مرحبا أخ وائل
شكرا لأنك ذكرت جنسية الكاتب... لأن جنسية الكاتب تؤثر بشكل او بآخر على الآراء تبعه
بصراحة الفكرة فلسطينية جدا... الشعب الفلسطيني بالأراضي المحتلة للأسف محروم من دولة و بنى تحتية و حياة هنيئة و بالنسبة إلو ما باقي غير الكرامة يتمسك فيها.... و الشعب الفلسطيني بأراضي ال48, ممكن البعض يقول انو محروم من الكرامة. فصار الموضوع بالنسبة للكاتب الفلسطيني انو يا بتخسر الكرامة و بتعيش حياة كويسة نسبيا (اقتصاديا و تعليميا) بإسرائيل... يا بتحافظ على كرامتك بس بتتبهدل كإنسان و كمجتمع
بينما الحياة بالحقيقة مو هيك... مو اسود و ابيض... بل عندك أطياف كتيرة بالمنتصف و معظم شعوب العالم عايشة بهالأطياف. حتى الشعب الأميركي... الشعب الأميركي عايش حياة اقتصادية سريعة جدا و نسبيا مرفهة... بس فينا نعتبر انو ثمن الرأسمالية الأميركية هو (لسبب أو لآخر و ما بعرف ليش بالضبط) تدهور الثقافة... بالتالي تدهور تقرير المصير عند المواطن الأميركي و تمركز السلطة بإيد فئات معينة... فينا كمان نعتبر هادا نوع من انواع الانتقاص من كرامة المواطن
اقتباس:
كاتب النص الأصلي : وائل 76
مثلا العراق عربد ورفض أن يسلم ما لديه من بترول وكرامة وسيادة, فدمرت البلاد وقُتل العباد, وغُللت القيود والأوتاد, وحرق الحصاد, وفي النهاية دخل المستعمر البلاد, وسيطر على النفط والمراد
عبد الله عبد الرحيم
صحفي فلسطيني
|
هون الكاتب عم يصف بشكل مريع مع صدام حسين.... العراق ما عربد و لا رفض... متل ما العراق انجر لحروب طاحنة... العراق انجر ليقبل بالمقاطعة الاقتصادية لعشر سنين... و انجر بعدين لحرب و "تحرير". مين المسؤول اكتر من صدام حسين شخصيا؟ بقى ما تقلي الشعب العراقي رجاءا... الشعب العراقي ما كان إلو قرار بالموضوع
و نفس الشي وضع معظم الدول العربية... الخيارات يلي عم نشوفها عم تُختار ما بتمثل تطلعات الشعوب لا من ناحية الحياة الكويسة و لا من ناحية الكرمة. يعني هلق نحنا مع صمودنا عايشين حياة ملؤها الكرامة و عزة النفس بسوريا ؟؟؟
الخيارات هيي خيارات القيادات... و نحنا ما إلنا صوت... بقى اننا نمثل او نختصر الشعوب العربية إما بالحمار الوحشي او الحمار العادي... فهادا كلام غلط و غير صحيح.... فيك تمثل القادة العرب... أوكي... بس لا الدول و لا الشوب العربية
نحنا اظبط تمثلنا بالنعاج.... او الخواريف... خلينا على كلمة خواريف... كلمة نعاج بحسها مسيحية كتير و العياذ بالله
ذكرى مرور عام على وفاة الأديب العالمي سيبيري ماسكوليه 1932 - 2008