اقتباس:
|
هلأ انا اكيد مع القومية وانا قومي سوري ومؤمن بقوميتي ...بس طبعاً انا ما بقصي حدا ولا ببعد حدا ...يعني انا صحيح اني قومي ومؤمن بالقومية بس ما بهمش حدا من غير قوميتي ولا بدعو لتهميشو ...
|
أهلا و سهلا فيك و شكرا على اهتمامك.. معناتو لازم بس نخصص الكلام عن القومية السورية تشارك معنا... اكيد راح نستفيد كلنا
اقتباس:
ما بعرف اذا كتير الفكرة مرتبطة بالموضوع, بس عم تعن كتير على بالي
ما ممكن تتشكل جماعة ( جماعة قومية بحكم الموضوع هون ) بدون ما يكون في اتفاق مبدأي ضمني بين اعضاء ها الجماعة, يقضي بامتلاكن صفات مشتركة بين بعضن و مميزة لألن عن باقي الناس,مميزة لألن بحيث يعتبرو حالن أفضل من باقي الناس اللي ما بتحمل ها الصفات, و بدون ها التمييز التفضيلي لأعضاء ها الجماعة لا يمكن تتشكل الجماعة أصلا, من هون ممكن تنشئ الصراعات مع باقي الجماعات المجاورة بالمحيط.
ما بعرف مرة تانية مدى الارتباط , بس من منطلق ها الفكرة لتكون الجماعات, ما بأيد الفكر القومي
|
أي في ارتباط حجي.. هاي فكرة الأساس في تشكّل القومية. افتراض ميزات و خصائص لمجموعة من الناس و اجتماعهم على أساس هذه الخصائص.. حتى لو ما اعتبرو حالهون أفضل.. مجرد الشعور بالتميز لسبب ما هو شرط كافي لتشكّل فكر قومي