[whiterose]

كاتب النص الأصلي : The morning

على هويتي ( باميركا بيكتبو عالهويات اذا بترغب تتبرع أو لاء ) على هويتي مكتوب لاء حاليا ً ..

لكن هالموضوع مازال حتى اليوم بيحيرني التفكير فيه .. بتبرع أو لاء ، همممم ..

و صراحة أكتر ما بحس من حقي هالقرار .. يعني انا اذا شخص غالي عليّ توفى و كاتب على هويته بتبرع بأعضائي فمش كتير رح تعجبني الفكرة و مش رح استسيغها و يمكن عارضها حتى لو هو بنفسه عاجبته و موافق عليها .. يعني برأي هاد أمر مش نحنا لازم نقرره لأنو بس لم نموت في ناس رح بنكون عم نتركها بهي الدني بعدها عايشة و اعتقد القرار لازم يرجع الهم بالدرجة الأولى لأنو يمكن نحنا بطلنا نحس شو صاير بس هنن بعدهم عم يحسو ..

حلو الموضوع بالرغم من اني ما خلصت قراءته

** هامش ** انا ما رح صوّت لأنو مابعرف رأي متل ما ذكرت بحس في ناس أولى مني تقرر هالشي

شكرا لمرورك
ورايي متل رأيك تقريبا بس في شغلة حابة قلك عليها

مين هالناس يلي أولى بحالك بعد وفاتك لاقدر الله ؟ لتقدر هالشي؟؟

هالشي مو سهل ابدا ...ومين مات ورجع خبرنا شوصار معو

مين بيعرف الميت شو شعوروا وشو احساسو؟؟

مع اني مع كتير اشيا انسانية بتتعلق بها الامور بس انا بحس هالشي مو صح ولا زابط

لوفرضا توفيت مابتخيل اخدولي عيوني ولا شقو صدري وشالو قلبي القصة اصعب من ما منتوقع ومنتخيل وعلى القليل من نظري أنا

بتخيل إني ضد هالاشيا وصوتت بلاء