انا كمان احياناً بدوخ وقت تطفي الكهربا .. وبتوقع هي غلة فيزيولوجية مو عادة 
حلو الواحد يحكي مع مخدتو .. انا وقت كون ماشي بالشارع .. بحكي مع الجاكيت 
اما قصة النمل .. فكانت فيني هالعادة .. بعدين صرت ازعل عليهن .. وقررت ما آذي اي حيوان .. حرام .. بيضلو مواطنين سوريين .. ويمكن احسن من بعض البشر ...
ع فكرة بطلت اقتل حشرات من بعد ما شفت فلم (بي موفي) 
بعد هالعشرطعشر رد .. ازكرت عادة سيئة كتييير وهيي انو بضل عم اضحك .. واغلظ شي وقت اضحك وانا عم بحكي بيطلع صوتي مسخرة الله وكيلكن ...
وطبعاً كمان .. احياناً بتعلى نبرة صوتي بشكل مفاجئ !
وفي كمان عندي عادة انو قلة زوق .. ما بعرف احكي كلمات المجاملة ... يعني وقت حدا يقللي تفضل بقللو اهلا وسهلا ...مرة شفت شحادة عم تمدلي الطاسة مشان اعطيها مصاري .. قلتلها يسلمو !
وكمان من قلة زوقي .. اني بكون قاعد مع عالم ان كان بمطعم او بيت .. بتلاقيني ازا بدي روح عالدبليو سي او اطلع شوي لبرا .. ما بقول ..(عن ازنكن .. لحظة شوي ...)ومن هالحكي مدري ليش ! 
اضافة لكل هاللعي .. عندي عادة حلوة .. انو اول ما عبي موبايلي .. بتصل او بعمل ميسد كول .. تقريباً لكل ليستا الاسماء يلي عندي عالموبايل ! 
وعندي عادة كمان هلأ تزكرتها .. انو كل ما روح عالعزا .. بتجيني الضحكة ما بعرف ليش ....
شكلي الي رجعة .. بجوز اتزكر عادات اكتر من كل هدول
الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
|