[Syrian Gay]

وشم الجمال

ويللا كما جولة مع الاغاني
لمين بتهدي هالاغاني

خدني معك كيف بدي قوللك يعني
بعدك على بالي لـ حبيبي الأخير .. أنو بعدو ع بالي بس ما بنقدر نكمل مع بعض
ضمني على صدرك ممم لشي حدا ما بينقال
سلامتك من الاه لحالي
انا بعشقك لـ أختي
الأماكن لـ الشخص يللي رحت معو لأماكن كتير وكل ما بدخلهون بتذكرون
مستني مني ايه شخص بأخوية بيعرف حالو ..
الحب والوفاء لـ كيوتي
أناديكم للواعيين من شعبنا .. لينهضوا ببلدنا
كن صديقي أنت
أين ستهربون لظالمي الشعوب بكل مكان
اغضب ما حدا

نصيحة بتوجهها للتالية اسماؤهم

بلاك كمان خفف حدّيتك وعنفك
بترفلاي انفتحي ع الاخرين ولا تمسكي السلم بالعرض
هاني شاركنا أكتر ولا تغط
بريف هارت غيّر اسلوب طرحك للمواضيع
سيريان غاي حاجة تتعرف ع ناس
جاد خفف عدائيتك .. وضلك تحارب التخلف
محمد ابراهيم غيّر نمطك "مع أنو ما رح تتقبلها مني"
طارق ركّز ع شي معين
ذا لايت اضحك تضحك لك الدنيا (من حكي العالم انا ها ما بعرف عنك شي)
بارليب استعمل سمايلات بشان العالم تفهم قصدك شوي
ياس هو يللي لازم ينصحني مو أنا
امرأة من ورق الكل بيحبوكي فـ ارجعي
حكومة_غوفرمنت قبل ما تحكي .. فكّر منيح بشو عم تحكي
سويت بيبي يكفّي تعطي وش لعالم ما خرجا عطيان الوش
ريمي لا تردّي ابداً ع أعدائك .. بيحكوا بيحكوا وبيسكتوا لحالون
وشوم مزحي مع العالم اكتر شوي

اكتر كلمة بتحب تحكيها ولو
اكتر كلمة بتحتاج تسمعها اشتقتلك
اكتر كلمة بتكرهها شوفي مافي
اكتر كلمة بتنرفزك كلمة "مابعرف"
اكتر كلمة بتحسها سامية النضال
شو بتعنيلك كلمة ندل يعني نذل قصدك ؟ إذا أي فـ نذل يعني شو بدو يكون
بتعرف ترقص كتيييير
بتحب الفلفل الحار كتيييير
شو بتكره تاكل التفاح
شو مشروبك المفضل كولا
شو اكتر منظر بتحبو؟ الشروق

عمرك حسيت بانو الدنيا ضيقة وحابب تغادرها؟متى وليش؟
عاد بقا بدها عشرين صفحة هالشغلة .. بس أي كتير .. وكل فترة وفترة ولأسباب تراكمية غالباً .. اغلبها من الناحية النفسية
الغروب والشروق شو وفعهم على نفسك؟
الشروق بيحسسني بالأمل والفرح .. والغروب بيحسسني بالكأبة
الحب الو معاني كتير ارقاها حب الام...كلمة بتوجهها لامك...ولابوك...
لـ أمي .. بيكفي تفكري بغيرك والتفتي لحالك شوي ..
و لـ أبي .. بلا شوفة حال .. الناس متلك متلون .. مانك أعلى من حدا بشي
تخيل انو هاي اخر لحظة بحياتك...بعيد الشر عنك...شو رح تحس حسب توقعك؟؟
بنبسط .. وبسمع كم غنية بتأثر فيني .. لأن بالاغاني بتذكر الأشخاص يلي بحبون
شو وصيتك بالحياة؟؟؟
أنو ينعدم الظلم بالدنيا ولو أنو مستحيل
كلمة بتوجهها للحكام مع حصار غزة
مبسوطين هيك ؟
التجديد باخوية هل انت ضد الو؟؟وهل انت ما بتؤمن بالجدد يللي باخوية؟؟؟
مع التجديد بس ضمن أطارات معينة .. وكيف يعني بأمن بالجدد .. متلنا متلون ونحن كمان كنا بفترة من الفترات جدد .. بس يا ريت ما يشاركوا ويضللوا يقروا لمدة شهر قبل ما يشاركوا ..
اذا النت ما عادلو وجود بالحياة شو معناه بالنسبة الك؟
بدورلي ع نافذة أخرى من الحرية
مين اهم النت والا الكتب؟؟
النت .. لان بيجمع كل شي

شو يتشعر لما تسمعها...

