للاسف انو في كتير شباب رأيون انو ما بيلبقنا الديموقراطية وهون هو سبب المشكلة !!!
وعمياخدو مثال بالعراق طبعا ما بينطبق عليه المثال لانو تحت الاحتلال اما عفلسطين فكان في قمة الديموقراطية بالانتخابات البرلمانية يعني رغم انو ماعندون دولة بس والله احسن من عنا واحسن من كتير دول عربية غربية
ونجحت حركة حماس باغلبية المقاعد بس شو صار عليها من الدولة الغربية والعربية !!!!!!
صار في ضغط وحصار ! يبقى العيب مو فينا العيب عميجي من برى !
اما لبنان فعندون ديموقراطية وكتيييير حلوة لو تطبق مزبوط لتطلع مثال عالمي بس المشكلة انو عميدخلو الطوائف بالسياسة ولو كانت دولة علمانية واحزابها علمانية ما كان في احلى منها !
الواحد لو يفهم مفهوم الديموقراطية اكيد رح يطبقها ويسعى انو تطبق لانو الواحد بدون ديموقراطية انا برايي مالو وجود وانسان وبيكون انسان ضعيف لانو الي فوقك هو عميحركك وعميرسملك مستقبلك ومستقبل ابن عمك ومستقبل ابن جيرانك ويمكن انت ومليون واحد مثلا متلك بدك طريق لمستقبلك ومستقبل بلدك غير الطريق الي عميمشيك عليه الي فوقك !!
ويمكن اتشوف الي فوقك عميسرق وعمينهب بلدك وثرواتو الي انت الك حق فيه متل غيرك بس ما عمتقدر انت والمليون الي معك يوقفو هل الشي وينتخبو مثلا واحد يمثل رايون مشان يكون الون راي وفعل متل باقي الملايين من الشعب يكون الون راي تاني بس بالاخير بيكون الهدف واحد ولو اتعددت الاراء والطرق !!
فالديموقراطية محتاجة فهم ومحتاجة اساس ومحتاجة تفكير وعدم اتكالية ولا مبالاة لانو هي اساس الحياة واساس انو اتحس بانسانيتك وتحس بفضل الله انو خلقك غير الحيوان وفضلك على باقي المخلوقات وخلاك مخير غير مسير
انا بتنفس حرية ما تقطع عني الهوا ولا تزيدا كتير علي احسن ما نوقع سوا
|