[التقرير الجوال]

ما يلوح في أفق و أفكار بعض المشاركين بأن العرب لم ينجزوا شيئ و لم يشاركوا في بناء الحضاره الانسانيه
و بصراحه أنا مندهش من أفكار البعض و محاولاتهن الجهيده لاثبات دونيه العرب في اطار الانجاز العلمي .

وين كان العرب .؟ اي صح كانو بحياة البداوه و حتى الحضر منهن .. بس كمان قامت الدوله العربيه و دقت مشارف الصين شرقاً و ابواب باريس غرباً كلو هاد بـ 95 هجري .. يعني دوله ذات دعائم " هون انا عم احكي عن الحضاره بمفهوم شمولي.. يعني مو بس عن التكنولوجيا " الحاصل دوله ذات دعائم و بنيان راسخ متين بس بخلال 95 من عمرها .. دخلنا العصر الاموي و اكتشف العرب " رقم الصفر, الدوره الدمويه, بعض الجراحات و و و " انتشرت هالاكتشافات مع الفتوح الاسلاميه .. دخلنا العصر العباسي صار في تقدم و حضاره و فكر "الحسن ابن الهيثم " أنشأ السدود يعني اذا فيك تقول كان مهندس بناء سدود لتنظيم مجاري الانهار " البصريات " الساعه يللي كانو يسموها " الميقاته " بالاندلس عملوها .. الأمير الاندلسي " الناصر " بجهود العلماء عمل مدينه كان سكانها 500000 كتير كتير هالتعداد السكاني بهداك العصر يعني المدينه كان اسمها " جوهرة العالم " .. تقسيمات اداريه و سكانيه حتى الاسواق فصلوها و عملو الها خصوصيات .
الكيمياء عند العرب و جابر ابن حيان يللي اكتشف الصودا و حمض النترات.. طيب أحمد زويل و اكتشافو يللي يرصد الجزيئات عند نشوئها و التحامها مع بعض .. علماء كتير عرب افادو الانسانيه .
يعني بالمختصر سمعتو شي بابن النفيس و شو اكتشف .؟ ابن سينا .؟ جراح العرب مطور أسلوب الولاده أبو القاسم الزهراوي.؟ الطبري.؟ ابن زهر.؟ من و ين اجت كلمه Algorithm مو الخوارزمي هوي المكتشف كمان كلمه Algebra .. نحن ما عم نبالغ بس عم نحاول قدر الامكان الانصاف .
و الله عيب كتير هالاجحاف .



طيب شو رأيكن نناقش كلمه " العرب " و نشوف من وين اجت عسا و لعلّ البعض يللي لغتهن يللي بيحكوها و يكتبو فيها بيصير عندهن هيك غير تطلعات .؟ بلكي تطلع هالكلمه أساس او انطلاقه جديده لحضاره الشرق الاوسط .. برأيكن ممكن.؟