وهلاء اجا دور الاجوبة اوك
يلا نبدا
السؤال الاول:
صــف نفســـك بكلمتيـــن فقـــط
اليتيمة المدللة
السؤال الثاني:
مــاهــو الشــئ الذي ندمــت علــي عمـلــــه؟!؟
ما قدرت امسك نفسي يوم وفاة بابا بكيت كتيركتير وهيك حرام لازم كنت اقرا قران يريحو ويزيد من ثوابو .....
السؤال الثالث:
كـلمـــة تمنيـــــت ان تسـتطيـــع سحـبهــــا؟!؟
كتير كلام تمنيت اسحبو بس رح اقول الاخيرة قلت لقلبي افتح الباب وما لازم افتحو بس الحمد لله قدرت الحق وقفلو تانى نهائي
السؤال الرابع:
آخـــر شخـــص تتـــذكــــره قبـــل أن تنـــــام؟!؟
حمودي اخي الصغير والغا لين اللي تحت التراب
السؤال الخامس:
جــريمــة تتمنـــي لـــو تستطيـــع ارتكابهــــا؟!؟
ياريت اقدر اقتل شيطاني اللي جواتي ياريت
السؤال السادس:
حمـامة زاجـــل حاملـــة رســالة لـك,,,من من تتمنـى ان تكــون؟!؟
من دكتور عندو علاج لماما لانو مريضة شوى
السؤال السابع:
شخـــص لطــالما حـــلمـــت بــــه؟!؟
الاخت اللي انحرمت منها
السؤال الثامن:
دمـعـــه انـذرفــــت رغـمــاً عنـــك؟!؟
هي دموع ما دمعة بس كلها دموع فراق وبعد الحبايب
السؤال التاسع:
مـوقـــف صــدمــك ولــن تنســــاه؟!؟
وفاة اغلى الناس
السؤال العاشر:
شـخــص تتمنــي الإنتقــام منـــه؟!؟
نفسي الامارة با السوء
السؤال الحادي عشر:
شــئ او عمــل لا تستطيــع مســامحته؟!؟
الاهانة لكرامتى لاسمح الله
السؤال الثاني عشر:
شــئ او شخــص غيــّر مجــري حياتـــك؟!؟
الشئ هو الدراسة والنت والشخص هو مممممم مافي شخص غيرلي مجرى حياتي لانو ما اتغيرت لسه
السؤال الثالث عشر:
حلم لا تستطيـــع تحقيقه؟!؟
لو الزمن يرجع لورا شوي بس
السؤال الرابع عشر:
كلمة تود سماعها كل يوم؟!؟
اسمى من بابا
السؤال الخامس عشر:
القمر-الشمس-النجوم...........ايهم تفضل والسبب؟!؟
كلهم لانو ال3 بيكملو بعض ما قدرت ميز بينهم كل واحد بيعنيلي شي كتير حلو وبيكمل با الاتنين التانيين
السؤال السادس عشر:
انت في جزير منعزلة وبعيد ويمكن ان تختار شخص يكون معك من تختار؟
توأم روحي اصغر اخواتي الشباب اللي مسافر بدبي ؟
السؤال السابع عشر:
عرف الخيانة؟انواعها؟اشكالها؟ح جمها؟؟
امر من الموت انواعها ممكن تكون بفكرة او نظرة او كلمة او همسة
واشكالها الله لا يخلينا نشوفها ولا نعرفها وحجمها يعني لما تكون خيانة بفكرة او نظرة او ووو وتحس انو الموت ارحم من مرارتها كيف بدو يكون حجمها اكيد يا لطيف.... الله يتلطف فينا
السؤال الثامن عشر:
اغلى 3 اشخاص في حياتك؟
1-بابا وماما 2-اخواتي3-وتوأم روحي اللي هو اصغر اخواتي
السؤال التاسع عشر:
من الاشخاص الذين لو فقدتهم لا تستطيع تعويضهم؟
االوالدين والاخ والقلب
السؤال العشرون:
حكمة هي مبدء حياتك وقناعتك؟
وقل يا عبادي الذين اسرفو على انفسهم لا تقنطو من رحمة الله ان الله يغفر الذنوب جميعها
السؤال الواحد والعشرون:
من هو الشخص الذي تتمنى ان تصبح مثله بكل شئ ؟
من بعد نبينا عليه السلام وكل الصحابة طبعا لانهم مفروغ منهم اكيد كلنا بنتمنى نكون متلهم بحب كون متل ماما وبنفس الوقت انا راضية على نفسي نوعا ما لانو بشبه بابا الله يرحمو بس في اشياء بماما كتير كويسة ومنيحة بفقدها
على فكرة انا عم اشرح وفصل منشان تحللني وما كون غامضة صح؟
اللي بعدو مممم
