فقر دم
هذه القصيدة ولدت بااللهجةالخليجية تقول للأقصى الأسير في كل عام بمناسبة اغتصابه بأيدي الصهاينة المعتدين :
كل عامٍ وانت يا أقصى أسير
كل عامٍ نسمع لصوتك هدير
كل عام يموت آلاف البشر
كل ساعة وكل دقيقة في خطر
واحنا نتفادى القدر..!
نلتحف بالحلم ونلبسلك حرير..!
المهم نكون احنا بألف خير..!
كل عامٍ وانت يا أقصى أسير
انتظرنا.. ألف عامٍ لو سمحت..!
انتظرنا.. واذرف دموعك جمر..
انتظر منا نصورلك صور..!
انتظر منا قصيدة ملونة..!
انتظر مليون عام وكم سنة..!
واصطبر..أف ليش ما عندك صبر..
خلنا نتمتع بدنيانا شوي..
ما نبي نشوف الخطر..
إيش يعني ..يموت أطفالك فداك.. !
إيش يعني جراحك تملّي الصدر
واحنا في كل عام..نذرفلك دموع..!
واحنا في كل عام ننظم لك شعر..!
كل عام نشعل لأجلك شموع..!
كل ساعة,وكل خطبة, وكل فجر..!
بس انت ارحمنا يا أقصى شوي..
واحنا نكتب لك قصيدة بالحبر..!
وانت يا أقصى قصيدك جانا أمس..
لكن بدمّك كتبته ..! شو الخبر !
لا تواخذنا توخرنا شوي..!
لا تواخذنا..بعثنالك حبر..!
فقر دم صابنا خمسين عام..!
بس فقر الدم أهون من قبر..!
كل عام وانت يا أقصى أسير ..
كل عام واحنا يا أقصى بخير.!
|