عمل جيّد إيفان
ما قدرت قول أكتر من هيك .. لأنو متلكن تماماً .. ما بطيق الواقعي... وبعكسك تماماً .. ما بجيد رسم الواقعي ...
مش لأنو ما بعرف ارسم .. لكن لأنه التجريد بيجذبني اكتر .. وفضائو للتعبير عن الذات أوسع
وبيحزنني جداً المقولة عن أنه الي ما بيعرف يرسم بينتقل .. وبيعتبر حالو رسام تجريدي
بس عمل جيّد ... ونصيحة مني ... لا تردي عاللي بيستفزك من مبدأ انو بهالمجال انت مالك خبرة او ما بتعرف..
هالشخص الي اتحداكي بعدم قدرتك عرسم الواقعي ... في متله أشخاص كتير .. وبصادفهن ومنصادفهن بحياتنا كتير .. وبالنسبة الي نسبة الي وجهو هيك انتقاد الي .. 80 بالمية منهن بيرسمو واقعي لذلك بيتجهو لهالانتقاد مشان يشعلو الغاز تحت نار التحدي ..
اول مرة غلطنا وقبلنا التحدي واتكسفنا يا بيه
المرات الي بعدها .. تحدينا بعض .. واقعي × تجريد ... وانعرضت على طرف محايد .. والنتيجة انحسمت 3/1
بالنسبة الي هيك بكون مرتاح جداً ... مع انه مافيني قارن عمل واقعي بعمل تجريدي او تجريدي بانطباعي او انطباعي بتكعيبي ... كل واحد اله جماليتو ... لكن هيك ريحت راسي
هلئ الي عودة بكرا للتعليق فيما يخص ... الواقعية وأهميتها من عدمها