يقولوا الزمان ينسي معاه ما تفكر والي
كان الزمان ينسي راهو نسيت الغالي
راني نسيت اللي شهاته عيني
وارتحت من قولة قريب يجيني
امتى الزمان ينسي كيف الزمان ينسى
يقولوا الزمان يباعد انا ما تباعد عني
اللي عشقتها قاعد كل يوم يقرب مني
كان الزمان يباعد مو في الكنين مرسي
كان الزمان يباعد مالقيت هدا نصي
راني نيسته وما فكرت خباره
وما كنت لبيته ندير زيارة
امتى الزمان يباعد كيف الزمان يباعد
يقولوا الزمان يهون انا ما يهون لقيته
حتى المكان الاول انا ما مكانه نسيته
كان الزمان يهون ما الناس سمعوا حسي
موحال كان يهون يبقى معاي مرسي
راني نسيته ما فكرت اوصافه
راهو قصته ماضي يدات خرافه
امتى الزمان يهون كيف الزمان يهون
يقولوا الزمان يفارق ما بين غالي و غالي
مانا اللي كنيني حارق ما في مكانه والي
بقولوا الزمان يفارق لكن حرام ما ينسي
مانا اللي منامي سارق معاد عليا يمسي
راني نسيته و نمت نومة الراحه
وراني رضيت بديل في مطراحه
امتى الزمان ينسي كيف الزمان ينسى
يقولوا الزمان ينسي معاه ما تفكر والي
كان الزمان ينسي راهو نسيت الغالي