[أبو شريك]

بس هللا مؤقتاً الوضع عاجبني

يا عيني عليك .. احكي هيك من الأول .. ولا تقلي دكتور و علاج واثارة وما بعرف شو ..


لاحكيلك هيك شغله صغيره : من فترة وديت جهازي لمركز كمبيوتر لأنو كان خربان ( انضرب الهارد ) .. وقلتلن صلحوه واذا بدو فورمات فرمتوه .. بس في عليه ملفات عالـ D .. يعني فرمتو الـ C بس ..

تاني يوم بجي ولا بلاقين مفرمتين كلشي .. وكل الملفات طايره ..... الفني هنيك قلي : ما كان في غير هالحل .. والملفات ما عاد ترجع .. قلتلو شوي يعني ؟ قلي : الملفات مستحيل ترجع بعد الفورمات .. وخلص هاد اللي صار شو بدك تعمل ..

بتعرف هون شو قلتلو ؟ قلتو : بدك ترجع الملفات يعني بدك ترجعن ... لو بدك توديه لعند بيل غيتس !! وهددتو اخرب بيتو واحسب الله ما خلقو ..


بعد يومين ..تحديدا العصر .. بيتصل علي وبقلي الملفات رجعت ..!!



رحت لعندو .. وطلع فعلا سائل ومدور وجايب برنامج لاسترجاع الملفات ... ومرجعن .. مع انو كان عم يقلي مستحيل ترجع !!!

وللعلم هالمركز من أقوى .. أو أقوى مركز كمبيوتر على مستوى المدينة اللي ساكن فيها .. والفني صرلو بهالمجال أكتر من 10 سنين ..


يعني لو كنت ساكت كانت ملفاتي راحت بس لأنو هالفني ما حب يتعب حالو أو يقلي ما بعرف .. إصراري عالموضوع هوه اللي خلاني أوصل للي بدي ياه ..



بقا انتا نفس الشي .. لو كنت فعلا بدك ترجع طبيعي متل باقي البشر .. كنت ما اكتفيت بكلمة دكتور ممكن تكون صح وممكن تكون غلط .. بس انتا متل ما حكيت .. الوضع هيك عاجبك ..


شكرا لإلك على صراحتك . وهي كمان نقطة تحسب لإلك ..