[الوطواط]

كاتب النص الأصلي : فاوست

ًصديقي العزيز
كتير عالم في سوريا ما كان إلها أي أهتمام ملموس قبل وفاة الدكتاتور حافظ الأسد لما إجا بشار الأسد العالم تاملت خير وأنفتحت منتديات وتأسست جمعيات والفترة هي عرفت بربيع دمشق
صحيح رياض سيف لم يكن له أي نشاط لكن وصول بشار للحكم شجع الكثيرين ومن ضمنهم رياض سيف على الأنخراط بالنشاط العام،لكن بشار طلع اضرب من أبو وخيب أمل العالم وبدأ بحملة الإعتقالات وإغلاق المنتديات

حكيك صحيح بشكل عام
بس مو بدقة لنه ما حدا فجأة بيتحول من حرامي ومن مرتشي الى مهتم بالشأن العام
واللي ابدوا اهتمام اوسع بوقت فترة "ربيع دمشق" كان الهن اهتماماتهن قبل بس على نطاق ضيق
ولما بتحكي برياض سيف بالمجال الأقتصادي
فيك تسمع الف فضيحة وفضيحة
واسأل عنها

كاتب النص الأصلي : فاوست

رياض سيف إذا بدك أعتقل بعد فضحوا لقضية الخليوي ةكيفية رسو استثماره على رامي مخلوف
في 23 من شهر أيار مايو 2001 فتح رياض سيف ملف الهاتف الخليوي في مجلس الشعب وقال بأن الصفقة تضيع على الدولة قرابة 346 مليار ليرة سورية وهو ما يعادل 7 مليارات دولار تقريباً، ثم قدم دراسة مفصلة تحت عنوان "صفقة عقود الخليوي". واعتقل على خلفية ذلك بعد أن رفعت عنه الحصانة الدبلوماسية وحكمت عليه محكمة الجنايات بالسجن لخمس سنوات. أفرج عنه عام 2006.

صديقي رياض سيف لما عرف انه ريحته طلعت ولما اتأكد انه رح يتم اعتقاله لفضائحه الأقتصادية
ولما عرف انه رفع الحصانه عنه عم ياخد طريقه
عمل هي الفرقعه اللي عم تحكي عنها وقصة عقود الخلوي ( واللي هي اكيد غلط ) حتى يغطي شي بشي
وهادا اللي بقلك عنه متاجرة بقضايا شعوب
وهادا اللي لازم نحنا نطالب بمحاكمته عليه
لأنه مو لازم نسمح لحدا يستخدم قضايانا للمتاجرة فيها او ليعمل رصيد اله عن طريقها

كاتب النص الأصلي : فاوست

أما التهم الموجهة لسيف فهي
"محاولة تغيير الدستور بوسائل غير مشروعة" و"التحريض على الصراع الطائفي".

اذا قريت مقاله الأخير قبل اعتقاله بعتقد بيكون واضح هالشي بالنسبة الك خصوصا لما بيلعب على الوتر السني والتوجه الطائفي (متل ما عم يعمل الخدام حالياً)

كاتب النص الأصلي : فاوست

بعدين بشار ورامي مخلوف وجميل الأسد وأبنائه وألهم وصحبهم اجمعين مو سارقين وماصين دم الشعب
حاج يازلمة حاج كذب بلا ما نلف وندور لك انا بشوف أنو صرماية رياض سيف وحتى لو كان سيء بتسوا عيلة الأسد

ما قلتلك مشكلتنا
شي بيغطي على شي عنا
بحياتك لا تخلي شي يخليك ما تشوف عن شي تاني

قضية الشر المطلق اللي ما كنا نخلص منها
واللي كل ما ينفتح موضوع ويتناقش فيه
بنلف وبندور وبنترك الموضوع وبنحكي من خلال الزاوية الضيقه اللي ما بقى قدرنا نشوف الا من خلالها