عم يطرح الكاتب " بأسلوب جميل الحقيقة " مشكلة منطقية في بدايتها
المرأة التي تتزوج لتهرب من أسر المنزل .. والأهل .. بس بعدين حسيت الكاتب انتقل لخطاب عاطفي وايجاد مبررات للمرأة اللي بتلاقي فارس أحلامها بعد الزواج ..
فارس الأحلام هو صورة لطموحاتنا ومتطلباتنا بالشخص " انعكاس رغباتنا " وقت بيجي فارس الأحلام المنتظر .. بيكون عم تحب احلامك ما عم تحب الشخص لنفسه ولفرادته عم تحب صورة خيالك فيه " يعني عم تحب حالك "
.. عم تحب الطلب التفصيل اللي لاقيتو فيه
أنا أحترم الشراكة .. على الأطلاق ما بشوف انو الشراكة سيئة " طبعا ً ما قلنا بدون عواطف بنوب " ..
اللي عم حاول قولو ..
انو الحب .. كحالة عاطفية خارقة لشخص بخيالنا " يمكن يكون الشخص ما بيشبه حتى بس خيالنا مصر يصورو ألنا على انو هيك " هو انعكاس لحبنا لذاتنا
وقت بدي حب شخص أخر .. بدي حبو كما هو كاملا ً " حتى اخطاءة الصغيرة رح حبا وحتى إن كان حصانو الأبيض بيعاني من مشكلة ما رح حبا " .
اما بخصوص بعد الزواج 
انا احترم الالتزام اكثر من الحب
الحب الذي رح يجي ويدمر العيلة والالتزام اللي اخدتو بكامل قواي العقلية ... وتحت ظل الإرادة الحرة ما بدي ياه
بأمن انو العلاقة مع شريك الحياة حتى لو انتابا فتور طبيعي ما بتبرر الخيانة حتى بالأفكار
وبعتقد أني إذا وصلت لمرحلة ما بحب فيها شريك حياتي
رح يكون الحل اني ارجع اتعلم حبو من جديد ما أني حب شخص جديد
وشكرا ًًَ
|