
آلدو انسان رائع و عقلاني , و أيام مظاهرات ضد الحرب ما غاب عن وحدة... بس أختو عم تخدم مجبرة بالعراق, الأب عم بيصفي أعمالو بأمريكا و راح ينتقل عالبرتغال من خيبة أملو بأمريكا...
أنا ما أرضي ينقال عن أخت آلدو انها بنت زنا متل ما أنت عم بتقول .... أنا ضد حرب العراق و ضد السياسة الأمريكية و مع حرية العراق ... لكن هالشي لا يعني اني أكون سادي و أعشق الدم منشان أغطي على خيبتي.... المشؤولين عن الحرب هم كبار الجنرالات اللي ما يوسخ تيابو بأرض المعركة... المعترين اللي عم بيموتو هنن فقراء أمريكا, المهاجرين المساكين.
أكيد في ولاد حرام متل شلة أبو غريب... بس بتعرف قديش النسبة المئوية من الجنود الأمريكان الشباب اللي يرجعو مع مشاكل نفسية بسبب رؤيتهم ما ينافي قناعتهم؟
|
صديقي العزيز انت عم تحكي عن حالة خاصة وانت ما بتقدر تأكد هالشي من تجربتك مع شب صاحبك وتنهي الموضوع
على كلن اسف منشان اخت الدو رفيقك
لست اعرف ما الذي يجبر الاعمى على الاستيقاظ رغم انه يرى في المنام
..................... هذه هي حالي
ولا مثلي صبري صبر في محنته انسان ولا مثلي ناح وبكى في محبسه الكروان
احرام على بلابل الدوح حلال للطير من كل جنس