[Syrian Gay]

وشم الجمال

برضو بدي رأيك بهالشخصيات

جورج بوش الابن

جورج بوش حاول يساوي شي بس ما زبطت معو .. والمشكلة انو من ما بيعترف بأغلاطو .. وبيكمل .. ومن خراب لـ خراب

الخميني ما بحب رجال الدين كتير .. وهو بالذات لأن أذى كتير المثليين
فلاديمير بوتن بحسو مرات مع قضايانا العربية ومرات لا ..
القذافي ما بيلبقلو يكون رئيس .. كتير تفكيرو بحسو سطحي
كونداليزارايس بتحب تساوي حالها انو هي وحزبها ودولتا كتير حبابين وكل واحد يتبعهون حباب والبقية مستوى أدنى .. وكأني حدا طلب منها تصنّف العالم ضمن مستويات
شارون بقا هادا المجرم كبير ما بينحكى عنو غير .. إلى مزبلة التاريخ وما حدا رح يذكروا غير بالعاطل
هتلر متعصب بغيض
السلطلان عبدالحميد الثاني والله ما بعرف شو بدي احكي عنو يعني .. ما في شي احكيه عنو ما بيهمني يعني كتير
بلفور شو بدي احكي ع واحد حط بيناتنا ثغرة لا تطاق .. وهو سبب كل المشاكل بمنطقتنا
عمر المختار ما بيهمني كتير
جيفارا ما بيهمني كتير
فارس عودة بيقشعر بدني لما بشوفو
عزمي بشارة ما بيهمني كتير
رفيق الحريري بحبو لهل الشخص .. بحس عمل شي لبلدو .. بس هللا صار اقرف من اسمو مو انو اكرهو بس انو قرفونا فيه بأستعمالو بمحلات لا تليق بمستواه قديماً
جمال عبد الناصر ما بيطيقو .. عمل اشيا ظالمة بحق كتار
انور السادات ما بيهمني
حسن نصر الله

حسن نصر الله كـ شخص ما بحبو نظراً لـ طائفيتو المخباية سابقاً .. بس كـ سياسة فـ مع أفكارو

وبهالحركتين كمان بدي رايك
حركة أمل ماشي حالا
حزب الله بحب شي يللي عم يساويه انو ما عم يسكت ع ولا شي .. استراتيجيتو بتعجبني كتير

غادة السمان كاتبة سورية يرفع لها الشابو
حنا مينا كمان اديب سوري راقي كتير
واسيني الاعرج ما بعرفو
ميخائيل نعيمة مو قاريلو ولا كلمة
جبران خليل جبران بحب افكارو كتير .. ثار ع اشياء انا معو فيا
المنفلوطي ما كتير قاريلو
احلام مستغانمي رااااااائعة بكل معنى الكلمة
باولو كويلهو كمان رائع وبتفق معو كتييير

شو رأيك فيهم وشو انتقاداتك الهم...بتحبهم ..يا اخي احكيلي عنهم

واسفة على الغلبةواذا مو حابب ترد ولا على اي سؤال عادي وما بزعل
لا ولو عادي لا غلبيتيني ولا شي .. وحاولت جاوب ع الكل


وثانكيو على رايك فيني وهيني رجعت وقارفاكم باخوية مشان ما تزعل
اهلاً وسهلاً فيكي عن جديد .. ويكفي زعلنات .. ما بدنا مبدعين متلك يتركونا