أخوية - عرض مشاركة واحدة - فتح سفارات واقامة علاقات دبلوماسية بين سوريا ولبنان؟؟؟

yass · 17/07/2008

أنا صوتت نعم..

لأنو بعتقد انو العلاقة الطبيعية بين دولتين ذوات سيادة هي علاقة سفارات.. و عدم وجود سفارات بين سوريا و لبنان هو رواسب تاريخية و ليس "رفع كلفة" أو "نحنا حبايب ما بيناتنا هيك قصص" ..

و فتح السفارات ما بيأثر سلبا عالعلاقات.. شوف أقوى الدول ربطا ببعضها, مثل دول الاتحاد الأوربي... بيناتهون سفارات... هاد الأمر الطبيعي.. بالعكس الو فوائد ادارية من حيث راح يسهل عالسوريين الموجودين بلبنان مثلا كتير أمور ادارية من تسجيلات و تجديدات, و اللبنانيين بسوريا نفس الشي.. و حتى سياحيا يعني هلأ لما الواحد مثلا نازل سياحة على سوريا كم يوم (شخص أجنبي قصدي) اذا ما حاسب حسابو و آخد فيزا من السفارة اللبنانية ببلدو فما رح يقدر يفوت لبنان لأنو مافي جهة لبنانية تعطي فيزا بسوريا. و العكس صحيح...

و حتى اعلاميا و من وجهة نظر الرأي العام شايف عدم وجود السفارة أكثر ضررا على العلاقات من وجودها

شكرا