السؤال الثاني والعشرون:
ما هي العادات الخمسة السيئة التي انت غير راضي عنها وتريد التخلص منها؟؟
بس خمسة قول 50 وقوى قلبك بس رح اقولك خمسة اهم خمسة
اول شي عصبيتي الجنونية
واحيانا بيسمك مخي وبيوقف عقلي عن التفكير وفهم المواضيع
وووو لما بتعرف على حد من اول مرة بشبط فيه وخلاص بيصير صديق واخ ووووو كانو بعرفو من زمان وبس انصدم فيه ما بتعلم من تجربتي
على فكرة بغض النظر لنوع الشخص ممكن زكر وممكن انثى
ورابع شي متهورة واحيانا بتهور بغباء
وخامسا والا اخيراا حشرية وفضولية كتير يعني بتقدر تقول بدور على حدا عندو سر منشان اعرفو واكتشفو
وما بحب با عيون الحب انو جبانة بتخاف من العتمة كتيرررر ممكن ابقى متغطية 10 ساعات لو النور قطع ومافتح عيوني ولا بتحرك وبكون كتير بايخة وقتها
وكمان قلة الاكل والسهر لانو عم يزعلو ماما كتير
السؤال الثالث والعشرون:
ما هي الخمس عادات الحسنة التي تتمنى ان تحافظ عليها لانك راضي عنها؟
اي كمان في كتير شو يعني مافي شي كويس ومنيح لاء في عد على اصابيعك
بس كفايا دول محاسن اليمامة
شكرا
لالالالالالالالا مزححححح
محاسنى هي يمكن الناس تسميها عيوب بس انا بلاقيها محاسن ورح اقول السبب
العند لانو بيخليك تتمسك با الصح وبا المبدء صح ممكن يكون المبدء غلط بس لما بيكون عندك مبدء صح ولا غلط احسن وافضل ما تكون بلا مبدء على الهامش وتحت السطر صح طبعا الاحسن يكون مبدءنا صح با الدني
وتاني شي حلو فيكي يا عيون الحب مممممممم اى لو لقيت نفسي غلطت بشخص ببقى كتير حاسي بزنب واحيانا بستهبل وما بخلي حدا ما اقولو شو غلطت وحتى لو الشخص ما كان بيعرف انا بقولو ولو ما انا اللي قلت في ولاد الحلال كتير من اللي خبرتهم بيرحو يقولو لانهم فتانين بس انا بفرح ومابزعل منهم ابدا هي شي بحبها با عيون الحب
والتالتي انو ما بنسى شي ابدا الحمد لله كتير بيتمنو نعمةالنسيان بس انا لا
ما بتمناها منشان ما انسى بابا ولا اخواتي ولا اي حدا عمل معي خير ومابنسى اي كلمي سمعتها وفرحت فيها على طول بسمعها لنفسي كل يوم تقريبا والله اعلم
هلاء رابعا محبتي لاخواتي من قوتها بيقولولي انو بيحسو انو انا امهم وبفرح مع انو بيكبروني كتير بس موافقة ومبسوطة اكتر
هلاء خامسا
وبحس احيانا قلبي عم يغلي غلي في شي جوا بيفور جد كتير بحس هيك يعنى بحس قلبي اتملى للاخر وفي شي بدو يطلع لبرا والشي هاد حب
يعني لما بحب حبي كبير بتقدر تقول انو بشيل اللي بحبو وبحطو بكاسي وبشربو بغض النظر عن الشخص لانو انا ممكن اقصد بكلامى تكون بنت اكتر ما يكون شب لانو انا اعشق البنات بشكل عام طبعا لانو محرومة منهم
وعندي احيانا جرئة لانو بحب اعرف واتعلم كل شئ وبحب ادخل مغامرة
بس اكتر واحلى شي بحبو انو صادقة مع نفسي لما بكون صح بقولها انو انتى صح ولما بغلط بقولها انتى 600 غلطلانة كتير هي بحبها في
السؤال الرابع والعشرون ؟
هل انت سعيد بكل ما تفعله فى حياتك؟!؟
الصراحة لا ما رضيانى ابدا لانو بحس انو انا ما بعمل كل شئ فرضو رب العالمين علينا رغم انى بعرفو ومقتنعة فيه بس شيطانى قوى وانشاء الله بتحسن وبغلبو
انتهت الاسئلة
الحمد لله وانتهت الاجوبة كمان
بس بزمتك ما تعبت ومليت وندمت انك قلتلي جاوبي بس هما هيك اهل الفلسفة بيتفلسفو كتير صح
تحياتي الك وللجميع
عيون الحب
|