الأطلال ولا شي لأن ما بسمع أم كلثوم وما بحب نمطها
أغدا ألقاك ولا شي لأن ما بسمع أم كلثوم وما بحب نمطها
سيرة الحب ولا شي لأن ما بسمع أم كلثوم وما بحب نمطها
قارئة الفنجان ولا شي لأن ما بسمع لعبد الحليم وما بحب نمطو
رسالة من تحت الماء ولا شي لأن ما بسمع لعبد الحليم وما بحب نمطو
زي الهوى ولا شي لأن ما بسمع لعبد الحليم وما بحب نمطو
أحن بينمّل جسمي وبحس بالشعور بالبكاء بس ما ببكي ..
تحية طيبة يا والدي الطيب ولاشي
كان في طفل صغير عم يلعب بالحارة بحس حالي طفل صغير
انا وليلى ولاشي
فوق النخل انو بحبا بس ما بتشعرني بشي
كلمات بقا هاي بتخليني أتخيل كتير شغلات حلوة
يا رايح صوب بلادي انا ببلادي ما بحس بشي
وطني(سامي كلارك) بغض النظر عن هالغنية بس سامي كلارك بموت فيه وبكل اغانيه وكللون بيحسسوني بكتير شغلات
عصفور طل من الشباك ما بعرفا هالغنية

عندك هالقضايا يللي خطرت ببالي ....اعطيني شي حل ممكن يخطر ببالك الها وكلمة موجهة الها كمان واذا هي ظاهرة شو رايك فيها

التســـول أنا ماني مع التسول الوقح .. بس مع التسول بأساليب تانية .. متل بيع اشياء بسيطة بس الها قيمة معنوية او العزف بالشارع او الرسم وغير هيك خلي يشتغل عتّال اشرفلو بكتييير

الاغتصاب سبق وذكرت .. واشرسه اغتصاب الاطفال .. وما عندي حل

الإرهاب معاناة جماعية .. صعب كتير القضاء عليه بسهولة .. الارهابي لا عندو درّة مشاعر .. هو مسخ

غلاء الاسعار ظاهرة بتأثر ع اصحاب الطبقة المتوسطة من الشعب أكتر شي برأيي .. والحل انو يحاولوا يشتروا موجودات ثابتة وعقارات وهالقصص لأن هاي بترتفع سعرا مع غلاء الاسعار .. يعني احسن من ما الواحد يحط مصاريه البنك

الإدمان عالمخدرات بتخلي متداولها شبيه بالحيوان .. والحل هو الوعية بعدم الفائدة من هالمادة المؤذية

التعارف عن طريق النت حلو .. وبالنسبة الي بيشغل كل حياتي .. وما بقدر استغني عنو نظراً للسرية الموجودة فيه .. ولأن بمحتمعنا الواحد عن طريق النت بيقدر يفصح عن ميولاتو اكتر

الحب عن طريق النت ما بحبو .. هللا التعارف اوكي .. بس بعدها يصير لقاء حقيقي .. ما بقدر ضاين ع انو حب حدا ع النت كتير .. بحس هالانسان مانو حقيقي كتير ع النت وما بيبنوا كل مشاعرو الحقيقة

الهجرة كتير منيحة للمحتاج الها عن حق وحقيق .. بس سيئة إذا كانت بس لتغيير حياة معينة ..

اللجوء كمان ممتازة .. بس صايرة هالايام فيا كتير خداع

الواسطة بحبا رغم سوءها .. بستعملها احياناً .. بس بستعملها لما ما بيكون في حل تاني .. يعني لما بتتسكر كل البواب بوشي .. بس لازم يكون في حل الها ..

الانتحار هو شي غلط كتير .. بالرغم من أني وقعت بمحاولات انتحار .. والحل هو العلاج النفسي

الفن الهابط مع وجودو .. لأن اذا ما كان في فن هابط ما رح يكون في فن راقي .. وكمان مو من حقنا نلغيه طالما في نسبة من تابعينو