[ayham-hemo]

يا ستي الطبخة مستوية وطالع طيبة بس بدي ضيف شوية بهارات خاصة فيني لضيف نكهة جديدة عالاكلة.
ليش نحنا بنضطر لنغير استراتيجيتنا لما بتسد بوشنا بسسسسسسسسسسسسسس، ليش ما بنغير استراتيجيتنا وتكتينا من باب التغيير، من شباك نعيش التجربة بشكل مختلف، من منور التفرد بأسلوب خاص نتميز فيه...
ليش لنكون ئطعة وحدة ونضل هيك فرد شثفة حتى تعصلج معنا الامور، ليش ما نتحول لأشكال جديدة بدون مايكون سبب نكون فيها فريدين عن غيرنا، وطبعا مو أصدي انو نجن ونصطلها ونوئف شعرنا وندهن ربعو بالسيرؤني ونشأوئ اوعينا وهيك صرعات.... لاااااااااااااااااااااااااااااااااااااا مو هيك ابدا.
لازم نبرهن على التبديل بأسلوب حضاري وذات رسالة ونكون مئتنعين أبل غيرنا بالهدف من التغيير حتى يئتنع غيرنا فيها ويلحئنا.....
ولازم ما نستنى متل أخونا الضرير حتى يجي انسان لماع يخترعلو أصة تحدث فرء بحياتو، لازم نكون نحنا هالشخص المبدع اللي بيخترع طريئة ووسيلة وفكرة سوبر جديدة، تكون مثل ومنهج لغيرنا، هالشي مو مستحيل منوووووووووووووب بس بدو شوية تفكير مو هيك ولا انا خطأاااااااااااااان -بمعنى غلطان-.
شلون بالله الطبخة مو صارت أطيب بحياة أمكم أحكو ضميركم؟؟؟؟؟؟؟؟؟؟؟


الله حيوووووووووو الدعم اللوجستي