هاهاااا....بما انو فردتي شعراتك الحلوين وعملتي ركوة قهوة سادة و رفعتي الكلفة (استاذ منطقي..شطور..الخ)...علما اني ماني ابن دورتك ويمكن يكون بيني وبينك كذا سنة فرق عمر...وبما انك من (الحريم يللي بيحبو طق الحنك) فما في مانع...بس خليكي اذا بتريدي ضمن حدود الادب ولاترفعي الكلفة...لاني ماني رفيقك بالجامعة....
اقتباس:
اهلين استاذ منطقي
|
احسن من قشط الكلام شروي غروي ع نسق صالونات الحلاقة وشغل سمعتي شو قالت فلانة وشو قالت علانة...
اقتباس:
|
كتير شايفتك مثقف ودقيق جدا بالارقام من وين جبت 400 برميل نفط يوميا
|
اما بخصوص موضوع ثقافتي ودقتي فهاد الشي ما كتير مختلف عليه...بيبقى عليكي تسألي العالم يللي بيعرفوني...لتتعرفي....
اما من وين جبت فياريت تقري المقالة يللي لزقتي رابطها ادناه...واكيد بدون ما تقري الكلام الموجود فيها لان حسب مقالتك فوزير النفط اليمني هو يللي قال بتاريخ 18 اب 2009 ان انتاج بلده نزل لل 287 الف برميل يوميا (مقارنة مع 300 الف يوميا في العام السابق)...يعني اقل من الرقم يللي انا عطيته (400 الف) ويللي قلت انو هو كان اعلى انتاج للنفط من سنة 1986.....
يعني الحمد لله لا طلعتي قارية ردي مظبوط ولا قريت المقالة يللي لزقتي رابطها تحت...
الرد موجود فوق...
اقتباس:
عالعموم مو هون حديثنا نحن حديثنا عن القات وبس ولا تغير الموضوع
|
سبق وقلت باول رد الي بالموضوع مايلي
اقتباس:
|
مناقشة موضوع تعاطي القات هو موضوع مرحب به وفينا نناقشه بكل رحابة صدر اما تنزيل صور بهالشكل فهي موضوع جدا مستهجن....هي واحد
|
انتقادي كان لاسلوبك بطرح الموضوع مو بالحديث عن ظاهرة القات..
وانا ما غيرت الموضوع..انتي يللي اتحفتينا بمعلومتك (الفاضية) انو اليمن بلد غني نفطيا وقارنتيه بالخليج وانا فندتلك وجهة نظرك بالارقام....وكمان ما عجبك..
-
اقتباس:
ولي على حالي
شو مفكرني ما بعرف هدول الشغلات
ولا جايه عبتعرض ثقافتك على سمايي
على كل شكلك تعبت حالك بالطباعة بالكبيورد يسلمو كتير
بس انت ما أضفت شي جديد هالمعلومات انا بعرفا وبعرف منيح الحرب اللي صارت باليمن عام94 ووحدة شمال وجنوب اليمن عام90....
بس انت شكلك ما فهمت قصدي منيح
انا عمبحكي انو القات سبب من أسباب التخلف مو كل أسباب وانا كتأكدة انك بتعرف البعض من الكل
طيب شو رأيك تقرالي هالمقالة شنو بتكفي وبتوفي
سبب تخلف اليمن دينياً واقتصادياً وعلمياً(القات وما ادراك ما القات ...
القات يستنفد الماء والوقت في اليمن
http://marebpress.net/news_details.p...rabic&sid=6115
شو رأيك
اذا الناس بضيعو نص عمرن بالقات بينما باليابات والغرب بيستغلو كل دقيقة من عمرن ما بدن يتخلفو لك شو هالمنطق المثير اللي عبتحكي فيه اتتتته
لك اليمنيين نفسن بيعترفو انو القات السبب الرئيسي بتخلفن
شفلي هالمنتديات اليمنية دخلك
|
ردي كان جدا واضح....انتي قلتي ان القات سبب التخلف وكـأنه السبب الوحيد وبعتقد كان ردي واضح انو في اسباب اخرى....
اضافة...انا لم اناقش ظاهرة القات ولا دافعت عنها...انا دافعت بالمجمل...عن..
1- ربط القات بالتخلف...واعتباره السبب الوحيد
2- رفضت اعتبار القات علامة للتخلف وقلتلك ان كبار المثقفين بيتعاطوه (وبالتالي لا يخرج عن اطاره كعادة وموروث شعبي متله متل الاركيلة)
3- رفضت اسلوب الساخر الاستهزائي...ونوعية الصور الموضوع...حتى عنوان الموضوع بحد ذاته استهزائي...
ارفع القبعة في النهاية لقدراتك الحوارية وبراعتك بنسخ وربط الروابط بدون قراءة...ورفع الكلفة....مع عالم مو انتي يللي بتحكمي مستواهم الثقافي...
سعيدة خيتو...وكل موضوع وانتي بخير...
عوفت...
